Sefela sa Difela 2:1-17

2  “Nna ke saferone+ fela ya lebala le le fa losing,+ sethunya sa lesoma sa mabala a a kwa tlase.”+  “Jaaka sethunya sa lesoma fa gare ga mefero e e mitlwa, molekane wa me wa mosetsana o ntse jalo fa gare ga barweetsana.”+  “Jaaka setlhare sa diapole+ fa gare ga ditlhare tsa sekgwa, moratiwa wa me o ntse jalo fa gare ga bana ba basimane.+ Ke ne ka eletsa moriti wa gagwe thata, mme ka nna fa fatshe mo go one, mme leungo la gagwe le ntse le le botshe mo magalapeng a me.  O ne a ntlisa mo teng ga ntlo ya beine,+ mme lorato lwa gagwe+ mo go nna lo ne lo ntse jaaka folaga.+  A ko lo ntapoloseng ka dikuku tsa morara o o swabisitsweng,+ ntlamelang ka diapole; ka gonne ke bobodisiwa ke lorato.+  Seatla sa gagwe sa molema se ka fa tlase ga tlhogo ya me; mme seatla sa gagwe sa moja—se ntlamparetse.+  Ke lo ikanisitse,+ lona bomorwadia Jerusalema, ka ditshephe tse di namagadi+ kgotsa ka dikgama tse di tonanyana+ tsa naga, gore lo se ka lwa leka go tsosa lorato mo go nna kgotsa go lo kurusa go fitlha lone lo tsoga.+  “Modumo wa moratiwa wa me!+ Bonang! O a tla,+ a palama dithaba, a tlola mo dithoteng.  Moratiwa wa me o tshwana le tshephe+ kgotsa bana ba dikgama tse di tonanyana. Bonang! Yono o eme ka fa morago ga lobota lwa rona, o lebile ka difensetere, o okometse ka marofana.+ 10  Moratiwa wa me o arabile mme a nthaya a re, ‘Ema, wena molekane wa me wa mosetsana, montle wa me,+ mme o tle re tsamaye.+ 11  Gonne bona! paka ya pula+ ka boyone e fetile, pula e kgolo e kgaoditse, e tsamaile. 12  Go tlhogile dithunya mo lefatsheng,+ nako ya go kgaola dikala tsa mofine+ ka boyone e gorogile, go ntse go utlwiwa modumo wa leeba+ mo lefatsheng la rona. 13  Fa e le setlhare sa mofeige+ sone, se neile difeige tsa sone tsa mabutswapele+ mmala o o loileng; e bile mefine e thuntse, e ntshitse lonko lwa yone lo lo monate. Ema, tla, wena molekane wa me wa mosetsana,+ montle wa me, mme o tle re tsamaye. 14  Ao tlhe leeba+ la me mo maitshubelong a lefika le legolo, mo lefelong le le subegileng la tsela e e tlhatlogang, mpontsha popego+ ya gago, mma ke utlwe lentswe la gago, gonne lentswe la gago le monate le popego ya gago e ntle.’”+ 15  “A ko lo re tshwareleng bophokoje,+ bophokoje ba bannye ba ba senyang masimo a mofine, e re ka masimo a rona a mofine a thuntse.”+ 16  “Moratiwa wa me ke wa me mme nna ke wa gagwe.+ O disitse+ fa gare ga dithunya tsa masoma.+ 17  Go fitlha phešwana ya letsatsi e foka le meriti e tshabile, retologa, wena moratiwa wa me; tshwana le tshephe+ kgotsa le bana ba dikgama tse di tonanyana mo dithabeng tsa kgaogano.

Dintlha Tse di Kwa Tlase