Fetela kwa tshedimosetsong

Fetela go diteng

 BOTSHELO JWA BOKERESETE

Go Tokafatsa Bokgoni Jwa Rona mo Bodireding—Go Thaya Motheo wa Loeto Lwa go Boela

Go Tokafatsa Bokgoni Jwa Rona mo Bodireding—Go Thaya Motheo wa Loeto Lwa go Boela

GORENG GO LE BOTLHOKWA:

Re batla go nosetsa peo e re e jalang ya boammaaruri. (1Bak 3:6) Fa re kopana le motho yo o kgatlhegang, go molemo gore re mo tlogele ka potso e re tla e arabang fa re boa. Seno se tla dira gore a lebe pele go go bona e bile se tla go thusa gore o kgone go baakanyetsa sentle. Fa re boa, re ka mmolelela gore re tlile go araba potso e re neng ra mo tlogela ka yone.

SE O KA SE DIRANG:

  • Fa o baakanyetsa go ya bodireding ka ntlo le ntlo, baakanyetsa le potso e o tla e tlogelelang mong wa ntlo. E ka nna potso nngwe le nngwe e e arabiwang mo kgatisong e o e tsamaisang. Kgotsa e ka nna potso e e arabiwang mo kgatisong nngwe e re tshwarang dithuto ka yone, e o batlang go mo e tlisetsa fa o boa.

  • Fa o fetsa go tlotla le motho yo o nang le kgatlhego, mmolelele gore o eletsa go tlotla le ene gape o bo o mo tlogela ka potso e o e baakanyeditseng. Fa go kgonega, tsaya tshedimosetso ya go ikgolaganya le ene.

  • Fa o mo solofetsa gore o tla boela kwa go ene ka nako e e rileng, dira jalo. —Mat 5:37.