Fetela kwa tshedimosetsong

Fetela go diteng

 BOTSHELO JWA BOKERESETE

Tshiamelo ya Rona ya go Aga le go Tlhokomela Mafelo a Kobamelo ya Boammaaruri

Tshiamelo ya Rona ya go Aga le go Tlhokomela Mafelo a Kobamelo ya Boammaaruri

Go aga tempele ya Iseraele go ne go tlhoka madi a mantsi le gore go dirwe ka natla. Le fa go ntse jalo, Baiseraele ba ne ba ema porojeke eno nokeng ka matlhagatlhaga. (1Dit 29:2-9; 2Dit 6:7, 8) Tempele e ne ya wediwa mme tsela e Baiseraele ba neng ba e tlhokomela ka yone e ne e bontsha gore a ba rata kobamelo ya boammaaruri kgotsa nnyaa. (2Dik 22:3-6; 2Dit 28:24; 29:3) Gompieno Bakeresete ba dirisa nako e ntsi ya bone go aga, go phepafatsa le go tlhokomela Diholo Tsa Bogosi le Diholo Tsa Dikopano. Le fa go ntse jalo, go dira le Jehofa ka tsela eno ke tshiamelo e kgolo e bile ke karolo ya tirelo ya rona e e boitshepo.—Pes 127:1; Tsh 7:15.

RE KA THUSA KA . . .

  • Go phepafatsa morago ga dipokano. Fa o sa kgone, o ka sela matlakala gaufi le fa o ntseng teng.

  • Go nna le seabe ka metlha fa setlhopha sa gago se phepafatsa Holo ya Bogosi. Kgetsi ya tsie e kgonwa ke go tshwaraganelwa.—lv 92-93 ¶18.

  • Go ntsha moneelo. Tota le moneelo o o tswang pelong wa ‘madinyana a mabedi a tshipi’ o itumedisa Jehofa.—Mar 12:41-44.

  • Go ithaopela go aga le go tlhabolola dikago tse di emang Bogosi nokeng. Ga go tlhokege gore o bo o na le maitemogelo a go aga.