1 Dikgosi 15:1-34

15  Mme mo ngwageng wa bolesome le borobedi wa ga Kgosi Jeroboame+ morwa Nebate,+ Abijame a nna kgosi mo Juda.+  O ne a busa mo Jerusalema dingwaga di le tharo; mme leina la ga mmaagwe e ne e le Maaka+ morwadia ngwana wa ga Abishalome.+  Mme a nna a tsamaya mo maleong otlhe a ga rraagwe a a a dirileng pele ga gagwe; mme pelo ya gagwe ya se ka ya itshupa e feletse+ mo go Jehofa Modimo wa gagwe, jaaka pelo ya ga Dafide rraagwemogologolwane.+  Gonne, ka ntlha ya ga Dafide,+ Jehofa Modimo wa gagwe o ne a mo naya lobone+ mo Jerusalema ka go tsosa morwawe morago ga gagwe le ka go boloka Jerusalema e le gone,+  ka gonne Dafide o ne a dira se se siameng mo matlhong a ga Jehofa, a se ka a fapoga mo go sepe se A neng a se mo laetse malatsi otlhe a botshelo jwa gagwe,+ fa e se fela mo kgannyeng ya ga Uria wa Mohite.+  Mme ga nna le ntwa fa gare ga ga Rehoboame le Jeroboame malatsi otlhe a botshelo jwa gagwe.+  Fa e le ditiragalo tse dingwe tsotlhe tsa ga Abijame le sotlhe se a se dirileng, a ga di a kwalwa mo bukeng+ ya ditiragalo ya metlha ya dikgosi tsa Juda? Gape go ne ga nna le ntwa fa gare ga ga Abijame le Jeroboame.+  La bofelo Abijame a lala le borraagwemogologolwane mme ba mo fitlha mo Motseng wa ga Dafide;+ mme Asa+ morwawe a simolola go busa mo boemong jwa gagwe.  Mo ngwageng wa bomasome a mabedi wa ga Jeroboame kgosi ya Iseraele, Asa o ne a busa jaaka kgosi ya Juda. 10  Mme a busa mo Jerusalema dingwaga di le masome a manè le bongwe; mme leina la ga mmaagwemogolo e ne e le Maaka+ morwadia ngwana wa ga Abishalome.+ 11  Mme Asa a dira se se siameng mo matlhong a ga Jehofa, jaaka Dafide rraagwemogologolwane.+ 12  Ka jalo o ne a dira gore diaka tse di ithekisang tsa banna tsa tempele di tloge mo lefatsheng+ a ba a tlosa medingwana yotlhe e e makgapha+ e borraagwemogologolwane ba neng ba e dirile.+ 13  Fa e le Maaka+ mmaagwemogolo, le ene tota a mo tlosa mo bohumagading,+ ka gonne o ne a diretse kota e e boitshepo modingwana o o tshosang; morago ga moo Asa a rema modingwana wa gagwe o o tshosang+ a bo a o fisa+ kwa mokgatšheng o o phothoselang wa Kiderona.+ 14  Mme a se ka a tlosa+ mafelo a a kwa godimo.+ Le fa go ntse jalo, pelo ya ga Asa ya itshupa e feletse mo go Jehofa malatsi otlhe a gagwe.+ 15  Mme a simolola go tlisa dilo tse di neng di dirilwe boitshepo ke rraagwe le dilo tse di dirilweng boitshepo ke ene mo ntlong ya ga Jehofa, selefera le gouta le dilwana.+ 16  Mme ga nna le ntwa fa gare ga ga Asa le Baasha+ kgosi ya Iseraele malatsi otlhe a bone. 17  Ka jalo Baasha kgosi ya Iseraele a tsogologela Juda mme a simolola go aga Rama,+ gore a se letlelele ope go tswa kgotsa go tsena kwa go Asa kgosi ya Juda.+ 18  Foo Asa a tsaya selefera yotlhe le gouta tse di neng di setse mo matlotlong a ntlo ya ga Jehofa le mo matlotlong a ntlo ya kgosi mme a di tsenya mo seatleng sa batlhanka ba gagwe; mme Kgosi Asa jaanong a ba roma kwa go Bene-hadade+ morwa Taberimone morwa Hesione, kgosi ya Siria,+ yo o neng a nna mo Damaseko,+ a re: 19  “Go na le kgolagano fa gare ga me le wena, fa gare ga ga rre le rrago. Bona, ke go romeletse mpho+ ya selefera le gouta. Tla, o tlole kgolagano ya gago le Baasha kgosi ya Iseraele, gore a tle a ikgoge mo go nna.”