Sekarea 6:1-15

6  Foo ka tsholetsa matlho a me gape ka leba; mme bona! ga bo go le dikara di le nnè di tswa mo gare ga dithaba tse pedi, mme dithaba tseno e ne e le dithaba tsa kgotlho.  Mo kareng ya ntlha go ne go na le dipitse tse dikhunou;+ mme mo kareng ya bobedi, dipitse tse dintsho.+  Mme mo kareng ya boraro go ne go na le dipitse tse ditshweu;+ mme mo kareng ya bonè, dipitse tse di marothodi, tse di mebalabala.+  Mme ka raya moengele yo o neng a bua le nna ka re: “Ke eng tseno, morena wa me?”+  Ka jalo moengele a araba a nthaya a re: “Tseno ke meya e menè+ ya magodimo e e tswang+ fa e sena go ema fa pele ga Morena+ wa lefatshe lotlhe.+  Fa e le e e nang le dipitse tse dintsho, di tswela kwa lefatsheng la bokone;+ mme fa e le tse ditshweu tsone, di tshwanetse go tswela ka kwa morago ga lewatle; mme fa e le tse di marothodi tsone, di tshwanetse go tswela kwa lefatsheng la borwa.+  Fa e le tse di mebalabala+ tsone, di tshwanetse go tswa mme di nne di senke kwa di ka yang gone, gore di tsamayetsamaye mo lefatsheng.”+ Foo a re: “Yang lo tsamayetsamaye mo lefatsheng.” Mme tsa simolola go tsamayatsamaya mo lefatsheng.  Mme a simolola go nkgoa a bua le nna, a re: “Bona, tse di tswelang kwa lefatsheng la bokone ke tse di dirileng gore moya+ wa ga Jehofa o nne mo lefatsheng la bokone.”+  Mme lefoko la ga Jehofa la tswelela go tla kwa go nna, le re: 10  “Mma go tseweng sengwe mo batshwarweng,+ le mo go Heledai le mo go Tobija le mo go Jedaia; mme wena o tle mo letsatsing leo, o tsene mo ntlong ya ga Josia morwa Sefania+ o na le bano ba ba tlileng ba tswa kwa Babelona. 11  Mme o tseye selefera le gouta o dire serwalo se sentle+ o se beye mo tlhogong ya ga Joshua+ morwa Jehosadake e leng moperesiti yo mogolo. 12  Mme o mo reye o re, “‘Jehofa wa masomosomo o buile jaana: “Monna ke yono+ yo leina la gagwe e leng Letlhogela.+ Mme o tla tlhoga a le mo lefelong la gagwe, e bile ruri o tla aga tempele ya ga Jehofa.+ 13  Mme ene ka boene o tla aga tempele ya ga Jehofa, e bile fa e le ene, o tla nna le seriti;+ o tla nna a bo a busa a le mo setulong sa gagwe sa bogosi, mme o tla nna moperesiti mo setulong sa gagwe sa bogosi,+ le boikaelelo jwa kagiso+ bo tla nna mo gare ga bone ka bobedi. 14  Mme serwalo se sentle ka bosone e tla nna sa ga Heleme le Tobija le Jedaia+ le Hene morwa Sefania e e segopotso+ mo tempeleng ya ga Jehofa. 15  Mme ba ba leng kgakala ba tla tla ba bo ba aga mo tempeleng ya ga Jehofa.”+ Mme lo tla tshwanela go itse gore Jehofa wa masomosomo o nthomile kwa go lona.+ Mme go tla diragala—fa e le gore ruri lo tla reetsa lentswe la ga Jehofa Modimo wa lona.’”+

Dintlha Tse di Kwa Tlase