Fetela kwa tshedimosetsong

Fetela go diteng

 BOTSHELO JWA BOKERESETE

Itumelele go Rera Dikgang Tse di Molemo

Itumelele go Rera Dikgang Tse di Molemo

A o fitlhela go le thata go rera? Bontsi jwa rona re a tle re ikutlwe jalo. Ka ntlha yang? Gongwe ka gonne re kopana le batho ba ba sa kgatlhegeleng molaetsa wa rona, ba ba sa batleng go re reetsa kgotsa re tshaba go bua le batho ba re sa ba tlwaelang. Boammaaruri ke gore, dilo tse di ntseng jalo di ka dira gore re se ka ra tlhola re itumela. Mme gone re direla Modimo yo o itumetseng. (Pes 100:2; 1Ti 1:11) Ke mabaka afe a mararo a go bo re tshwanetse go itumelela tiro ya go rera?

Sa ntlha, molaetsa wa rona o naya batho tsholofelo. Le fa batho ba sa tlhole ba akanya gore maemo a tla nna botoka, re kgona go ba bolelela “dikgang tse di molemo tsa sengwe se se botoka.” (Isa 52:7) Mme le rona dikgang tseno tse di molemo tsa Bogosi Jwa Modimo di ka dira gore re itumele. Pele o ya bodireding, akanya ka masego a Bogosi Jwa Modimo bo tlileng go a tlisetsa batho.

Sa bobedi, dikgang tse di molemo di thusa batho go fetoga le go nna ditsala tsa Modimo. Batho ba ithuta go tlogela mekgwa e e sa siamang mme ba nna le tsholofelo ya go tshelela ruri mo lefatsheng. (Isa 48:17, 18; Bar 1:16) Tiro ya rona ke go batla le go boloka matshelo a batho. Le fa go na le batho ba ba sa batleng go bolokwa, ga re kgaotse go batla ba bangwe ba ba batlang go bolokwa.—Mat 10:11-14.

Sa boraro e bile e le sa botlhokwa le go feta, tiro ya rona e galaletsa Jehofa e bile o e tseela kwa godimo tota. (Isa 43:10; Bah 6:10) Mo godimo ga moo, Jehofa o re naya moya o o boitshepo gore re kgone go dira tiro eno. Ka jalo, mo kope gore a go neye boipelo, jo e leng karolo ya leungo la moya o o boitshepo. (Bag 5:22) Jehofa o tla re thusa gore re tlogele go tshwenyege thata mme re rere ka bopelokgale. (Dit 4:31) Ka jalo, le fa batho ba ka tsiboga jang mo bodireding, re tla tswelela re itumelela tiro ya rona ya go rera.—Esek 3:3.

O eletsa go ikutlwa jang ka bodiredi jwa gago? O ka bontsha jang gore o bo itumeletse?

LEBA BIDIO E E RENG ITUMELELE GO ITHUTA LE GO TLHATLHANYA MME O ARABE DIPOTSO TSE DI LATELANG:

  • Ke eng fa re tshwanetse go ela tlhoko tsela e re ithutang Baebele ka yone le fa gone re fetsa diura di le dintsi mo bodireding kgwedi le kgwedi?

  • Re ka etsa jang sekao sa ga Masego?

  • O tlhatlhanya leng ka dilo tse o ithutang tsone mo Lefokong la Modimo?

  • Ke eng se se go itumedisang ka tiro ya go rera dikgang tse di molemo?