Fetela kwa tshedimosetsong

Fetela go diteng

 BOTSHELO JWA BOKERESETE

A o Dumela Ditsholofetso Tsa ga Jehofa?

A o Dumela Ditsholofetso Tsa ga Jehofa?

Joshua le Solomone ba ile ba tlhalosa gore ka dinako tsotlhe Modimo o diragatsa ditsholofetso tsa gagwe. (Jos 23:14; 1Dik 8:56) Se banna bano ba babedi ba se buileng se ka re thusa gore le rona re nne le tumelo e e tshwanang.—2Bak 13:1; Tit 1:2.

Jehofa o ile a diragatsa jang ditsholofetso tsa gagwe ka motlha wa ga Joshua? Wena le ba lelapa la gago lebang bidio e e reng ‘Ga go Na Lefoko Lepe Le le Sa Diragalang.’ Go tswa foo, tlotlang ka dipotso tse di latelang: (1) O ka etsa jang tumelo ya ga Rahabe? (Bah 11:31; Jak 2:24-26) (2) Sekao sa ga Akane se bontsha jang gore go tlola melao ya Modimo ka boomo go tlisa masetlapelo? (3) Le fa banna ba Gibeone e ne e le batlhabani, ke eng fa ba ne ba tsietsa Joshua le go dira kagiso le Iseraele? (4) Lefoko la ga Jehofa le ile la diragadiwa jang fa dikgosi tse tlhano tsa Baamore di ne di tshosetsa Baiseraele? (Jos 10:5-14) (5) Jehofa o ile a go thusa jang fa o ntse o dira gore Bogosi le tshiamo ya gagwe di tle pele mo botshelong jwa gago?—Mat 6:33.

Fa re ntse re akanya ka dilo tse Jehofa a di dirileng, tse a di dirang le tse a tlileng go di dira mo nakong e e tlang, seo se tla nonotsha tumelo ya rona mo ditsholofetsong tsa gagwe.—Bar 8:31, 32.

A o na le tumelo e e tshwanang le ya ga Joshua?