1 Ditiragalo 23:1-32

23  Mme Dafide o ne a tsofetse+ a kgotsofetse ka malatsi, ka jalo a dira Solomone+ morwawe kgosi mo Iseraele.  Mme a phutha dikgosana+ tsotlhe tsa Iseraele le baperesiti+ le Balefi.+  Ka jalo Balefi ba ne ba balwa go simolola ka ba ba nang le dingwaga di le masome a mararo go ya kwa godimo;+ mme palo ya bone, tlhogo nngwe le nngwe ya bone, monna mongwe le mongwe wa bone yo o nonofileng, ya nna dikete di le masome a mararo le borobedi.  Ba ba neng ba direla jaaka baokamedi ba tiro ya ntlo ya ga Jehofa mo go bano ba ne ba le dikete di le masome a mabedi le bonè; mme ba ba neng ba direla jaaka badiredi+ le baatlhodi+ ba ne ba le dikete di le thataro;  le balebedi ba dikgoro+ ba le dikete tse nnè le dikete tse nnè tsa ba ba nayang Jehofa pako+ ka diletswa+ tse Dafide a neng a re “Ke di diretse go ntsha pako.”  Foo Dafide a ba abela bomorwa Lefi+ ka makgamu+ a bone, e leng Gereshone, Kohathe le Merari.  Bagereshone, Ladane le Shimei.  Bomorwa Ladane e ne e le kgosana Jehiele+ le Sethame le Joele,+ ba le bararo.  Bomorwa Shimei e ne e le Shelemothe le Hasiele le Harana, ba le bararo. Bano e ne e le ditlhogo tsa borre tsa ga Ladane. 10  Mme bomorwa Shimei e ne e le Jahathe, Sina le Jeushe le Beria. Ba banè bano e ne e le bomorwa Shimei. 11  Mme Jahathe a nna tlhogo, mme wa bobedi ya nna Sisahe. Fa e le Jeushe le Beria bone, ba ne ba se na barwa ba le bantsi; ka jalo ba ne ba nna ntlo ya ga rre+ ya setlhopha se le sengwe sa batho ba maemo. 12  Bomorwa Kohathe+ e ne e le Amerame, Isehare,+ Heberone+ le Usiele,+ ba le banè. 13  Bomorwa Amerame e ne e le Arone+ le Moshe.+ Mme Arone o ne a lomololwa+ gore a itshepise Boitshepo jwa Maitshepo,+ ene le bomorwawe ka bosakhutleng, gore ba kuise mosi wa setlhabelo+ fa pele ga ga Jehofa, go mo direla+ le go segofatsa+ ka leina la gagwe ka bosakhutleng. 14  Fa e le Moshe monna wa Modimo wa boammaaruri,+ bomorwawe ba ne ba tswelela go bidiwa mo gare ga lotso lwa Balefi.+ 15  Bomorwa Moshe e ne e le Gereshome+ le Eliesere.+ 16  Bomorwa Gereshome e ne e le tlhogo Shebuele.+ 17  Mme bomorwa Eliesere ya nna tlhogo Rehabia;+ mme Eliesere a se ka a nna le barwa ba bangwe gape, mme bomorwa Rehabia bone ba ne ba nna bantsi fela thata. 18  Bomorwa Isehare+ e ne e le kgosana Shelomithe.+ 19  Bomorwa Heberone e ne e le tlhogo Jeria, wa bobedi e le Amaria, wa boraro e le Jahasiele mme wa bonè e le Jekameame.+ 20  Bomorwa Usiele+ e ne e le tlhogo Mika mme wa bobedi e le Ishia. 21  Bomorwa Merari+ e ne e le Maheli le Mushi.+ Bomorwa Maheli e ne e le Eliasare+ le Kishe. 22  Mme Eliasare a swa; mme o ne a nnile le bana ba basetsana, e seng bana ba basimane. Ka jalo bomorwa Kishe e bong bomorwarraabone ba ba tsaya go nna basadi ba bone.+ 23  Bomorwa Mushi e ne e le Maheli le Edere le Jeremothe,+ ba le bararo. 24  Bano e ne e le bomorwa Lefi ka ntlo ya borraabone,+ ditlhogo tsa borre, ka ba ba tlhomilweng ba bone, ka palo ya maina, tlhogo nngwe le nngwe ya bone, badiri ba tiro ba tirelo+ ya ntlo ya ga Jehofa, go simolola ka ba ba nang le dingwaga di le masome a mabedi go ya kwa godimo.+ 25  Gonne Dafide o ne a rile: “Jehofa Modimo wa Iseraele o neile batho ba gagwe boikhutso,+ mme o tla aga mo Jerusalema ka bosakhutleng.+ 26  Mme gape Balefi ga ba kitla ba tshwanelwa ke go sikara motlaagana kgotsa sepe sa dilwana tsa one tsa tirelo ya one.”+ 27  Gonne go ya ka mafoko+ a bofelo a ga Dafide bano e ne e le palo ya bomorwa Lefi go simolola ka ba ba nang le dingwaga di le masome a mabedi go ya kwa godimo. 28  Gonne tiro ya bone e ne e le mo taolong ya bomorwa Arone+ ya go direla mo ntlong ya ga Jehofa mo malwapeng+ le mo diphaposing tsa bojelo+ le ya go itshekisa sengwe le sengwe se se boitshepo+ le tiro ya go direla mo ntlong ya Modimo wa boammaaruri, 29  le ya senkgwe se se tlhatlagantsweng+ le ya bupi jo bo boleta+ jwa tshupelo ya dijo tsa ditlhaka le ya dipapetlana+ tsa senkgwe se se sa bedisiwang+ le ya dikuku tse di apeilweng ka pane+ le ya tlhama e e tlhakantsweng+ le ya dilekanyo tsotlhe tsa bontsi le bogolo; + 30  le ya go ema+ moso le moso+ go leboga+ le go baka+ Jehofa, le go dira jalo mo maitseboeng; 31  le ya go isetsa Jehofa ditlhabelo dingwe le dingwe ka bosabata,+ ka dingwedi+ tse disha le ka dipaka tsa moletlo,+ ka palo go ya ka molao o o amanang le bone, ka metlha fa pele ga ga Jehofa. 32  Mme ba tlhokomela go disiwa+ ga mogope wa bokopanelo le go disiwa ga lefelo le le boitshepo+ le go disiwa ga bomorwarraabone e bong bomorwa Arone mo tirelong ya ntlo ya ga Jehofa.+

Dintlha Tse di Kwa Tlase