+ 20  Ka jalo Bene-hadade a reetsa Kgosi Asa mme a roma balaodi ba mephato ya sesole e e neng e le ya gagwe gore ba tsogologele metse ya Iseraele mme ba kgemetha Ijone+ le Dana+ le Abele-bethe-maaka+ le Kinerethe yotlhe, go ya go fitlha kwa lefatsheng lotlhe la Nafetali.+ 21  Mme ga diragala gore fela fa Baasha a utlwa ka gone, ka yone nako eo a tlogela go aga Rama+ mme a tswelela go nna mo Tiresa.+ 22  Mme fa e le kgosi Asa ene, a bitsa Juda yotlhe+—go ne go se na ope yo o rebotsweng—mme ba tsaya maje a Rama le dikota tsa teng, tse Baasha a neng a ntse a aga ka tsone; mme Kgosi Asa a simolola go aga Geba ka tsone mo Benjamine le Misepa.+ 23  Fa e le ditiragalo tse dingwe tsotlhe tsa ga Asa le thata ya gagwe yotlhe le sotlhe se a se dirileng le metse e a e agileng, a ga di a kwalwa mo bukeng+ ya ditiragalo tsa metlha ya dikgosi tsa Juda? Ke fela ka nako ya fa a ne a tsofala+ a neng a nna le bolwetse mo dinaong.+ 24  La bofelo Asa a lala le borraagwemogologolwane+ mme a fitlhwa le borraagwemogologolwane+ mo Motseng wa ga Dafide rraagwemogologolwane; mme Jehoshafate+ morwawe a simolola go busa mo boemong jwa gagwe. 25  Fa e le Nadabe+ morwa Jeroboame ene, a nna kgosi mo Iseraele mo ngwageng wa bobedi wa ga Asa kgosi ya Juda; mme a tswelela go busa mo Iseraele dingwaga di le pedi. 26  Mme a nna a dira se se bosula+ mo matlhong a ga Jehofa gape a tswelela a tsamaya mo tseleng ya ga rraagwe+ le mo boleong jwa gagwe jo a leofisitseng+ Iseraele ka jone. 27  Baasha+ morwa Ahija wa ntlo ya ga Isakare a simolola go mo logela leano la boferefere; mme Baasha a mo kgemetha kwa Gibethone,+ e e neng e le ya Bafilisitia, fa Nadabe ene le Iseraele yotlhe ba ne ba dikanyeditse Gibethone. 28  Ka jalo Baasha a mmolaya mo ngwageng wa boraro wa ga Asa kgosi ya Juda mme a simolola go busa mo boemong jwa gagwe.+ 29  Mme ga diragala gore ka bonako fela fa a sena go nna kgosi, a kgemetha ntlo ya ga Jeroboame yotlhe. Ga a ka a letla gore go sale ope yo o hemang wa ga Jeroboame go fitlha a ba nyeleditse, go ya ka lefoko la ga Jehofa le a neng a le buile ka motlhanka wa gagwe Ahija wa Moshilo,+ 30  ka ntlha ya maleo a ga Jeroboame a a leofileng+ ka one le a a leofisitseng Iseraele ka one le ka go kgopisa ga gagwe mo a kgopisitseng Jehofa Modimo wa Iseraele+ ka gone. 31  Fa e le ditiragalo tse dingwe tsotlhe tsa ga Nadabe le sotlhe se a se dirileng, a ga di a kwalwa mo bukeng+ ya ditiragalo tsa metlha ya dikgosi tsa Iseraele? 32  Mme ga nna le ntwa fa gare ga ga Asa le Baasha kgosi ya Iseraele malatsi otlhe+ a bone. 33  Mo ngwageng wa boraro wa ga Asa kgosi ya Juda, Baasha morwa Ahija a nna kgosi mo Iseraele yotlhe mo Tiresa ka dingwaga di le masome a mabedi le bonè.+ 34  Mme a nna a dira se se bosula mo matlhong a ga Jehofa+ gape a tswelela a tsamaya mo tseleng ya ga Jeroboame+ le mo boleong jwa gagwe jo a leofisitseng Iseraele+ ka jone.

Dintlha Tse di Kwa Tlase