1 Samuele 26:1-25

26  Fa nako e ntse e tsamaya banna ba Siife+ ba tla kwa go Saulo kwa Gibea+ ba re: “A Dafide ga a itshuba mo thoteng ya Hakila,+ e e lebaganeng le Jeshimone?”+  Mme Saulo a nanoga+ a fologela kwa nageng ya Siife, a na le banna ba le dikete di le tharo,+ ba ba tlhophilweng ba Iseraele, ba ya go batla Dafide kwa nageng ya Siife.  Mme Saulo a thibelela mo thoteng ya Hakila, e e lebaganeng le Jeshimone, fa tseleng, fa Dafide ene a ne a nna mo nageng. Mme a bona gore Saulo o ne a mo lateletse mo nageng.  Ka jalo Dafide a romela ditlhola+ gore a tle a itse gore eleruri Saulo o ne a tlile.  Moragonyana Dafide a nanoga mme a ya kwa lefelong le Saulo a neng a thibeletse mo go lone, mme Dafide a bona lefelo le Saulo a neng a robetse mo go lone, le Abenere+ morwa Nere molaodi wa masole a gagwe; mme Saulo o ne a robetse mo bodikanyetsong jwa bothibelelo+ le batho ba thibeletse go mo dikologa.  Foo Dafide a araba a raya Ahimeleke wa Mohite+ le Abishai+ morwa Seruia,+ morwarraagwe Joabe a re: “Ke mang yo o tla fologelang le nna kwa go Saulo kwa bothibelelong?” Fa a rialo Abishai a re: “Nna ka bonna ke tla fologela le wena.”+  Mme Dafide a ya kwa bathong bosigo a na le Abishai; mme bonang! Saulo o ne a robetse a thulametse mo bodikanyetsong jwa bothibelelo lerumo la gagwe le tlhometswe fa fatshe fa tlhogong ya gagwe, mme Abenere le batho ba bo ba robetse go mo dikologa.  Jaanong Abishai a raya Dafide a re: “Gompieno Modimo o tsentse mmaba wa gago mo seatleng sa gago.+ Mme jaanong, tsweetswee, mma ke mo tlhabelele fa fatshe ka lerumo gangwe fela fela, mme ga nkitla ke mo dira jalo gabedi.”  Le fa go ntse jalo, Dafide a raya Abishai a re: “O se ka wa mo senya, gonne ke mang yo o ntsheditseng motlodiwa wa ga Jehofa+ seatla mme a nna a se na molato?”+ 10  Mme Dafide a tswelela a re: “Jaaka Jehofa a tshedile,+ Jehofa ka boene o tla mo itaya;+ kgotsa letsatsi la gagwe le tla tla+ mme o tla swa, kgotsa o tla fologela kwa tlhabanong,+ mme ruri o tla nyelediwa.+ 11  Go ka se direge ka nna,+ go ya kafa ponong ya ga Jehofa,+ gore ke ntshetse motlodiwa wa ga Jehofa+ seatla!+ Ka jalo, jaanong tsweetswee, tsaya lerumo le le fa tlhogong ya gagwe le nkgwana ya metsi, mme re tsene mo tseleng.” 12  Ka jalo Dafide a tsaya lerumo le nkgwana ya metsi fa tlhogong ya ga Saulo, mme ba tsena mo tseleng; mme ga bo go se na ope yo o bonang+ le fa e le yo o lemogang le fa e le yo o thanyang, gonne botlhe ba ne ba thulametse, ka gonne ba ne ba wetswe ke boroko jo bogolo+ jo bo tswang kwa go Jehofa. 13  Foo Dafide a fetela ka kwa letlhakoreng le lengwe mme a ema mo godimo ga thaba kgakajana, sebaka se se fa gare ga bone se le segolo. 14  Mme Dafide a simolola go tlhaeletsa kwa bathong le kwa go Abenere morwa Nere, a re: “A ga o ne o araba, Abenere?” Mme Abenere+ a simolola go araba a re: “O mang wena yo o tlhaeleditseng kwa kgosing?” 15  Mme Dafide a tswelela a raya Abenere a re: “A ga o monna? Mme ke mang yo o tshwanang le wena mo Iseraele? Mme he, ke ka ntlha yang fa o ne wa se ka wa disa morena wa gago kgosi? Gonne mongwe wa batho o ne a tsena a tla go senya+ morena wa gago kgosi. 16  Selo seno se o se dirileng ga se molemo. Jaaka Jehofa a tshedile,+ lo tshwanelwa ke go swa+ banna ke lona, ka gonne ga lo a disa+ morena wa lona, motlodiwa wa ga Jehofa.+ Mme jaanong bonang gore lerumo la kgosi le nkgwana ya metsi+ di kae tse di neng di le fa tlhogong ya yone.” 17  Mme Saulo a simolola go lemoga lentswe la ga Dafide mme a re: “A leo ke lentswe la gago, Dafide morwaaka?”+ Dafide a araba a re: “Ke lentswe la me, morena wa me kgosi.” 18  Mme a oketsa a re: “Ke ka ntlha yang fa morena wa me a lelekisa motlhanka wa gagwe,+ gonne ke dirile eng, mme bosula jo bo mo seatleng sa me ke bofe?+ 19  Mme jaanong tsweetswee, a morena wa me kgosi a reetse mafoko a motlhanka wa gagwe: Fa e le Jehofa yo o go tlhotlheleditseng kgatlhanong le nna, a a dupe tshupelo ya bupi.+ Mme fa e le bomorwa ba batho,+ ba hutsitswe fa pele ga ga Jehofa,+ ka gonne ba ntelekile gompieno gore ke se ka ka ikutlwa ke golagane le boswa jwa ga Jehofa,+ ba re, ‘Tsamaya o ye go direla medimo e mengwe!’+ 20  Mme jaanong a madi a me a se ka a wela fa fatshe fa pele ga sefatlhego sa ga Jehofa;+ gonne kgosi ya Iseraele e tswetse go ya go batla letsetse le le lengwe fela,+ fela jaaka motho a lelekisa lesogo mo dithabeng.”+ 21  Mme Saulo a re: “Ke leofile.+ Boa, Dafide morwaaka, gonne ga nkitla ke tlhola ke go utlwisa botlhoko, ka gonne moya wa me o nnile tlhwatlhwakgolo+ mo matlhong a gago gompieno. Bona! Ke dirile ka boeleele mme ke fositse fela thata.” 22  Foo Dafide a araba a re: “Lerumo la kgosi ke le, mme a mongwe wa makau a tle go le tsaya. 23  Mme Jehofa ke ene a tla duelelang mongwe le mongwe tshiamo ya gagwe+ le boikanyegi jwa gagwe, ka gonne gompieno Jehofa o go tsentse mo seatleng sa me, mme ke ne ke sa batle go ntshetsa motlodiwa wa ga Jehofa seatla.+ 24  Mme, bona! fela jaaka moya wa gago o ne o le mogolo mo matlhong a me gompieno, e kete moya wa me o ka nna mogolo jalo mo matlhong a ga Jehofa,+ gore a nkgolole mo matshwenyegong otlhe.”+ 25  Foo Saulo a raya Dafide a re: “E kete o ka segofala, Dafide morwaaka. Ga se fela gore ruri o tla dira mme gape ruri o tla fenya.”+ Mme Dafide a tsamaya; mme Saulo ene, a boela kwa lefelong la gagwe.+

Dintlha Tse di Kwa Tlase