Sefela sa Difela 8:1-14

8  “E kete o ka bo o ne o tshwana le morwarre,+ o anya mabele a ga mmè!+ Fa ke ne ke ka go fitlhela kwa ntle, ke ne ke tla go atla.+ Batho ba ne ba se kitla ba bo ba nnyatsa.  Ke ne ke tla go goga, ke ne ke tla go tlisa mo teng ga ntlo ya ga mmè,+ yo o neng a tle a nthute. Ke ne ke tla go nosa beine e e tsentsweng setswaiso,+ matute a masha a digaranata.  Seatla sa gagwe sa molema se ne se tla bo se le kafa tlase ga tlhogo ya me; mme seatla sa gagwe sa moja—se ne se tla ntlamparela.+  “Ke lo ikanisitse, lona bomorwadia Jerusalema, gore lo se ka lwa leka go tsosa lorato mo go nna kgotsa go lo kurusa go fitlha lone lo tsoga.”+  “Ke mang mosadi+ yono yo o tlang a tswa kwa nageng,+ a ikaegile ka moratiwa wa gagwe?”+ “Ke ne ka go kurusa kafa tlase ga setlhare sa diapole. Gone koo mmago o ne a le mo ditlhabing tsa pelegi ka ntlha ya gago. Gone koo, ene yo o neng a go belega o ne a utlwa ditlhabi tsa pelegi.+  “Mpaya jaaka letshwao mo pelong ya gago,+ jaaka letshwao mo lebogong la gago; ka gonne lorato lo nonofile jaaka loso,+ go ganelela ga lone mo boineelong jo bo feletseng+ ga go ineele fela jaaka Sheole e sa ineele. Go tuka ga lone ke go tuka ga molelo, kgabo ya ga Jah.+  Metsi a le mantsi ka boone ga a kgone go tima lorato,+ le gone dinoka ka botsone ga di kgone go lo gogola.+ Fa motho a ne a ka aba dilo tsotlhe tse di tlhwatlhwakgolo tsa ntlo ya gagwe ka ntlha ya lorato, ruri batho ba ne ba tla di nyatsa.”  “Re na le kgaitsadiarona+ yo monnye yo o se nang mabele. Re tla direlang kgaitsadiarona mo letsatsing le a tla buelelwang ka lone?”  “Fa a le lobota,+ re tla aga setlhoa sa selefera mo go ene; mme fa a le setswalo,+ re tla mo thiba ka logong lwa mosedara.” 10  “Ke lobota, mme mabele a me a tshwana le ditora.+ Ka gone, mo matlhong a gagwe ke ntse jaaka ene yo o bonang kagiso. 11  “Go ne go na le tshimo ya mofine+ e Solomone a neng a na le yone kwa Baale-hamone. O ne a naya batlhokomedi+ tshimo eno ya mofine. Mongwe le mongwe o ne a ntshetsa maungo a yone dipapetla di le sekete tsa selefera. 12  “Tshimo ya me ya mofine, e e leng ya me, e mo taolong ya me. Sekete ke sa gago, wena Solomone, mme makgolo a mabedi ke a ba ba tlhokometseng maungo a yone.” 13  “Wena yo o nnang mo ditshingwaneng,+ balekane ba tlhwaetse lentswe la gago tsebe. Mma ke le utlwe.”+ 14  “Tshaba, moratiwa wa me, mme o itire tshephe kgotsa ngwana wa dikgama tse ditonanyana mo dithabeng tsa ditswaiso.”+

Dintlha Tse di Kwa Tlase