1 Bakorintha 9:1-27

9  A ga ke a gololesega?+ A ga ke moaposetoloi?+ A ga ke a bona Jesu Morena wa rona?+ A lona ga lo tiro ya me mo Moreneng?  Fa e le gore ga ke moaposetoloi mo go ba bangwe, ruriruri ke ene mo go lona, gonne lona lo lotshwao lo lo tlhomamisang+ boaposetoloi jwa me mo Moreneng.  Go iphemela ga me mo go ba ba ntshekatshekang go ntse jaana:+  Re na le taolo ya go ja+ le go nwa, a ga go jalo?  Re na le taolo ya go tsaya kgaitsadi re tsamaya ka ene e le mosadi yo re mo nyetseng,+ fela jaaka baaposetoloi ba bangwe botlhe le bomorwa Morena+ le Kefase+ ba dira, a ga go jalo?  Kgotsa a ke Barenabase+ le nna fela ba re se nang taolo ya go ikgapha mo tirong ya selefatshe?+  Ke mang yo le ka motlha a direlang e le lesole ka ditshenyegelo tsa gagwe? Ke mang yo o jalang tshimo ya mofine a ba a sa je maungo a yone?+ Kgotsa ke mang yo o disang letsomane a ba a sa je mangwe a mashi a letsomane leo?+  A ke bua dilo tseno ka melao ya batho?+ Kgotsa a Molao+ le one ga o bue dilo tseno?  Gonne mo molaong wa ga Moshe go kwadilwe ga twe: “O se ka wa bofa poo molomo fa e photha dijo tsa ditlhaka.”+ A dipoo ke tsone tse Modimo a di tlhokomelang? 10  Kgotsa a ke ka ntlha ya rona gotlhelele go bo a bua jalo? Tota go ne ga kwalwa+ ka ntlha ya rona, ka gonne motho yo o lemang o tshwanetse go lema ka tsholofelo le motho yo o phothang o tshwanetse go dira jalo ka tsholofelo ya gore o tla nna moji.+ 11  Fa e le gore re jetse dilo tsa semoya+ mo go lona, a ke selo se segolo fa e le gore re tla roba dilo tsa nama mo go lona?+ 12  Fa e le gore batho ba bangwe ba nna le seabe mo taolong eno mo go lona,+ bogolo jang a rona ga re dire jalo? Le fa go ntse jalo, ga re a dirisa taolo eno,+ mme re itshokela dilo tsotlhe, gore ka tsela epe re tle re se ka ra kgoreletsa mo dikgannyeng tse di molemo+ ka ga Keresete. 13  A ga lo itse gore banna ba ba dirang ditiro tse di boitshepo ba ja+ dilo tsa tempele, le ba ba direlang+ ka metlha kwa sebesong ba na le karolo le sebeso? 14  Ka tsela eno, gape, Morena o ne a ntsha taelo+ ya gore ba ba bolelang dikgang tse di molemo ba tshele ka dikgang tse di molemo.+ 15  Mme ga ke a dirisa le fa e le nngwe fela ya dipaakanyetso tseno.+ Eleruri, ga ke a kwala dilo tseno gore go tle go nne jalo mo go nna, gonne go ne go ka nna molemo thata gore ke swe go na le—ga go na motho ope yo o tlileng go dira gore lebaka la me la go ipelafatsa+ le nne lefela! 16  Jaanong, fa ke bolela dikgang tse di molemo,+ ga se lebaka la gore ke ipelafatse, gonne ke patelesega+ go dira jalo. Tota, a bo go latlhega+ nna fa e le gore ga ke a bolela dikgang tse di molemo! 17  Fa ke dira seno ka go rata, ke na le maduo;+ mme fa e le gore ke se dira e se ka go rata ga me, ke ntse ke sikarisitswe tiro ya bolebedi.+ 18  Jaanong maduo a me ke eng? Gore fa ke ntse ke bolela dikgang tse di molemo ke tle ke neele dikgang tse di molemo kwantle ga tuelo,+ gore ke tle ke se ka ka dirisa bolaodi jwa me mo dikgannyeng tse di molemo ka fa go sa tshwanelang. 19  Gonne, le fa ke gololesegile mo bathong botlhe, ke itirile motlhanka+ mo go botlhe, gore ke gape bontsi jwa batho. 20  Mme jalo mo Bajudeng ke ne ka nna jaaka Mojuda,+ gore ke gape Bajuda; mo go ba ba kafa tlase ga molao ke ne ka nna jaaka yo o kafa tlase ga molao,+ le fa nna ka bonna ke se kafa tlase ga molao,+ gore ke gape ba ba leng kafa tlase ga molao. 21  Mo go ba ba se nang molao+ ke ne ka nna jaaka yo o se nang molao,+ le mororo ke se yo o se nang molao mo Modimong mme ke le kafa tlase ga molao+ mo go Keresete,+ gore ke gape ba ba se nang molao. 22  Mo go ba ba bokoa ke ne ka nna bokoa, gore ke gape ba ba bokoa.+ Ke ntse dilo tsotlhe mo bathong ba mefuta yotlhe,+ gore kafa go ka kgonegang ka gone ke boloke bangwe. 23  Mme ke dira dilo tsotlhe ka ntlha ya dikgang tse di molemo, gore ke tle ke di abalane+ le ba bangwe. 24  A ga lo itse gore basiani+ mo lobelong botlhe ba a siana, mme ke a le mongwe fela yo o amogelang sekgele?+ Sianang+ ka tsela ya gore lo se gape.+ 25  Mo godimo ga moo, motho mongwe le mongwe yo o tsayang karolo mo kgaisanong o ikgapa mo dilong tsotlhe. Jaanong bone, ba dira jalo gore ba tle ba bone serwalo se se senyegang,+ mme rona se se sa senyegeng.+ 26  Ka jalo, tsela e ke sianang ka yone+ ga se ka go sa tlhomamisege; tsela e ke lebantshang go itaya ga me ka yone ke gore ke se ka ka itaya phefo;+ 27  mme ke itaya mmele wa me+ ke bo ke o tshwara jaaka motlhanka, gore fa ke sena go rerela ba bangwe, nna ka bonna ke se ka ka nna yo o sa amogelweng+ ka tsela nngwe.

Dintlha Tse di Kwa Tlase