1 Ditiragalo 9:1-44

9  Fa e le Baiseraele botlhe, ba ne ba kwadisitswe kafa losikeng;+ ba kwadilwe mo Bukeng ya Dikgosi tsa Iseraele. Mme Juda ka boyone e ne ya isiwa botshwarwa+ kwa Babelona ka ntlha ya bosaikanyegeng jwa bone.  Mme banni ba ntlha ba ba neng ba le mo thuong ya bone mo metseng ya bone e ne e le Baiseraele,+ baperesiti,+ Balefi+ le Banethinime.+  Mme kwa Jerusalema+ go ne go nna bangwe ba bomorwa Juda+ le bangwe ba bomorwa Benjamine+ le bangwe ba bomorwa Eferaime le ba ga Manase:  Uthai morwa Amihude morwa Omeri morwa Imeri morwa Bani, ba bomorwa Perese+ morwa Juda.+  Le ba Bashilo,+ Asaia wa leitibolo le bomorwawe.  Le ba bomorwa Sera,+ Jeuele, le bomorwarraabone ba le makgolo a le marataro le masome a le robongwe.  Le ba bomorwa Benjamine, Sallu morwa Meshulame morwa Hodafia morwa Hasenua,  le Ibeneia morwa Jerohame, le Ela morwa Usi morwa Mikeri, le Meshulame morwa Shefatia morwa Reuele morwa Ibenija.  Mme bomorwarraabone ka masika a bone ba ne ba le makgolo a le robongwe le masome a matlhano le borataro. Botlhe bano e ne e le banna ba e neng e le ditlhogo tsa borre ka ntlo ya borraabonemogologolwane. 10  Mme ba baperesiti e ne e le Jedaia le Jehoiaribe le Jakine,+ 11  le Asaria+ morwa Hilekia morwa Meshulame morwa Sadoke morwa Meraiothe morwa Ahitube, moeteledipele wa ntlo ya Modimo wa boammaaruri, 12  le Adaia morwa Jerohame morwa Pashure morwa Malekija, le Maasai morwa Adiele morwa Jahasera morwa Meshulame morwa Meshilemithe+ morwa Imere, 13  le bomorwarraabone, ditlhogo tsa ntlo ya borraabonemogologolwane, sekete le makgolo a le supa le masome a le marataro, banna ba ba thata ba ba nang le bokgoni+ jwa tiro ya go direla mo ntlong ya Modimo wa boammaaruri. 14  Mme ba Balefi e ne e le Shemaia morwa Hashube morwa Aserikame morwa Hashabia+ go tswa mo go bomorwa Merari; 15  le Bakabakare, Hereshe le Galale, le Matania+ morwa Miga+ morwa Sikeri+ morwa Asafe,+ 16  le Obadia morwa Shemaia+ morwa Galale morwa Jeduthune,+ le Berekia morwa Asa morwa Elekana, yo o neng a nna mo metsaneng ya Banetofa.+ 17  Mme balebedi ba dikgoro+ e ne e le Shalume+ le Akube le Talemone le Ahimane le morwarraabone Shalume tlhogo, 18  mme go fitlha ka nako eo o ne a le mo kgorong+ ya kgosi e e kafa botlhaba. Bano e ne e le balebedi ba dikgoro tsa mathibelelo a bomorwa Lefi.+ 19  Le Shalume morwa Kore morwa Ebiasafe+ morwa+ Kora+ le bomorwarraagwe ba ntlo ya ga rraagwe ba Bakora,+ ba ba okametseng tiro ya go direla, balebedi ba kgoro+ ya mogope, le borraabone ba ba okametseng bothibelelo jwa ga Jehofa, batlhokomedi ba tsela ya botseno. 20  Finease+ morwa Eliasare+ ke ene yo e neng e le moeteledipele wa bone mo nakong e e fetileng. Jehofa o ne a na le ene.+ 21  Sekarea+ morwa Meshelemia e ne e le molebedi wa kgoro ya botseno jwa mogope wa bokopanelo. 22  Botlhe ba ba neng ba tlhophilwe go nna balebedi ba dikgoro kwa direpoding ba ne ba le makgolo a mabedi le lesome le bobedi. Ba ne ba le mo metsaneng+ ya bone go ya kafa ba kwadisitsweng kafa losikeng+ ka gone. Dafide+ le Samuele wa mmoni+ ba ne ba tlhoma bano mo tirong ya bone e ba e abetsweng.