Sekarea 12:1-14

12  Polelo: “Lefoko la ga Jehofa kaga Iseraele,” go bua Jehofa, Ene yo o phuthololang magodimo+ le go thaya motheo wa lefatshe+ a ba a bopa moya+ wa motho mo teng ga gagwe.  “Bona, ke dira gore Jerusalema+ a nne mogopo o o dirang gore ditšhaba tsotlhe tse di mo tikologong di theekele;+ mme gape o tla dikanyetsa Juda, le e leng Jerusalema.+  Mme go tla diragala mo letsatsing leo+ gore ke dire Jerusalema leje le le bokete+ mo ditšhabeng tsotlhe. Botlhe ba ba le tsholetsang ruri le tla ba ngapa mo go botlhoko; e bile ditšhaba tsotlhe tsa lefatshe di tla phuthwa kgatlhanong le ene.+  Mo letsatsing leo,”+ go bua Jehofa, “ke tla itaya pitse nngwe le nngwe+ ka kakabalo le mopalami wa yone ka botsenwa;+ ke tla bulela ntlo ya Juda matlho,+ mme ke tla itaya pitse nngwe le nngwe ya ditšhaba ka go latlhegelwa ke pono.  Dikgosana tsa lotso+ tsa Juda di tla tshwanelwa ke gore di bue mo pelong ya tsone di re, ‘Banni ba Jerusalema ke nonofo mo go nna ka Jehofa wa masomosomo Modimo wa bone.’+  Mo letsatsing leo ke tla dira gore dikgosana tsa lotso tsa Juda di nne jaaka pitsa ya molelo mo gare ga ditlhare+ le jaaka serumola se se tukang mo dijong tsa ditlhaka tse di sa tswang go rojwa mo moleng wa thobo,+ mme kafa mojeng le kafa molemeng, ba tla laila ditšhaba tsotlhe tse di mo tikologong;+ le Jerusalema o sa ntse a tla nniwa mo lefelong la gagwe, mo Jerusalema.+  “Mme ruri Jehofa o tla boloka ditente tsa Juda pele, gore bontle jwa ntlo ya ga Dafide le bontle jwa banni ba Jerusalema bo tle bo se ka jwa nna bogolo thata mo go Juda.  Mo letsatsing leo Jehofa o tla nna phemelo go dikologa banni ba Jerusalema;+ le yo o kgotšwang mo go bone o tla nna jaaka Dafide mo letsatsing leo,+ mme ntlo ya ga Dafide jaaka Modimo,+ jaaka moengele wa ga Jehofa fa pele ga bone.+  Mme go tla diragala mo letsatsing leo gore ke tla batla go nyeletsa ditšhaba tsotlhe tse di tsogologelang Jerusalema.+ 10  “Mme ke tla tshololela moya wa kamogelo+ le moya wa dikopo tse di dirwang ka tlhoafalo mo ntlong ya ga Dafide le mo banning ba Jerusalema,+ ruri ba tla leba kwa go Ene yo ba mo tlhabileng,+ mme ruri ba tla Mo lelela jaaka fa go lelelwa morwa yo o esi fela; go tla nna le selelo se se botlhoko sa khutsafalo ka ntlha ya gagwe jaaka fa go na le selelo se se botlhoko sa khutsafalo ka ntlha ya morwa wa motsalwapele.+ 11  Mo letsatsing leo, selelo se tla nna segolo mo Jerusalema, jaaka selelo sa Hadadarimone mo lebaleng la mokgatšha wa Megido.+ 12  Mme ruri lefatshe le tla lela,+ lelapa lengwe le lengwe le le losi; lelapa la ba ntlo ya ga Dafide le le losi, le basadi ba bone ba le bosi;+ lelapa la ba ntlo ya ga Nathane+ le le losi, le basadi ba bone ba le bosi; 13  lelapa la ba ntlo ya ga Lefi+ le le losi, le basadi ba bone ba le bosi; lelapa la Bashimeshi+ le le losi, le basadi ba bone ba le bosi; 14  malapa otlhe a a setseng, lelapa lengwe le lengwe le le losi, le basadi ba bone ba le bosi.+

Dintlha Tse di Kwa Tlase