Fetela kwa tshedimosetsong

Fetela go diteng

 BOTSHELO JWA BOKERESETE

Go Rera le go Ruta go re Thusa go Dira Barutwa

Go Rera le go Ruta go re Thusa go Dira Barutwa

Jesu o ne a laela barutwa ba gagwe gore ba tsamaye ba ye go dira batho barutwa. (Mat 28:19) Go dira batho barutwa go akaretsa go ba rerela le go ba ruta. Re tshwanetse go nna re ipotsa gore, ‘Nka tokafatsa jang tsela e ke dirang tiro ya go dira barutwa ka yone?’

GO RERA

Ga re a tshwanela go emela gore batho ba tle kwa go rona, re tshwanetse go ya go batla batho ‘ba ba tshwanetseng.’ (Mat 10:11) Fa o le mo bodireding, a o leka ka natla go rerela mongwe le mongwe yo o kopanang le ene? (Dit 17:17) Lidia o ile a nna morutwa ka gonne moaposetoloi Paulo o ne a rerela mongwe le mongwe.—Dit 16:13-15.

“Mo mosong o jale peo ya gago mme o se ka wa letla seatla sa gago gore se ikhutse go fitlha maitseboa” (Mor 11:6)

LEBA BIDIO YA TSWELELA O RERA O “SA KGAOTSE”—RERELA BATHO LE FA O SE MO BODIREDING LE KA NTLO LE NTLO, GO TSWA FOO ARABA DIPOTSO TSE DI LATELANG:

  • Obakeng o ne a dira eng letsatsi le letsatsi go bontsha gore o jala peo ya boammaaruri?

  • Goreng re tshwanetse go rera gongwe le gongwe kwa re kopanang le batho gone?

  • Ke bomang ba o ka ba rerelang fa o ntse o tsweletse ka ditiro tsa letsatsi le letsatsi?

GO RUTA

Fa re batla go dira batho barutwa, ga re a tshwanela go ba tlogelela dikgatiso fela. Re tshwanetse go boela kwa go bone le go ba tshwarela dithuto tsa Baebele gore ba kgone go itse Modimo. (1Bak 3:6-9) Le fa go ntse jalo, re tshwanetse go dira eng fa re lekile go ruta motho Baebele mme go bonala a sa dire diphetogo ka bonako? (Mat 13:19-22) Re tshwanetse go nna re batla batho ba dipelo tsa bone di tshwanang le ‘mmu o o molemo.’—Mat 13:23; Dit 13:48.

“Ke ne ka jala, Apolose a nosetsa, mme Modimo o ne a nna a godisa” (1Bak 3:6)

LEBA BIDIO YA TSWELELA O RERA O “SA KGAOTSE”—RERA PHATLALATSA MME O DIRE BARUTWA, GO TSWA FOO ARABA DIPOTSO TSE DI LATELANG:

  • Nkhumisang le Dimakatso ba ile ba jala peo ya boammaaruri jang mo pelong ya ga Kaone le Abueng?

  • Boikaelelo jwa rona e tshwanetse go nna eng fa re rerela batho, go akaretsa le fa re rera ka dikolotsana?

  • Re ka dira eng gore go tshwara dithuto tsa Baebele e nne selo sa botlhokwa mo matshelong a rona?