1 Ditiragalo 26:1-32

26  Ba makgamu a balebedi ba dikgoro:+ Ba Bakora,+ Meshelemia+ morwa Kore wa bomorwa Asafe.  Mme Meshelemia o ne a na le barwa: Sekarea wa leitibolo, wa bobedi e le Jediaele, wa boraro e le Sebadia, wa bonè e le Jathaniele,  wa botlhano e le Elama, wa borataro e le Jehohanane, wa bosupa e le Elieho-enai.  Mme Obede-edome+ o ne a na le barwa: Shemaia wa leitibolo, wa bobedi e le Jehosabade, wa boraro e le Joa mme wa bonè e le Sakara mme wa botlhano e le Nethanele,  wa borataro e le Amiele, wa bosupa e le Isakare, wa borobedi e le Peulethai; gonne Modimo o ne a mo segofaditse.+  Mme Shemaia morwawe o ne a tsholelwa bana ba basimane ba e neng ya nna babusi ba ntlo ya ga rraabone, gonne e ne e le banna ba ba nang le bokgoni ba ba thata.  Bomorwa Shemaia, Otheni le Refaele le Obede, Elesabade, ba bomorwarraabone e neng e le banna ba ba nang le bokgoni, Elihu le Semakia.  Bano botlhe e ne e le ba bomorwa Obede-edome, bone le bomorwaabone le bomorwarraabone, banna ba ba nang le bokgoni le maatla a go direla, ba le masome a le marataro le bobedi ba ga Obede-edome.  Mme Meshelemia+ o ne a na le barwa le bomorwarraagwe, banna ba ba nang le bokgoni, ba le lesome le borobedi. 10  Mme Hosa wa bomorwa Merari o ne a na le barwa. Shimeri e ne e le tlhogo, gonne e ne e se leitibolo+ mme rraagwe o ne a mo tlhoma go nna tlhogo;+ 11  wa bobedi e le Hilekia, wa boraro e le Tebalia, wa bonè e le Sekarea. Barwa botlhe ba ga Hosa le bomorwarraagwe ba ne ba le lesome le boraro. 12  Mo makgamung ano a balebedi ba dikgoro, dikgosana di ne di na le ditiro tse di tshwanang le tsa bomorwarraabone,+ go direla mo ntlong ya ga Jehofa. 13  Ka jalo ba ne ba latlhela bola+ kaga yo mmotlana fela jaaka yo mogolo ka matlo a bone a borre,+ ka ga dikgoro tse di farologaneng. 14  Foo bola jo bo kafa botlhaba jwa wela Shelemia.+ Mme ba latlhela bola kaga Sekarea+ morwawe, mogakolodi+ yo o botlhale, mme bola jwa gagwe jwa tswela kwa bokone.+ 15  Jwa ga Obede-edome jwa tswela kwa borwa, mme bomorwawe+ ba nna le matlo a polokelo.+ 16  Jwa ga Shupime le Hosa+ jwa tswela kwa bophirima gaufi le Kgoro ya Shalekethe fa tseleng e kgolo e e tlhatlogang, setlhopha se se lebelelang+ se lebagane le setlhopha se se lebelelang;+ 17  go ela kwa botlhaba go ne go na le Balefi ba le barataro; go ela kwa bokone, ba letsatsi le le lengwe ba le banè; go ela kwa borwa, ba letsatsi le le lengwe+ ba le banè; mme ba matlo a polokelo,+ ka bobedi le bobedi; 18  ba tselana e e ruletsweng e e yang kwa bophirima, ba le banè kwa tseleng e kgolo,+ ba le babedi kwa tselaneng e e ruletsweng. 19  Ano e ne e le makgamu a balebedi ba dikgoro ba bomorwa Bakora+ le ba bomorwa Merari.+ 20  Fa e le Balefi bone, Ahija o ne a okametse matlotlo+ a ntlo ya Modimo wa boammaruri gape a okametse matlotlo a dilo tse di dirilweng boitshepo.+ 21  Bomorwa Ladane,+ bomorwa Mogereshone ba ga Ladane; ditlhogo tsa matlo a borre tsa ga Ladane wa Mogereshone, Jehieli.+ 22  Bomorwa Jehieli, Sethame le Joele+ morwarraagwe, ba ne ba okametse matlotlo+ a ntlo ya ga Jehofa. 23  A Baamerame, a Baisehare, a Baheberone, a Bausiele,+ 24  le e leng Shebuele+ morwa Gereshome morwa Moshe o ne a okametse mabolokelo. 25  Fa e le bomorwarraagwe bone, ba ga Eliasare+ go ne go na le Rehabia+ morwawe le Jeshaia morwawe le Jorame morwawe le Sikeri morwawe le Shelomothe morwawe. 26  Shelomothe yono le bomorwarraagwe ba ne ba okametse matlotlo otlhe a dilo tse di dirilweng boitshepo,+ tse kgosi Dafide+ le ditlhogo tsa matlo a borre,+ le balaodi ba dikete le ba makgolo, le balaodi ba masole ba neng ba di dirile boitshepo. 27  Ba ne ba dirile dilo tse di tswang kwa dintweng le tse di tswang mo thopong+ boitshepo gore ba tlhokomele ntlo ya ga Jehofa. 28  Le sotlhe se Samuele wa mmoni+ le Saulo morwa Kishe le Abenere+ morwa Nere le Joabe+ morwa Seruia+ ba neng ba se dirile boitshepo. Se ope fela a neng a se dira boitshepo se ne se le mo taolong ya ga Shelomithe le bomorwarraagwe. 29  Mo Baisehareng,+ Kenania le bomorwawe e ne e le ba tiro ya kwa ntle+ jaaka batlhankedi le jaaka baatlhodi+ mo Iseraele. 30  Mo Baheberoneng,+ Hashabia le bomorwarraagwe, banna ba ba nang le bokgoni,+ ba le sekete le makgolo a le supa, ba ne ba okametse tsamaiso ya Iseraele mo kgaolong ya Joredane go ela kwa bophirima ya tiro yotlhe ya ga Jehofa le tirelo ya kgosi. 31  Mo go ba Baheberone, Jerija+ e ne e le tlhogo ya Baheberone ka dikokomana tsa bone ka borraabonemogologolwane. Ba ne ba senkwa mo ngwageng wa bomasome a manè+ wa bogosi jwa ga Dafide, mme go ne ga fitlhelwa banna ba ba diganka ba ba thata mo go bone mo Jasere kwa Gileade.+ 32  Mme bomorwarraagwe, banna ba ba nang le bokgoni,+ ba ne ba le dikete di le pedi le makgolo a le supa, ditlhogo tsa matlo a borre.+ Ka jalo kgosi Dafide a ba abela go okamela Barubene le Bagada le sephatlo sa lotso lwa Bamanase,+ kaga kgang nngwe le nngwe ya Modimo wa boammaaruri le kgang+ ya kgosi.

Dintlha Tse di Kwa Tlase