+ 23  Mme bone le bomorwaabone ba ne ba okametse dikgoro tsa ntlo ya ga Jehofa, le ntlo ya mogope, gore ba dire tiro ya go e lebelela.+ 24  Balebedi ba dikgoro ba ne ba le kwa dintlheng tse nnè, kwa botlhaba,+ kwa bophirima,+ kwa bokone+ le kwa borwa.+ 25  Mme bomorwarraabone ba ba neng ba le mo metsaneng ya bone ba ne ba tshwanetse go tsena malatsi a le supa,+ nako le nako, mmogo le bano. 26  Gonne mo tirong e ba neng ba e abetswe go ne go na le banna ba le banè ba ba thata ba balebedi ba dikgoro. E ne e le Balefi, mme ba ne ba tlhokometse diphaposi tsa bojelo+ le matlotlo+ a ntlo ya Modimo wa boammaaruri. 27  Mme ba ne ba lala bosigo jotlhe ba dikologile ntlo ya Modimo wa boammaaruri; gonne ba ne ba dira tiro ya go lebelela,+ mme ba ne ba tlhokomela selotlolo, le go bula moso le moso.+ 28  Bangwe ba bone ba ne ba tlhokomela dilwana+ tsa tirelo, gonne ba ne ba di tsenya ka palo e bile ba di ntsha ka palo. 29  Bangwe ba bone e ne e le banna ba ba tlhomilweng gore ba okamele dilwana le dilwana tsotlhe tse di boitshepo+ le bupi jo bo boleta+ le beine+ le leokwane+ le lebano+ le leokwane la balema.+ 30  Mme bangwe ba bomorwa baperesiti e ne e le badiri ba setlolo+ sa leokwane la balema. 31  Mme Matithia wa Balefi, yo e neng e le leitibolo la ga Shalume+ wa Mokora, o ne a abetswe tiro ya go okamela dilo tse di besiwang mo dipaneng.+ 32  Bangwe ba bomorwa Bakohathe, e bong bomorwarraabone, ba ne ba okametse senkgwe se se tlhatlagantsweng,+ gore ba se baakanye sabata mongwe le mongwe.+ 33  Mme bano e ne e le baopedi,+ ditlhogo tsa borra Balefi mo diphaposing tsa bojelo,+ ba ba golotsweng mo tirong;+ gonne e ne e le boikarabelo jwa bone gore ba bo ba le kwa tirong+ motshegare le bosigo. 34  Bano e ne e le ditlhogo tsa borra Balefi ka masika a bone, dikgosana tsa bone. Bano ke bone ba ba neng ba nna kwa Jerusalema.+ 35  Mme rraagwe Gibeone, e bong Jeiele, o ne a nna kwa Gibeone. Mme leina la mosadi wa gagwe e ne e le Maaka. 36  Mme morwawe wa leitibolo, e ne e le Abedona, le Sure le Kishe le Baale le Nere le Nadabe, 37  le Gedore le Ahio le Sekarea+ le Mikelothe. 38  Fa e le Mikelothe ene, o ne a nna rraagwe Shimeame. Mme tota ke bone ba neng ba nna fa pele ga bomorwarraabone kwa Jerusalema mmogo le bomorwarraabone. 39  Fa e le Nere+ ene, o ne a nna rraagwe Kishe;+ Kishe ene a nna rraagwe Saulo;+ Saulo ene a nna rraagwe Jonathane+ le Maleki-shua+ le Abinadabe+ le Eshebaale.+ 40  Mme morwa Jonathane e ne e le Meribe-baale.+ Fa e le Meribe-baale ene, o ne a nna rraagwe Mika.+ 41  Mme bomorwa Mika e ne e le Pithone le Meleke le Taherea le Ahase.+ 42  Fa e le Ahase ene, o ne a nna rraagwe Jara; Jara ene a nna rrraagwe Alemethe le Asamafetha le Simeri. Simeri ene a nna rraagwe Mosa. 43  Fa e le Mosa ene, o ne a nna rraagwe Binea le Refaia+ morwawe, Eleasa morwawe, Asele morwawe. 44  Mme Asele o ne a na le bana ba le barataro ba basimane, mme ano e ne e le maina a bone: Aserikame, Bokeru le Ishemaele le Shearia le Obadia le Hanane. Bano e ne e le bomorwa Asele.+

Dintlha Tse di Kwa Tlase