Fetela kwa tshedimosetsong

Fetela go diteng

Temana ya Ngwaga ya 2015

“Ntshetsang Jehofa ditebogo, gonne o molemo.” Pesalema 106:1

Temana ya Ngwaga ya 2015

Fa Baiseraele ba sena go gololwa mo go Faro le mophato wa gagwe kwa Lewatleng le Lehibidu, ba ne ba na le mabaka a mantsi a go ntshetsa Jehofa ditebogo. Le rona re ka ntshetsa Jehofa ditebogo ka boipelo. Gone ke boammaaruri gore re ka kgobega marapo fa re lebane le maemo a a thata. Fa re le mo maemong ao, go akanya ka masego a re nang le one go ka re gomotsa le go re nonotsha.

 Masego mangwe a re a anaanelang fela thata ke tsholofelo e re tlhomamisegileng ka yone ya go gololwa mo dilong tsotlhe tse di re utlwisang botlhoko le tse di re ngomolang pelo. Go sa kgathalesege gore re lebana le mathata afe, re a itse gore Jehofa ga a kitla a re latlha. Modisa wa rona yo o lorato e bong Jehofa, o re tlamela ka sengwe le sengwe se re se tlhokang gore re kgone go mo direla ka boikanyegi. Ka metlha, Jehofa ke “botshabelo le nonofo ya rona, thuso e e motlhofo go bonwa mo matshwenyegong.” (Pes. 46:1) Fa re nna re akantse ka masego ao, seo se tla re thusa go lebana le mathata a a boima. E kete mo ngwageng ono re ka akanya ka masego a rona mme re tlhotlheletsege go ‘ntshetsa Jehofa ditebogo, gonne o molemo; gonne bopelonomi jwa gagwe jwa lorato ke jwa bosakhutleng.’—Pes. 106:1.