1 Ditiragalo 21:1-30

21  Mme Satane a ema kgatlhanong le Iseraele a tlhotlheletsa+ Dafide gore a bale Iseraele.  Ka jalo Dafide a raya Joabe+ le balaodi ba batho a re: “Tsamayang lo ye go bala+ Iseraele go tswa Beere-sheba+ go fitlha kwa Dana+ mme lo e tlise kwa go nna gore ke tle ke itse palo ya bone.”+  Mme Joabe a re: “E kete Jehofa a ka oketsa batho ba gagwe ka palo ya bone e menagane ga lekgolo.+ Morena wa me kgosi, a botlhe ga se ba morena wa me jaaka batlhanka? Ke ka ntlha yang fa morena wa me a batla seno?+ Ke ka ntlha yang fa a tshwanetse go bakela Iseraele molato?”  Le fa go ntse jalo, lefoko la kgosi+ la fenya Joabe, mo Joabe a neng a tswa+ mme a tsamaya mo Iseraele yotlhe, morago ga moo a tla mo Jerusalema.+  Jaanong Joabe a naya Dafide palo ya kwadiso ya batho; mme Iseraele yotlhe ya fitlha go milione le dikete di le lekgolo tsa banna ba ba somolang tšhaka,+ mme Juda ba le dikete di le makgolo a le manè le masome a supa tsa banna ba ba somolang tšhaka.  Mme a se ka a kwadisa Lefi+ le Benjamine mo gare ga bone,+ ka gonne lefoko la kgosi le ne le nnile makgapha mo go Joabe.  Jaanong selo seno se ne se le bosula mo matlhong a Modimo+ wa boammaaruri, ka jalo a kgemetha Iseraele.  Ka gone Dafide a raya Modimo wa boammaaruri a re: “Ke leofile+ thata go bo ke dirile selo seno. Mme jaanong, tsweetswee, dira gore tlolo ya motlhanka wa gago e fete;+ gonne ke dirile ka boeleele fela thata.”+  Mme Jehofa a bua le Gada,+ mmoni wa diponatshegelo+ wa ga Dafide, a re: 10  “Tsamaya, mme o bue le Dafide o re, ‘Jehofa o buile jaana: “Go na le dilo di le tharo tse ke di go lebanyang.+ Itlhophele se le sengwe sa tsone, gore ke se go dire.”’”+ 11  Ka jalo Gada a tsena kwa go Dafide+ mme a mo raya a re: “Jehofa o buile jaana, ‘Itlhophele, 12  gore a go nne le leuba dingwaga di le tharo;+ kgotsa gore o gogolwe fa pele ga baba ba gago dikgwedi di le tharo le gore tšhaka ya baba+ ba gago e go tshware, kgotsa gore go nne le tšhaka ya ga Jehofa+ malatsi a le mararo, le bolwetse jwa leroborobo,+ mo lefatsheng, moengele wa ga Jehofa a tlisa tshenyo+ mo karolong yotlhe ya naga ya Iseraele.’ Mme jaanong bona gore ke tla fetola jang Ene yo o nthomileng.” 13  Ka jalo Dafide a raya Gada a re: “Go ntshwenya thata. Tsweetswee, mma ke wele mo seatleng sa ga Jehofa,+ gonne o mautlwelobotlhoko+ mantsi thata; mme mma ke se ka ka wela mo seatleng sa motho.”+ 14  Mme Jehofa a tlisa bolwetse jwa leroborobo+ mo Iseraele, mo go neng ga wa+ batho ba le dikete di le masome a supa mo Iseraele. 15  Mo godimo ga moo, Modimo wa boammaaruri a roma moengele kwa Jerusalema go ya go e senya;+ mme fela fa a simolola go tlisa tshenyo, Jehofa a go bona mme a ikwatlhaela masetlapelo ao;+ ka jalo a raya moengele yo o neng a tlisa tshenyo a re: “Go lekane!+ Diga seatla sa gago jaanong.” Mme moengele wa ga Jehofa a bo a eme gaufi le seboana sa ga Orenane+ wa Mojebuse.