1 Bakorintha 6:1-20

6  A mongwe wa lona yo o nnang le kgang+ le yo mongwe o nna pelokgale go ya kgotlatshekelong fa pele ga batho ba ba sa siamang,+ mme e seng fa pele ga baitshepi?+  Kgotsa a ga lo itse gore baitshepi ba tla atlhola+ lefatshe? Mme fa e le gore lefatshe ruri le tla atlholwa ke lona, a ga lo a tshwanela go sekisa dilo tse e seng tsa sepe+ gotlhelele?  A ga lo itse gore re tlile go atlhola baengele?+ Ke ka ntlha yang fa re ka se ka ra atlhola dikgang tsa botshelo jono?  Jaanong, fa e le gore lo na le dikgang tsa botshelo jono tse di tshwanetseng go sekwa,+ a lo tlhoma banna ba ba lebelwang kwa tlase mo phuthegong go nna baatlhodi?+  Ke bua gore ke lo tlhabise ditlhong.+ A ke boammaaruri gore ga go na le fa e le motho a le mongwe yo o botlhale+ mo gare ga lona yo o tla kgonang go atlhola mo gare ga bakaulengwe ba gagwe,  mme mokaulengwe o ya kgotlatshekelong le mokaulengwe, le gone a dira jalo fa pele ga ba ba sa dumeleng?+  Tota go raya go fenngwa ga lona gotlhelele go bo lo sekisana kwa dikgotlatshekelong.+ Ke ka ntlha yang fa bogolo lo sa iteseletse go fosediwa?+ Ke ka ntlha yang fa bogolo lo sa iteseletse go tsiediwa?+  Go na le moo, lo a fosetsa e bile lo a tsietsa, le gone lo dira jalo bakaulengwe ba lona.+  Ebu! A ga lo itse gore batho ba ba sa siamang ga ba na go rua bogosi jwa Modimo?+ Lo se ka lwa tsiediwa. Go le bagokafadi,+ le fa e le baobamedi ba medingwana,+ le fa e le baakafadi,+ le fa e le banna ba ba beetsweng maikaelelo a e seng a tlholego,+ le fa e le banna ba ba robalang le banna,+ 10  le fa e le magodu, le fa e le batho ba ba bogagaru,+ le fa e le matagwa,+ le fa e le bagobolodi, le fa e le ba ba tsayang ka dikgoka ga ba na go rua bogosi jwa Modimo.+ 11  Mme le fa go ntse jalo bangwe ba lona ba ne ba ntse jalo.+ Mme lo tlhapisitswe lwa nna phepa,+ lo itshepisitswe,+ lo boletswe lo le ba ba siameng+ mo leineng la Morena wa rona Jesu Keresete le ka moya wa Modimo wa rona.+ 12  Dilo tsotlhe di kafa molaong mo go nna; mme ga se dilo tsotlhe tse di solegelang molemo.+ Dilo tsotlhe di kafa molaong+ mo go nna; mme ga ke na go itetlelela go tlisiwa kafa tlase ga taolo ke sepe.+ 13  Dijo ke tsa mpa, le mpa ke ya dijo;+ mme Modimo o tla di nyeletsa tsoopedi yone le tsone.+ Jaanong mmele ga se wa kgokafalo, mme ke wa Morena;+ le Morena ke wa mmele.+ 14  Modimo o ne a tsosa Morena+ e bile o tla re tsosa mo losong+ ka maatla a gagwe.+ 15  A ga lo itse gore mebele ya lona ke ditokololo+ tsa ga Keresete?+ A jaanong ke tla tsaya ditokololo tsa ga Keresete mme ke di dire ditokololo tsa seaka?+ Le ka motlha e kete seo se ka se diragale! 16  Ebu! A ga lo itse gore yo o gokaganeng le seaka o mmele o le mongwe le sone? Gonne a re, “Bobedi bo tla nna nama e le nngwe.”+ 17  Mme yo o gokaganeng le Morena ke moya+ o le mongwe.+ 18  Tshabang kgokafalo.+ Boleo bongwe le bongwe bo sele jo motho a ka bo dirang bo ka kwa ntle ga mmele wa gagwe, mme yo o dirang kgokafalo o leofela mmele wa gagwe.+ 19  Ebu! A ga lo itse gore mmele wa lona ke tempele+ ya moya o o boitshepo o o mo go lona,+ o lo nang le one o tswa kwa Modimong? Gape, ga lo ba lona,+ 20  gonne lo ne lwa rekwa ka tlhwatlhwa.+ Dirang bojotlhe gore lo galaletse Modimo+ mo mmeleng+ wa lona.

Dintlha Tse di Kwa Tlase