Sekarea 4:1-14

4  Mme moengele yo o neng a bua le nna a boa a tla go ntsosa, jaaka motho yo o tsosiwang mo borokong.+  Foo a nthaya a re: “O bonang?”+ Ka jalo ka re: “Ke ne ka leba, mme bona! go na le setlhomo sa lobone, sotlhe fela ke sa gouta,+ se na le mogopo mo godimo ga sone. Mme dipone tsa sone di supa di mo godimo ga sone, ee di supa;+ e bile dipone tse di leng mo godimo ga sone di na le ditlhaka di supa tse di logapa.  Mme go na le ditlhare di le pedi tsa motlhware fa thoko ga sone,+ sengwe se kafa mojeng wa mogopo mme se sengwe se kafa molemeng wa sone.”  Foo ka raya moengele yo o neng a bua le nna, ka re: “Dilo tseno di kaya eng, morena wa me?”+  Ka jalo moengele yo o neng a bua le nna a araba a nthaya a re: “A tota ga o itse gore dilo tseno di kaya eng?” Mme ka re: “Nnyaa, morena wa me.”+  Ka jalo a araba a nthaya a re: “Leno ke lefoko la ga Jehofa le le yang kwa go Serubabele, e re, ‘“E seng ka mophato wa sesole,+ le fa e le ka maatla,+ mme ka moya wa me,”+ go buile Jehofa wa masomosomo.  O mang, wena thaba e kgolo?+ O tla nna naga e e sebatla fela fa pele ga ga Serubabele.+ Mme ene o tla tlisa leje la motheo.+ Le tla bo le goelelwa+ go twe: “A bontle jo bo kgatlhang! A bontle jo bo kgatlhang!”’”+  Mme lefoko la ga Jehofa la tswelela go tla kwa go nna, le re:  “Diatla tsa ga Serubabele ka botsone di theile motheo wa ntlo eno,+ mme diatla tsa gagwe ka botsone di tla o fetsa.+ Mme o tla itse gore Jehofa wa masomosomo ka boene o nthomile kwa go lona.+ 10  Gonne ke mang yo o nyaditseng letsatsi la dilo tse di potlana?+ Mme ruri ba tla ipela+ le go bona selo se se tlhamalatsang lobota mo seatleng sa ga Serubabele. A a supa ano ke matlho a ga Jehofa.+ A ya kwa le kwa mo lefatsheng lotlhe.”+ 11  Mme ka mo raya ka re: “Ditlhare tse pedi tseno tsa motlhware tse di kafa mojeng wa setlhomo sa lobone le kafa molemeng wa sone di kaya eng?”+ 12  Foo ka araba lekgetlo la bobedi ka mo raya ka re: “Dingata tse pedi tsa dikalana tsa ditlhare tsa motlhware tse di tshololang seedi sa gouta se se tswang mo teng ga tsone ka ditšhupu tse pedi tsa gouta ke eng?” 13  Ka jalo a nthaya a re: “A tota ga o itse gore dilo tseno di kaya eng?” Mme ka re: “Nnyaa, morena wa me.”+ 14  Ka jalo a re: “Tseno ke batlodiwa ba babedi+ ba ba emeng fa thoko ga Morena wa lefatshe lotlhe.”+

Dintlha Tse di Kwa Tlase