1 Ditiragalo 14:1-17

14  Mme Hirame+ kgosi ya Ture+ a romela barongwa kwa go Dafide le dikota+ tsa mosedara le baagi ba dipota le badira ka logong gore ba mo agele ntlo.+  Mme Dafide a itse gore Jehofa o ne a mo tlhomamisitse ka thata+ go nna kgosi ya Iseraele, gonne bogosi jwa gagwe bo ne bo goletsegile thata ka ntlha ya batho ba gagwe ba Iseraele.+  Mme Dafide a nna a tsaya basadi+ ba ba oketsegileng mo Jerusalema, Dafide a nna le bana ba basimane le ba basetsana+ ba ba oketsegileng.  Mme ano ke maina a bana ba e neng ya nna ba gagwe kwa Jerusalema: Shammua+ le Shobabe,+ Nathane+ le Solomone,+  le Ibehare+ le Elishua le Elepelete,+  le Noga le Nefege+ le Jafia,  le Elishama+ le Beeliada le Elifelete.+  Mme Bafilisitia ba utlwa gore Dafide o ne a tloditswe go nna kgosi ya Iseraele+ yotlhe. Foo Bafilisitia botlhe ba tlhatloga ba tla go batla Dafide.+ E rile Dafide a utlwa ka gone, foo a ba tsogologela.  Mme fa e le Bafilisitia bone, ba ne ba tsena mme ba nna ba tlhasela mo lebaleng le le kwa tlase la Refaime.+ 10  Dafide a botsa Modimo,+ a re: “A ke tlhatloge ke tsogologele Bafilisitia, mme a o tla ba tsenya mo seatleng sa me?” Foo Jehofa a mo raya a re: “Tlhatloga, ruri ke tla ba tsenya mo seatleng sa gago.” 11  Ka jalo Dafide a tlhatlogela kwa Baale-perasime+ mme a ba kgemetha koo. Foo Dafide a re: “Modimo wa boammaaruri o thubagantse baba ba me ka seatla sa me jaaka phatlha e e dirilweng ke metsi.” Ke gone ka moo ba neng ba raya lefelo+ leo leina ba re Baale-perasime. 12  Ka gone ba tlogela medimo ya bone gone koo.+ Foo Dafide a ntsha lefoko, mme ya fisiwa mo molelong.+ 13  Moragonyana Bafilisitia ba boa gape ba tlhasela mo lebaleng le le kwa tlase.+ 14  Foo Dafide a botsa+ Modimo gape, mme jaanong Modimo wa boammaaruri a mo raya a re: “O se ka wa tlhatloga wa ba sala morago. Potologa o se ka wa lebagana le bone, mme o tle kwa go bone ka kwa pele ga ditlhatshana tsa bakha.+ 15  Mme mma go diragale gore, fa o utlwa modumo wa go gwanta kwa godimo ga ditlhatshana tsa bakha,+ foo o tswele mo tlhabanong,+ ka gonne Modimo wa boammaaruri o tla bo o dule kwa pele ga gago+ go kgemetha bothibelelo jwa Bafilisitia.” 16  Ka jalo Dafide a dira fela jaaka Modimo wa boammaaruri a ne a mo laetse,+ mme ba kgemetha bothibelelo jwa Bafilisitia go tswa kwa Gibeone+ go ya Gesere. 17  Mme go tuma ga ga Dafide ga simolola go tswela mo mafatsheng otlhe, mme Jehofa ka boene a tsenya go boifiwa ga gagwe mo ditšhabeng+ tsotlhe.

Dintlha Tse di Kwa Tlase