Tshenolo 3:1-22

3  “Kwalela moengele+ wa phuthego e e kwa Saredisa o re: Tseno ke dilo tse yo o nang le meya e supa+ ya Modimo le dinaledi tse supa+ a di buang, ‘Ke itse ditiro tsa gago, gore o na le leina la gore o a tshela, mme o sule.+  Nna o disitse,+ o bo o nonotshe+ dilo tse di setseng tse di neng di le gaufi le go swa, gonne ga ke a fitlhela ditiro tsa gago di dirilwe ka botlalo fa pele ga Modimo wa me.+  Jalo, tswelela o ntse o gopola kafa o amogetseng+ ka gone le kafa o neng wa utlwa ka gone, mme o tswelele o go boloka,+ o bo o ikwatlhaye.+ Eleruri fa o sa tsoge,+ ke tla tla jaaka legodu,+ mme ga o na go itse ka gope gore ke tla tla mo go wena+ ka nako efe.  “‘Le fa go ntse jalo, ruri o na le maina a le mmalwa+ mo Saredisa a a neng a se ka a leswafatsa+ diaparo tsa one tsa kafa ntle, mme a tla tsamaya le nna a le mo go tse ditshweu,+ ka gonne a a tshwanela.+  Yo o fenyang+ o tla apesiwa diaparo tsa kafa ntle tse ditshweu;+ mme ga ke na go phimola leina la gagwe ka gope mo bukeng ya botshelo,+ ke tla itsise leina la gagwe fa pele ga ga Rre+ le fa pele ga baengele+ ba gagwe.  A yo o nang le tsebe a utlwe se moya+ o se buang le diphuthego.’  “Kwalela moengele+ wa phuthego e e kwa Filadelefia o re: Tseno ke dilo tse yo o boitshepo+ a di buang, yo o boammaaruri,+ yo o nang le selotlolo sa ga Dafide,+ yo o bulang gore go se nne le ope yo o tla tswalang, a ba a tswale gore go se nne le ope yo o bulang,  ‘Ke itse ditiro tsa gago+—bona! ke tlhomile kgoro e e bulegileng+ fa pele ga gago, e go se nang ope yo o ka e tswalang—gore o na le maatla a mannye, e bile o ne wa boloka lefoko la me wa se ka wa itatola leina la me.+  Bona! Ke tla naya ba ba mo sinagogeng ya ga Satane ba ba reng ke Bajuda,+ mme e se bone mme ba aka+—bona! ke tla dira gore ba tle mme ba obame+ fa pele ga dinao tsa gago ke ba ke dira gore ba itse gore ke go ratile. 10  Ka gonne o ne wa boloka lefoko kaga boitshoko jwa me,+ le nna ke tla go boloka+ mo nakong ya teko, e e tla tlelang lefatshe lotlhe le le nang le banni, go leka ba ba nnang mo lefatsheng.+ 11  Ke tla ka bonako.+ Nna o ngangatlele se o nang le sone,+ gore ope a se ka a tsaya serwalo sa gago.+ 12  “‘Yo o fenyang—ke tla mo dira pilara+ mo tempeleng+ ya Modimo+ wa me, mme ga a na go tlhola a tswa mo go yone ka gope, ke tla kwala mo go ene leina la Modimo wa me le leina la motse wa Modimo wa me, Jerusalema yo mosha+ yo o fologang kwa legodimong a tswa kwa Modimong wa me, le leina le lesha leo la me.+ 13  A yo o nang le tsebe a utlwe se moya+ o se buang le diphuthego.’ 14  “Kwalela moengele wa phuthego e e kwa Laodikia+ o re: Tseno ke dilo tse Amen+ a di buang, mosupi+ yo o ikanyegang+ le yo o boammaaruri,+ tshimologo ya popo ka Modimo,+ 15  ‘Ke itse ditiro tsa gago, gore ga o tsididi le gone ga o mogote. Ke eletsa e kete o ka bo o ne o le tsididi kgotsa go sa nneng jalo o le mogote. 16  Jalo, ka gonne o le mololo mme o se mogote+ le gone o se tsididi,+ ke tlile go go tlhatsa mo molomong wa me. 17  Ka gonne wa re: “Ke humile+ e bile ke bapetse dikhumo mme ga ke tlhoke sepe gotlhelele,” ga o itse gore o a hutsafatsa mme o tlhomola pelo o humanegile o foufetse+ e bile ga wa ikatega, 18  ke go akantsha gore o reke mo go nna gouta+ e e itshekisitsweng ka molelo gore o tle o hume, le diaparo tsa kafa ntle tse ditshweu gore o tle o apare le gore ditlhong tsa bosaikategang jwa gago di se ka tsa bonatshega,+ le molemo o o tshasiwang wa matlho+ gore o tshase matlho a gago o tle o bone. 19  “‘Botlhe ba ke ba ratang ke a ba kgalemela ke ba ke ba otlhaya.+ Jalo tlhoafala mme o ikwatlhaye.+ 20  Bona! Ke eme fa setswalong+ mme ke a kokota. Fa motho a utlwa lentswe la me a bo a bula setswalo,+ ke tla tsena mo ntlong ya gagwe mme ke je sejo sa maitseboa le ene le ene a se je le nna. 21  Yo o fenyang+ ke tla dira gore a nne le nna mo setulong+ sa me sa bogosi, fela jaaka ke ne ka fenya mme ka nna+ le Rre mo setulong+ sa gagwe sa bogosi. 22  A yo o nang le tsebe a utlwe se moya+ o se buang le diphuthego.’”+

Dintlha Tse di Kwa Tlase