1 Ditiragalo 17:1-27

17  Mme ga diragala gore fela fa Dafide a sena go simolola go nna mo ntlong+ ya gagwe, Dafide a raya moporofeti Nathane+ a re: “Bona, ke nna mo ntlong ya masedara,+ mme letlole+ la kgolagano ya ga Jehofa le kafa tlase ga matsela a mogope.”+  Foo Nathane a raya Dafide a re: “Sengwe le sengwe se se mo pelong ya gago,+ se dire, gonne Modimo wa boammaaruri o na le wena.”+  Mme ga diragala mo bosigong joo gore lefoko+ la Modimo le tle kwa go Nathane, le re:  “Tsamaya mme o reye Dafide motlhanka wa me o re, ‘Jehofa o buile jaana: “Ga e kitla e nna wena yo o tla nkagelang ntlo e ke tla nnang mo go yone.+  Gonne ga ke ise ke nne mo ntlong go simolola mo letsatsing le ke neng ka ntsha Iseraele ka lone go fitlha mo letsatsing leno,+ mme ke ne ke nna go tswa mo mogopeng o mongwe go ya mo mogopeng o mongwe le go tswa mo motlaaganeng o mongwe+ go ya go o mongwe.+  Mo nakong yotlhe e ke neng ke tsamayatsamaya+ mo Iseraele yotlhe ka yone, a ke ne ka bua lefoko le le lengwe le mongwe wa baatlhodi ba Iseraele yo ke mo laetseng go disa batho ba me, ke re, ‘Ke ka ntlha yang fa lo sa nkagela ntlo ya masedara?’”’+  “Mme o tla raya Dafide motlhanka wa me o re, ‘Jehofa wa masomosomo o buile jaana: “Nna ka bonna ke ne ka go tsaya mo mafulong gore o se tlhole o setse letsomane+ morago gore o nne moeteledipele+ wa batho ba me Iseraele.  Mme ke tla nna le wena gongwe le gongwe kwa o tsamayang gone,+ mme ke tla fedisa baba+ ba gago botlhe fa pele ga gago, mme ruri ke tla go direla leina+ jaaka leina la ba bagolo ba ba mo lefatsheng.+  Mme ruri ke tla tlhomela batho ba me Iseraele lefelo mme ke ba jale,+ ruri ba tla aga fa ba leng gone, ga ba kitla ba tlhola ba tshwenngwa; e bile bomorwa tshiamololo+ ga ba kitla ba ba tshwenya gape, jaaka ba ne ba dira la ntlha,+ 10  le e leng go simolola mo metlheng ya fa ke ne ke tlhoma baatlhodi+ gore ba laole batho ba me Iseraele. Ke tla kokobetsa baba ba gago+ botlhe. Mme ke a go bolelela ka re, ‘Jehofa o tla go agela le ntlo.’+ 11  “‘“Go tla diragala gore fa malatsi a gago a wetse gore o ye go nna le borragomogologolwane,+ ruri ke tla tsosa losika lwa gago morago ga gago lo lo tla nnang mongwe wa bomorwao,+ mme ruri ke tla tlhomamisa bogosi jwa gagwe+ ka thata. 12  Ke ene yo o tla nkagelang ntlo,+ mme ke tla tlhomamisa setulo sa gagwe sa bogosi ka thata ka bosakhutleng.+ 13  Nna ke tla nna rraagwe,+ mme ene o tla nna morwaake;+ ga nkitla ke tlosa bopelonomi jwa me jwa lorato mo go ene+ ka tsela e ke neng ka bo tlosa ka yone mo go yo o neng a le pele ga gago.+ 14  Ke tla dira gore a eme mo ntlong+ ya me le mo bogosing+ jwa me ka bosakhutleng, mme setulo sa gagwe sa bogosi+ ka bosone e tla nna se se nnang ka bosakhutleng.”’” 15  Nathane o ne a bua le Dafide+ go ya ka mafoko ano otlhe le go ya ka ponatshegelo eno yotlhe. 16  Morago ga moo Kgosi Dafide a tsena mme a nna fa fatshe fa pele ga ga Jehofa+ a re: “Nna ke mang,+ wena Jehofa Modimo, le ntlo+ ya me ke eng go bo o ntlisitse go tla go fitlha fano?+ 17  Jaaka e kete seno ke sengwe se sennye mo matlhong a gago,+ wena Modimo,+ le fa go ntse jalo o bua kaga ntlo ya motlhanka wa gago go fitlha kwa lobakeng lo lo kgakala lo lo tlang,+ mme o ntebile go ya ka boemo jwa monna yo o nang le maemo a a kwa godimo,+ wena Jehofa Modimo. 18  Ke eng se sengwe se Dafide a ka se buang le wena ka ga go tlotla motlhanka wa gago,+ fa wena o itse motlhanka wa gago sentle?+ 19  Wena Jehofa, o dirile dilo tse dikgolo tseno tsotlhe ka ntlha ya motlhanka wa gago le tumalanong le pelo ya gago+ ka go dira gore dilo tsotlhe tse dikgolo tse di fitlheletsweng di itsiwe.+ 20  Wena Jehofa, ga go na ope yo o tshwanang le wena,+ e bile ga go na Modimo kwantle ga gago+ ka ga sotlhe se re se utlwileng ka ditsebe tsa rona. 21  Mme ke setšhaba sefe se sengwe mo lefatsheng se se tshwanang le batho ba gago ba Iseraele,+ se Modimo wa boammaaruri a neng a se ikgololela jaaka setšhaba,+ gore a ikabele leina la dilo tse dikgolo tse a di fitlheletseng+ le dilo tse di boitshegang ka go leleka ditšhaba+ fa pele ga batho ba gago ba o ba golotseng kwa Egepeto? 22  Mme o ne wa dira batho ba gago ba Iseraele go nna batho+ ba gago ka bosakhutleng, mme wena ka bowena, Jehofa, o ne wa nna Modimo+ wa bone. 23  Mme jaanong, wena Jehofa, a lefoko le o le buileng ka ga motlhanka wa gago le ka ga ntlo ya gagwe le ikanyege ka bosakhutleng, mme o dire fela jaaka o buile. 24  A leina la gago+ le ikanyege mme le nne legolo+ ka bosakhutleng, le re, ‘Jehofa wa masomosomo,+ Modimo wa Iseraele,+ ke Modimo mo go Iseraele,’+ mme a ntlo ya ga Dafide motlhanka wa gago e nne e e nnelang ruri fa pele ga gago.+ 25  Gonne wena ka bowena, Modimo wa me, o senoletse motlhanka wa gago boikaelelo jwa go mo agela ntlo.+ Ke gone ka moo motlhanka wa gago a boneng lobaka lwa go rapela fa pele ga gago. 26  Mme jaanong, wena Jehofa, o Modimo wa boammaaruri,+ mme o solofetsa motlhanka wa gago+ molemo ono. 27  Mme jaanong tsaya boikarabelo mme o segofatse ntlo ya motlhanka wa gago gore e nne ka bosakhutleng fa pele ga gago;+ gonne wena ka bowena, Jehofa, o segofaditse, mme e segofetse ka bosakhutleng.”+

Dintlha Tse di Kwa Tlase