Sefela sa Difela 7:1-13

7  “A bo dikgato tsa gago di nnile dintle jang ne mo teng ga bompaatšhane ba gago,+ wena morweetsana yo o iketleeditseng!+ Dikgogoropo tsa dirope tsa gago di tshwana le mekgabisa,+ tiro ya diatla tsa modiri yo o setswerere.  Khubu ya gago ke mogopo o o kgolokwe. A beine+ e e tlhakantsweng e se ka ya tlhaela mo go one. Mpa ya gago ke mokoa wa korong, o o ageletsweng ka dithunya tsa masoma.+  Mabele a gago a mabedi a tshwana le bana ba babedi, mafatlha a tshephe e namagadi.+  Molala+ wa gago o tshwana le tora ya lonaka lwa tlou. Matlho+ a gago a tshwana le megobe e e kwa Heshebone,+ e e fa thoko ga kgoro ya Bathe-rabime. Nko ya gago e tshwana le tora ya Lebanona, e e lebileng kwa Damaseko.  Tlhogo ya gago mo go wena e tshwana le Karemele,+ mme makaodi+ a tlhogo ya gago a tshwana le boboa jo bo fetoletsweng mo mmaleng o o bobududu jo bo mokgona jo bohibitswana.+ Kgosi e golegilwe ke metshopo ya moriri.+  A bo o le montle jang ne, e bile a bo o itumedisa jang ne, wena mosetsana yo o rategang, mo gare ga batho ba ba itumedisang thata!+  Boleele jono jwa gago bo tshwana le setlhare sa mokolane,+ le mabele+ a gago, masitlha a leungo la mokolane.  Ke rile, ‘Ke tla tlhatloga setlhare sa mokolane, gore ke tle ke tshware dithupa tsa maungo a mokolane.’+ Mme, tsweetswee, a mabele a gago a nne jaaka masitlha a mofine, le lonko lo lo monate lwa nko ya gago le nne jaaka diapole,  le magalapa a gago jaaka beine e e di gaisang tsotlhe+ e e relelang mo go moratiwa wa me, e e elelang monate mo dipounameng tsa ba ba robetseng.”+ 10  “Nna ke wa moratiwa wa me,+ mme keletso ya gagwe e mo go nna.+ 11  A ko o tle, wena moratiwa wa me, a re tswele kwa tshimong;+ a ko re nne fa gare ga dimela tsa hena.+ 12  A ko re tsoge go sa le phakela mme re ye kwa masimong a mofine, gore re tle re bone gore a mofine o tlhogile,+ sethunya se thuntse,+ ditlhare tsa garanata di thuntse.+ Gone koo ke tla go naya dipontsho tsa me tsa lorato.+ 13  Ditholwana tsa dimandereiki+ di ntshitse lonko lwa tsone lo lo monate, mme fa thoko ga ditsela tsa rona tsa matseno go na le mefuta yotlhe ya maungo a boleng jo bo kwa godimo.+ Ke go boloketse a masha le a magologolo, wena moratiwa wa me.

Dintlha Tse di Kwa Tlase