Sekarea 2:1-13

2  Mme ka tsholetsa matlho a me ka leba; mme bona! ga bo go le monna, mme mo seatleng sa gagwe go na le mogala o o lekanyang.+  Ka jalo ka re: “O ya kae?” Mme ene a nthaya a re: “Ke ya go lekanya Jerusalema, go bona gore bophara jwa gagwe bo selekanyo se se kana kang le gore boleele jwa gagwe bo selekanyo se se kana kang.”+  Mme bona! moengele yo o neng a bua le nna o ne a tsamaya, mme go ne go na le moengele yo mongwe a ya go mo kgatlhantsha.  Foo a mo raya a re: “Siana, bua le lekau lele, o re, ‘“Jerusalema o tla nniwa jaaka naga e e bulegileng ya selegae,+ ka ntlha ya bontsintsi jwa batho le diruiwa tse di mo gare ga gagwe.+  Mme nna ka bonna,” go bua Jehofa, “ke tla nna lobota lwa molelo go mo dikologa,+ e bile ke tla nna kgalalelo mo gare ga gagwe.”’”+  “Heelang! Heelang! Tshabang he, mo lefatsheng la bokone,”+ go bua Jehofa. “Gonne ke lo anamiseditse kgakala kwa dintlheng tsa diphefo tse nnè tsa magodimo,”+ go bua Jehofa.  “Heela Siona!+ Iphalotse, wena yo o nnang le morwadia Babelona.+  Gonne Jehofa wa masomosomo o buile jaana, ‘Morago ga kgalalelo+ o ne a nthoma kwa ditšhabeng tse di neng di lo thopa;+ gonne yo o lo amang+ o ama thaka ya leitlho la me.+  Gonne bona, ke kgatikanya seatla sa me kgatlhanong le bone,+ mme ba tla tshwanelwa ke go nna thopo ya batlhanka ba bone.’+ Mme ruri lo tla itse gore Jehofa wa masomosomo ka boene o nthomile.+ 10  “Goela kwa godimo o ipele, wena morwadia Siona;+ gonne ke etla,+ mme ke tla aga mo gare ga gago,”+ go bua Jehofa. 11  “Mme ditšhaba di le dintsi di tla gokagana le Jehofa mo motlheng oo,+ mme ba tla nna batho ba me;+ e bile ke tla aga mo gare ga gago.” Mme o tla tshwanelwa ke go itse gore Jehofa wa masomosomo ka boene o nthomile kwa go wena.+ 12  Mme Jehofa o tla rua Juda jaaka karolo ya gagwe mo lefatsheng le le boitshepo,+ mme o sa ntse a tla tlhopha Jerusalema.+ 13  Didimala fa pele ga ga Jehofa,+ wena nama yotlhe, gonne o eme+ mo bonnong jwa gagwe jo bo boitshepo.+

Dintlha Tse di Kwa Tlase