1 Ditiragalo 10:1-14

10  Mme fa e le Bafilisitia bone,+ ba ne ba lwa le Iseraele; mme banna ba Iseraele ba tshaba fa pele ga Bafilisitia ba bo ba nna ba wa ba bolailwe mo Thabeng ya Gileboa.+  Mme Bafilisitia ba nna ba ntse ba le gaufi le Saulo le bomorwawe; mme Bafilisitia ba tlhaba Jonathane+ le Abinadabe+ le Maleki-shua,+ bomorwa Saulo.+  Mme tlhabano ya imela Saulo; mme ba ba hulang ka bora labofelo ba mmona, mme a gobadiwa ke bahudi.+  Foo Saulo a raya motshola dibetsa wa gagwe a re:+ “Somola tšhaka+ ya gago mme o mphunyeletse ka yone, gore banna bano ba ba sa rupang+ ba se ka ba tla mme ba nkgokgontsha.”+ Mme motsholadibetsa wa gagwe a bo a sa batle,+ ka gonne o ne a boifa thata. Ka jalo Saulo a tsaya tšhaka a wela mo go yone.+  E rile motshola dibetsa wa gagwe a bona gore Saulo o ne a sule, foo le ene a wela mo tšhakeng mme a swa.+  Ka jalo Saulo le bomorwawe ba bararo ba swa,+ le botlhe ba ntlo ya gagwe ba swa mmogo.  E rile banna botlhe ba Iseraele ba ba neng ba le mo lebaleng le le kwa tlase ba bona gore ba ne ba tshabile le gore Saulo le bomorwawe ba ne ba sule, foo ba tlogela metse ya bone ba tshaba;+ morago ga moo Bafilisitia ba tsena mme ba nna mo go yone.  Ga diragala mo letsatsing le le latelang gore, fa Bafilisitia ba tla go apola+ ba ba bolailweng, ba fitlhela Saulo le bomorwawe ba wetse mo Thabeng ya Gileboa.+  Mme ba mo apola ba kgaola tlhogo+ ya gagwe ba tsaya le dibetsa tsa gagwe mme ba romela gotlhe fela mo lefatsheng la Bafilisitia go itsise+ medingwana+ ya bone le batho. 10  La bofelo ba tsenya dibetsa tsa gagwe mo ntlong ya modimo+ wa bone, mme logata lwa gagwe ba lo kokotela mo ntlong ya ga Dagone.+ 11  Mme botlhe ba Jabeshe+ kwa Gileade ba utlwa sotlhe se Bafilisitia ba neng ba se dirile Saulo.+ 12  Ka jalo banna botlhe ba ba pelokgale ba nanoga ba tsaya setopo sa ga Saulo le ditopo tsa bomorwawe ba di tlisa kwa Jabeshe mme ba fitlha marapo a bone kafa tlase ga setlhare se segolo+ kwa Jabeshe;+ mme ba itima dijo+ malatsi a le supa. 13  Saulo a swela bosaikanyegeng jwa gagwe jalo jo a neng a diretse Jehofa ka go tlhoka boikanyegi+ ka jone ka ga lefoko la ga Jehofa le a neng a sa le boloka le ka ntlha ya go kopa yo o buang le meya+ gore a botse. 14  Mme o ne a se ka a botsa Jehofa.+ Ka gone a mmolaya mme a naya Dafide morwa Jese+ bogosi.

Dintlha Tse di Kwa Tlase