Sekarea 11:1-17

11  “Bula dikgoro tsa gago, wena Lebanona,+ gore molelo o tle o laile masedara a gago.+  Bokolela, wena setlhare sa mofira, gonne mosedara o ole; ka gonne tse di tlotlometseng di thopilwe!+ Bokolelang lona ditlhare tse dikgolo thata tsa Bashana, gonne sekgwa se se sa tsenegeng se ole!+  Reetsa! Go bokolela ga badisa,+ gonne tlotlomalo ya bone e thopilwe.+ Reetsa! Go kurutla ga ditawana tse di seriri, gonne masuthu a a tlotlometseng go bapa le Joredane a thopilwe.+  “Jehofa Modimo wa me o buile jaana, ‘Disang dinku tse di neng di laoletswe go bolawa,+  tse bareki ba tsone ba di bolayang+ le mororo ba sa bonwe molato.+ Mme ba ba di rekisang+ ba re: “A Jehofa a bakwe, e re ka ke tla nna le dikhumo.”+ Mme badisa ba tsone ga ba di bontshe bopelotlhomogi bope.’+  “‘Gonne ga nkitla ke tlhola ke bontsha banni ba lefatshe bopelotlhomogi,’+ go bua Jehofa. ‘Ka jalo bona, ke dira gore batho ba iphitlhele, mongwe le mongwe a le mo seatleng sa molekane wa gagwe+ le mo seatleng sa kgosi ya gagwe;+ mme ruri ba tla thubaganya lefatshe, e bile ga nkitla ke golola mo seatleng sa bone.’”+  Mme ke ne ka lo disetsa letsomane+ le le neng le laoletswe go bolawa,+ lona ba ba bogisiwang ba letsomane.+ Ka jalo ke ne ka itseela dinthe di le pedi.+ Lo longwe ke ne ka lo bitsa Bontle,+ mme lo longwe ke ne ka lo bitsa Tshwaragano,+ mme ka disa letsomane.  Kgabagare ke ne ka nyeletsa badisa ba le bararo mo kgweding e le nngwe ya modikologo wa ngwedi,+ e re ka moya wa me o ne o ba felela pelo ka iketlo,+ mme le moya wa bone o ne o nkila.  La bofelo ke ne ka re: “Ga nkitla ke nna ke ntse ke lo disa.+ Yo o swang, a a swe. Mme yo o nyelelang, a a nyelele.+ Mme fa e le ka ba ba setseng bone, a mongwe le mongwe a kometse nama ya molekane wa gagwe.”+ 10  Ka jalo ke ne ka tsaya lore lwa me e leng Bontle+ mme ka lo robaroba,+ gore ke robe kgolagano ya me e ke neng ke e dirile le ditšhaba tsotlhe.+ 11  Mme e ne ya robega mo letsatsing leo, mme ba ba bogisiwang ba letsomane+ ba ba neng ba ntebeletse+ ba ne ba itse ka tsela eno gore e ne e le lefoko la ga Jehofa. 12  Foo ka ba raya ka re: “Fa go le molemo mo matlhong a lona,+ nnayang tuelo ya me; mme fa go sa nna jalo, tlogelang.” Mme ba ntuela tuelo ya me, dipapetla tsa selefera di le masome a mararo.+ 13  Foo Jehofa a nthaya a re: “E latlhele mo bobolokela matlotlong+—tlhwatlhwa e kgolo e ke e lekantsweng go ya ka pono ya bone.”+ Ka jalo ke ne ka tsaya dipapetla di le masome a mararo tsa selefera mme ka di latlhela mo teng ga bobolokela matlotlo kwa ntlong ya ga Jehofa.+ 14  Go tswa foo ke ne ka robaganya lore lwa me lwa bobedi, e leng Tshwaragano,+ gore ke robe bokaulengwe+ fa gare ga Juda le Iseraele.+ 15  Mme Jehofa a tswelela a nthaya a re: “Itseele didirisiwa tsa modisa yo o se nang mosola.+ 16  Gonne, bona, ke dira gore go eme modisa mo lefatsheng.+ Ga a kitla a tlhokomela dinku tse di nyelediwang.+ Ga a kitla a senka e potlana, e bile ga a kitla a fodisa nku e e robegileng.+ E e emang ga a kitla a e naya dijo, mme o tla ja nama ya e e nonneng,+ gape o tla kgomola ditlhakwana tsa dinku.+ 17  A bo go latlhega modisa wa me yo o se nang mosola,+ yo o tlogelang letsomane!+ Tšhaka e tla nna mo lebogong la gagwe le mo leitlhong la gagwe la moja. Ruri lebogo la gagwe le tla omelela,+ mme leitlho la gagwe la moja ruri le tla nna letobo.”

Dintlha Tse di Kwa Tlase