Fetela kwa tshedimosetsong

Fetela go diteng

 DOMINICAN REPUBLIC

Ke Batlile ke Tlogela Modimo

Martín Paredes

Ke Batlile ke Tlogela Modimo
  • O TSHOTSWE KA 1976

  • O KOLOBEDITSWE KA 1991

  • DINTLHA KA GA GAGWE Martín o ithutile boammaaruri fa a le kwa sekolong sa boruti. O thusitse batho ba le bantsi go ithuta boammaaruri.

KE GOLETSE mo lelapeng le le neng le tsene ka tlhogo mo Kerekeng ya Katoliki e bile le batla gore ke nne moruti. Ka ntlha ya seno, fa ke le dingwaga di le 12 ke ne ka tsenela ditlelase tsa boruti ke rutiwa ke baruti ba ba bantsi. Ka 1990, fa ke le dingwaga di le 14, ke ne ka ya sekolong sa maemo a a kwa godimo sa boruti mo Dominican Republic.

Ke ne ke dira bontle tota kwa sekolong mme ka bolelelwa gore fa nka tshwara fela jalo ke tla nna bishopo. Le fa go ntse jalo, dilo ga di a tsamaya jaaka ke ne ke lebeletse. Go na le gore re rutiwe Baebele, re ne re rutiwa dikgopolo tsa batho e bile boitsholo jwa baruti bo ne bo sa siama. Ba ne ba batla go tlhakanelodikobo le nna, mme seno sa dira gore ke batle go tlogela go direla Modimo.

Fa ke ntse ke le kwa sekolong, banyalani bangwe ba barongwa ba ne ba neela akhaontente ya sekolo buka ya Dipotso Tse Basha ba di Botsang—Dikarabo Tse di Nang le Tharabololo.  Ke ne ka e adima mme ka e bala yotlhe. Ke ne ka re, ‘Ke sone se ke ntseng ke se batla.’ Ke ne ka tlogela sekolo sa boruti mme ka simolola go ithuta Baebele le Basupi ka bo ka ya le dipokanong tsa bone. Ke ne ka kolobediwa morago ga dikgwedi di le robedi ka July 1991. Ke ne ka nna mmulatsela wa ka metlha mme moragonyana ka nyala María, yo le ene e neng e le mmulatsela wa ka metlha. Re simolotse go nna babulatsela ba ba kgethegileng ka 2006. Ke itumelela gore ga ke a ka ka tlogela go direla Modimo mme gone jaanong ke kgona go thusa batho ba ba nyoretsweng boammaaruri gore ba obamele Jehofa.