Sefela sa Difela 4:1-16

4  “Bona! O montle,+ wena molekane wa me wa mosetsana. Bona! O montle. Matlho a gago ke a leeba,+ kafa morago ga lesire la gago.+ Moriri wa gago o tshwana le motlhape wa dipodi+ o o tlolatlolang o tswa mo kgaolong e e dithaba ya Gileade.+  Meno a gago a tshwana le motlhape wa dinku tse di namagadi+ tse di sa tswang go beolwa tse di tswang go tlhapisiwa, tsotlhe e le tse di tsalang mafatlha, go se na epe mo go tsone e e swetsweng ke bana ba yone.  Dipounama tsa gago di ntse fela jaaka tlhale e e bohibidu jo bo letlhololo, mme go bua ga gago go a itumedisa.+ Ditlhakore tsa tlhogo ya gago kafa morago ga lesire la gago+ di ntse jaaka kgapetla ya garanata.  Molala wa gago+ o tshwana le tora+ ya ga Dafide, e e agilweng ka maje a a tlhatlagantsweng, e go kgwageditsweng dithebe di le sekete mo go yone, dithebe tsotlhe tse di sediko+ tsa banna ba ba thata.  Mabele a gago a mabedi+ a tshwana le bana ba babedi, mafatlha a tshephe e namagadi, a a fulang fa gare ga dithunya tsa masoma.”+  “Go fitlha phešwana ya letsatsi e foka+ le meriti e tshabile, ke tla ya kwa thabeng ya mera le kwa thoteng ya lebano.”+  “O montle+ gotlhelele, wena molekane wa me wa mosetsana, e bile ga go na bogole bope mo go wena.+  A ko o tle le nna go tswa kwa Lebanona, tlhe monyadiwa+ wa me, go tswa kwa Lebanona.+ A ko o fologe mo godimo ga Dithaba Tse di Bolebana le Tsa Lebanona, mo godimo ga Senire,+ le eleng Heremone,+ mo mengobong ya ditau, mo dithabeng tsa mangau.  O dirile gore pelo ya me e iteye, wena kgaitsadiaka,+ monyadiwa wa me,+ ka lengwe la matlho a gago,+ ka selepeledi se le sengwe sa sebaga sa gago, o dirile gore pelo ya me e iteye. 10  A bo dipontsho tsa gago tsa lorato di le dintle jang ne,+ wena kgaitsadiaka, monyadiwa wa me! A bo dipontsho tsa gago tsa lorato di le botoka thata jang ne go na le beine, le lonko lo lo monate lwa maokwane a gago go na le senkgisa monate+ sa mofuta mongwe le mongwe! 11  Dipounama tsa gago di nna di rotha tswina ya dinotshe+ ya lomepe, wena monyadiwa wa me. Tswina ya dinotshe+ le mashi di kafa tlase ga loleme lwa gago, e bile lonko lo lo monate lwa diaparo tsa gago lo tshwana le lonko lo lo monate+ lwa Lebanona. 12  Kgaitsadiake+ ke tshingwana e e tswaletsweng, monyadiwa wa me, tshingwana e e tswaletsweng, motswedi o o kanetsweng. 13  Letlalo la gago ke paradaise ya digaranata, e e nang le maungo a boleng jo bo kwa godimo,+ dimela tsa hena mmogo le dimela tsa naredo;+ 14  naredo+ le saferone,+ lotlhaka+ le sinamone,+ mmogo le ditlhare tsa mefuta yotlhe tsa lebano,+ mera le mekgwapha, mmogo le dinkgisa monate tsotlhe tsa boleng jo bo kwa godimo thata;+ 15  le motswedi wa ditshingwana, sediba sa metsi a a phepa,+ le melatswana e e elelang ka bosesane go tswa Lebanona.+ 16  Tsoga, wena phefo ya bokone,+ o bo o tsene, wena phefo ya borwa. Foka mo godimo ga tshingwana ya me.+ A dinkgisa monate tsa yone di elele.” “A moratiwa wa me a tle mo tshingwaneng ya gagwe mme a je maungo a yone a boleng jo bo kwa godimo.”

Dintlha Tse di Kwa Tlase