1 Ditiragalo 13:1-14

13  Mme Dafide a gakololana le dikgosana tsa dikete le tsa makgolo le moeteledipele+ mongwe le mongwe;  Dafide a raya phuthego yotlhe ya Iseraele a re: “Fa go bonala go le molemo mo go lona e bile go amogelesega mo go Jehofa Modimo wa rona, a re romeng kwa go bomorwarraarona ba ba setseng mo mafatsheng otlhe a Iseraele+ le kwa baperesiting+ le Balefi+ mo metseng+ ya bone e e nang le mafulo, gore ba phuthegele mmogo kwa go rona.  Mme a re tliseng letlole+ la Modimo wa rona kwa go rona.” Gonne ba ne ba sa le tlhokomele mo metlheng ya ga Saulo.+  Ka jalo phuthego yotlhe ya re go dirwe jalo, gonne selo seno se ne sa bonala se siame mo matlhong a batho botlhe.+  Ka jalo Dafide a phutha+ Iseraele yotlhe go tswa kwa nokeng ya Egepeto+ go ya go fitlha kwa botsenong jwa Hamathe,+ gore go tlisiwe letlole+ la Modimo wa boammaaruri go tswa kwa Kiriathe-jearime.+  Mme Dafide le Iseraele yotlhe ba tlhatlogela kwa Baala, kwa Kiriathe-jearime, wa Juda, gore ba tlise letlole la Modimo wa boammaaruri, Jehofa, yo o ntseng mo godimo ga ditšheruba+ go tswa koo, kwa leina la gagwe le bidiwang gone.  Le fa go ntse jalo, ba palamisa letlole la Modimo wa boammaaruri mo koloing+ e ntšha go tswa kwa ntlong ya ga Abinadabe, mme Usahe le Ahio+ ba ne ba eteletse koloi pele.  Mme Dafide le Iseraele yotlhe ba ne ba keteka+ fa pele ga Modimo wa boammaaruri ka maatla otlhe le ka dipina+le ka diharepa+ le ka diletswa tsa megala+ le ka meropana+ le ka disemebala le ka diterompeta.+  Kgabagare ba goroga kwa seboaneng sa ga Kidone,+ mme Usahe jaanong a ntsha seatla gore a tshware Letlole,+ gonne dipoo di ne di batlile di le menola. 10  Foo bogale jwa ga Jehofa jwa tukela Usahe, mo a neng a mmolaya ka gonne a ne a ntsheditse Letlole+ seatla, mme a swela foo fa pele ga Modimo.+ 11  Dafide a galefa+ ka gonne Jehofa a ne a kubugetse Usahe ka bogale; mme lefelo leo la bidiwa Perese-usahe go fitlha mo letsatsing leno. 12  Mme Dafide a boifa Modimo wa boammaaruri mo letsatsing leo,+ a re: “Ke tla tlisa jang letlole la Modimo wa boammaaruri kwa go nna?”+ 13  Mme Dafide a se ka a ntshetsa Letlole kwa go ene kwa Motseng wa ga Dafide, mme a le kukela kwa thoko kwa ntlong ya ga Obede-edome+ wa Mogathe. 14  Letlole la Modimo wa boammaaruri la tswelela le nna le ba ntlo ya ga Obede-edome, kwa ntlong+ ya gagwe dikgwedi di le tharo; mme Jehofa a nna a segofatsa+ ba ntlo ya ga Obede-edome le sotlhe se e neng e le sa gagwe.

Dintlha Tse di Kwa Tlase