Sekarea 8:1-23

8  me lefoko la ga Jehofa wa masomosomo la tswelela go tla, le re:  “Jehofa wa masomosomo+ o buile jaana, ‘Ke tla fufegela Siona ka lefufa le legolo,+ e bile ke tla mo fufegela ka tšararego e kgolo.’”+  “Jehofa o buile jaana, ‘Ke tla boela kwa Siona+ ke bo ke aga mo gare ga Jerusalema;+ mme ruri Jerusalema o tla bidiwa motse wa boammaaruri,+ le thaba ya ga Jehofa+ wa masomosomo, thaba e e boitshepo.’”+  “Jehofa wa masomosomo o buile jaana, ‘Go sa ntse go tla nna bannabagolo le basadibagolo mo dipatlelong tsa Jerusalema,+ mongwe le mongwe a tshotse lore lwa gagwe+ mo seatleng ka ntlha ya bontsi jwa malatsi a gagwe.  Mme dipatlelo tsa motse ka botsone di tla tlala basimane le basetsana ba tshameka mo dipatlelong tsa gagwe tsa motse.’”+  “Jehofa wa masomosomo o buile jaana, ‘Le mororo go ka lebega go le thata tota mo matlhong a ba ba setseng ba setšhaba seno mo malatsing ao, a go ka lebega go le thata thata le mo matlhong a me?’+ go bua Jehofa wa masomosomo.”  “Jehofa wa masomosomo o buile jaana, ‘Bona, ke boloka batho ba me kwa lefatsheng la botlhabatsatsi le kwa lefatsheng la bophirimatsatsi.+  Mme ruri ke tla ba tlisa, mme ba tla aga mo gare ga Jerusalema;+ ba tla nna batho ba me,+ mme nna ka bonna ke tla nna Modimo wa bone mo boammaaruring le mo tshiamong.’”+  “Jehofa wa masomosomo o buile jaana, ‘A diatla tsa lona di nonofe,+ lona ba mo malatsing ano lo utlwang mafoko ano mo molomong wa baporofeti,+ mo letsatsing la fa go ne go thewa motheo wa ntlo ya ga Jehofa wa masomosomo, gore tempele e agiwe.+ 10  Gonne pele ga malatsi ao go ne go sa dirwa gore batho ba nne le tuelo;+ mme fa e le tuelo ya diruiwa yone, go ne go se na sepe se se ntseng jalo; yo o neng a tswa le yo o neng a tsena o ne a se na kagiso ka ntlha ya mmaba,+ e re ka ke ne ke ntse ke thulanya batho botlhe.’+ 11  “‘Mme jaanong ga nkitla ke nna jaaka ke ne ke ntse mo malatsing a pele, mo go ba ba setseng ba setšhaba seno,’+ go bua Jehofa wa masomosomo. 12  ‘Gonne go tla nna le peo ya kagiso;+ mofine ka boone o tla ntsha maungo a one,+ le lefatshe ka bolone le tla ntsha kungo ya lone,+ le magodimo ka boone a tla ntsha monyo wa one;+ mme eleruri ke tla dira gore ba ba setseng+ ba setšhaba seno ba rue dilo tseno tsotlhe.+ 13  Mme go tla diragala gore fela jaaka lo ne lwa nna phutso mo ditšhabeng,+ wena ntlo ya Juda le wena ntlo ya Iseraele,+ ke tla lo boloka, mme lo tla nna tshegofatso.+ Lo se ka lwa boifa.+ A diatla tsa lona di nonofe.’+ 14  “Gonne Jehofa wa masomosomo o buile jaana, ‘“Fela jaaka ke ne ke gopotse go lo direla masetlapelo ka ntlha ya go galefisiwa ke borraalonamogologolwane,”+ go buile Jehofa wa masomosomo, “mme ka se ka ka ikutlwa ke ikwatlhaya,+ 15  fela jalo ke tla boa gape ke gopola go dirisana sentle le Jerusalema le ntlo ya Juda+ mo malatsing ano. Lo se ka lwa boifa.”’+ 16  ‘Tseno ke dilo tse lo tshwanetseng go di dira:+ A mongwe le mongwe a bue boammaaruri le yo mongwe.+ Atlholang ka boammaaruri le ka katlholo ya kagiso mo dikgorong tsa lona.+ 17  Mme lo se ka lwa logelana maano a masetlapelo mo dipelong tsa lona,+ e bile lo se ka lwa rata ikano epe ya maaka;+ gonne tsotlhe tseno ke dilo tse ke di tlhoileng,’+ go bua Jehofa.” 18  Mme lefoko la ga Jehofa wa masomosomo la tswelela go tla kwa go nna, le re: 19  “Jehofa wa masomosomo o buile jaana, ‘Go itima dijo ga kgwedi ya bonè,+ le go itima dijo ga kgwedi ya botlhano,+ le go itima dijo ga kgwedi ya bosupa,+ le go itima dijo ga kgwedi ya bolesome+ e tla nna go itumela le go ipela le dipaka tse di molemo tsa moletlo mo go ba ntlo ya Juda.+ Ka jalo ratang boammaaruri le kagiso.’+ 20  “Jehofa wa masomosomo o buile jaana, ‘Go sa ntse go tla diragala gore ditšhaba le banni ba metse e le mentsi ba tle;+ 21  mme banni ba motse o mongwe ba tla ya kwa go ba o mongwe, ba re: “A ka tlhoafalo re yeng+ go nolofatsa sefatlhego+ sa ga Jehofa le go batla Jehofa wa masomosomo. Le nna ke tla ya.”+ 22  Mme ditšhaba di le dintsi le merafe e e thata e tla tla go batla Jehofa wa masomosomo mo Jerusalema+ le go nolofatsa sefatlhego sa ga Jehofa.’ 23  “Jehofa wa masomosomo o buile jaana, ‘Go tla diragala mo metlheng eo gore batho ba le lesome ba ba tswang mo dipuong tsotlhe tsa ditšhaba+ ba tla tshwara,+ ee, ba tla tshwara ntlha ya seaparo sa monna yo e leng Mojuda,+ ba re: “Re tla tsamaya le lona,+ gonne re utlwile gore Modimo o na le lona.”’”+

Dintlha Tse di Kwa Tlase