Fetela kwa tshedimosetsong

Fetela go diteng

 INDONESIA

Dingwaga di le 50 e le Mmulatsela yo o Kgethegileng

Alisten Lumare

Dingwaga di le 50 e le Mmulatsela yo o Kgethegileng
  • O TSHOTSWE KA 1927

  • O KOLOBEDITSWE KA 1962

  • DINTLHA KA GA GAGWE O kile a nna motlhatlhobi wa mapodise a bo a fetsa dingwaga di feta 50 e le mmulatsela yo o kgethegileng.

KA 1964, ke ne ka nna mmulatsela yo o kgethegileng kwa Manokwari, West Papua, kwa go neng go na le phuthego e nnye gone e e neng e bogisiwa ke baruti ba koo. Fela fa ke sena go goroga, moruti wa kereke ya Porotesetanta o ne a ntatela kwa ke neng ke nna teng.

O ne a bua jaana ka bogale: “Ke tlile go diga ntlo eno ke bo ke fedisa Basupi ba ga Jehofa mo Manokwari!”

E re ka nkile ka nna lepodise, mafoko a gagwe a ne a sa ntshose. Le fa go ntse jalo, ke ne ka mo araba ke ritibetse mme o ne a felela a tsamaya ka kagiso.—1 Pet. 3:15.

Ka nako ya teng go ne go na le baboledi ba le robedi fela mo Manokwari. Gompieno, morago ga dingwaga di le 50, go na le diphuthego di le supa. Batho ba feta 1 200 ba ne ba nna gone kwa kopanong e e neng e tshwaretswe kwa Manokwari ka 2014. Fa ke bona tsela e Jehofa a segofaditseng kgaolo eno ka yone, go dira gore ke kgotsofale.