+ 16  E rile Dafide a tsholetsa matlho, a bona moengele wa ga Jehofa+ a eme fa gare ga lefatshe le magodimo tšhaka ya gagwe e somotswe e le mo seatleng sa gagwe e otlololetswe kwa Jerusalema; mme Dafide le banna ba bagolwane, ba apere letsela la kgetsi,+ ba akofa ba wa ka difatlhego.+ 17  Mme Dafide a raya Modimo wa boammaaruri a re: “A ga se nna yo ke neng ka re go balwe batho, e bile a ga se nna yo ke leofileng e bile kwa ntle ga pelaelo ke dirileng bosula?+ Fa e le dinku+ tseno, di dirileng? Ao tlhe Jehofa Modimo wa me, mma seatla sa gago se tle mo go nna le mo ntlong ya ga rre tsweetswee; mme e seng mo bathong+ ba gago, gore se tlise petso.” 18  Mme fa e le moengele wa ga Jehofa ene, a raya Gada+ a re a bolelele Dafide gore Dafide, a ye go tlhomela Jehofa sebeso kwa seboaneng sa ga Orenane wa Mojebuse.+ 19  Ka jalo Dafide a tlhatloga tumalanong le lefoko la ga Gada le a neng a le buile mo leineng la ga Jehofa.+ 20  Fa go sa ntse go ntse jalo, Orenane+ a retologa mme a bona moengele; mme bomorwawe ba banè ba ba neng ba na le ene ba iphitlha. Jaanong Orenane o ne a ntse a photha korong. 21  Ka jalo Dafide a fitlha kwa go Orenane. E rile Orenane a leba mme a bona Dafide,+ a akofa a tswa mo seboaneng mme a ikobela Dafide sefatlhego sa gagwe se lebile fa fatshe. 22  Foo Dafide a raya Orenane a re: “A ko o nneye lefelo la seboana, gore ke tle ke agele Jehofa sebeso mo go lone. Le nneye+ ka madi a a feletseng,+ gore petso+ e emisiwe mo bathong.” 23  Mme Orenane a raya Dafide a re: “Le tseye e nne la gago,+ mme mma morena wa me kgosi a dire se se molemo mo matlhong a gagwe. Bona, ke ntsha dikgomo+ gore e nne tsa ditshupelo tse di fisiwang le selei sa go phothela+ gore e nne dikgong+ le korong e le tshupelo ya dijo tsa ditlhaka. Ke go naya gotlhe fela.”+ 24  Le fa go ntse jalo, Kgosi Dafide a raya Orenane a re: “Nnyaa, ruri ke tla reka ka madi a a feletseng,+ ka gonne ga nkitla ke isetsa Jehofa se e leng sa gago gore ke ise ditlhabelo tse di fisiwang kwantle ga tuelo.” 25  Ka jalo Dafide a naya Orenane dishekele tsa gouta tsa lefelo leo tsa selekanyo sa bokete jwa makgolo a le marataro.+ 26  Foo Dafide a agela Jehofa sebeso+ gone a bo a isa ditlhabelo tse di fisiwang le ditlhabelo tsa kabalano, mme a bitsa Jehofa,+ yo jaanong a neng a mo araba ka molelo+ o o tswang magodimong mo sebesong sa tshupelo e e fisiwang. 27  Mo godimo ga moo, Jehofa a laela moengele,+ yo o neng a busetsa tšhaka ya gagwe mo kgatleng ya yone. 28  Mo nakong eo, fa Dafide a ne a bona gore Jehofa o ne a mo arabile kwa seboaneng sa ga Orenane wa Mojebuse, a tswelela a ntsha ditlhabelo koo.+ 29  Mme motlaagana wa ga Jehofa o Moshe a neng a o dirile kwa nageng le sebeso sa tshupelo e e fisiwang, ka nako eo di ne di le kwa lefelong le le kwa godimo kwa Gibeone.+ 30  Mme Dafide o ne a ise a kgone go ya fa pele ga sone go lopa kgakololo mo Modimong, gonne o ne a tshogile+ ka ntlha ya tšhaka ya moengele wa ga Jehofa.

Dintlha Tse di Kwa Tlase