Fetela kwa tshedimosetsong

Fa Batho ba Babedi ba Ratana, A go Siame Gore ba Nne Mmogo ba sa Nyalana?

Fa Batho ba Babedi ba Ratana, A go Siame Gore ba Nne Mmogo ba sa Nyalana?

Karabo ya Baebele

Baebele e bua ka tlhamalalo gore “Modimo o tla atlhola bagokafadi.” (Bahebera 13:4) Lefoko la Segerika e leng por·nei′a, le le ranolwang e le “kgokafalo” le akaretsa go tlhakanela dikobo pele ga lenyalo. Ka gone, ke phoso mo Modimong gore batho ba babedi ba ba sa nyalanang ba nne mmogo—tota le fa ba ikaeletse go nyalana moragonyana.

Go tweng fa bobedi jono bo ratana tota? Le mo maemong ao Modimo o batla gore ba nyalane pele, pele ga ba ka tlhakanela dikobo. Modimo ke ene a re bopileng re na le maikutlo a lorato. Lorato ke nonofo ya konokono ya Modimo. (1 Johane 4:8) Ka gone, o na le lebaka le le utlwalang la go gatelela gore tlhakanelodikobo e nne selo sa batho ba ba nyalaneng fela.