Nehemia 13:1-31

13  Mo letsatsing leo go ne go balwa+ buka+ ya ga Moshe mo ditsebeng tsa batho; mme go ne ga fitlhelwa go kwadilwe mo go yone gore Moamona+ le Momoabe+ ga ba a tshwanela go tsena mo phuthegong ya Modimo wa boammaaruri ka bosakhutleng,+  gonne ba ne ba sa kgatlhantsha bomorwa Iseraele ka senkgwe+ le metsi,+ mme ba ba thapela Balaame+ gore a ba hutse.+ Le fa go ntse jalo, Modimo wa rona o ne a fetola phutso a e dira tshegofatso.+  Ka jalo ga diragala gore, fela fa ba sena go utlwa molao,+ ba simolola go lomolola+ batho botlhe ba ba kopakopaneng mo Iseraele.  Jaanong pele ga seno, Eliashibe+ moperesiti yo o tlhokometseng holo ya bojelo+ ya ntlo ya Modimo wa rona e ne e le wa losika lwa ga Tobia;+  mme a mo direla holo e kgolo ya bojelo,+ kwa pele ba neng ba baya tshupelo ya dijo tsa ditlhaka+ teng, lebano le dilwana le sa bosome sa dijo tsa ditlhaka, beine e ntšha+ le leokwane,+ le Balefi+ le baopedi le balebedi ba kgoro ba ba nang le tshwanelo ya go le newa, le moneelo wa baperesiti.  Mme mo nakong eno yotlhe ke ne ke se mo Jerusalema, gonne mo ngwageng wa bomasome a mararo le bobedi+ wa ga Aretaserese+ kgosi ya Babelona ke ne ka tla kwa kgosing, mme nako nngwe moragonyana ka kopa malatsinyana mo kgosing.+  Go tswa foo ka tla mo Jerusalema mme ka bona bosula jo Eliashibe+ a neng a bo diretse Tobia+ ka go mo direla holo mo lolwapeng lwa ntlo+ ya Modimo wa boammaaruri.  Mme go ne go lebega go le bosula thata mo go nna.+ Ka jalo ka latlhela+ dithoto tsotlhe tsa ntlo ya ga Tobia kwa ntle ga holo ya bojelo.  Morago ga moo ka ntsha taelo mme ba phepafatsa+ diholo tsa bojelo;+ mme ka busetsa dilwana+ tsa ntlo ya Modimo wa boammaaruri, le tshupelo ya dijo tsa ditlhaka le lebano+ mo go tsone. 10  Mme ka lemoga gore Balefi ba ne ba sa newa dikabelo+ tsa bone, mo e leng gore Balefi le baopedi ba ba dirang tiro ba ne ba tshaba, mongwe le mongwe a tshabela kwa tshimong ya gagwe.+ 11  Mme ka simolola go bona bathusa mmusi+ molato+ ka re: “Ke ka ntlha yang fa ntlo ya Modimo wa boammaaruri e tlhokomologilwe?”+ Ka gone ke ne ka ba phutha mmogo ka ba emisa kwa lefelong la bone la go ema. 12  Mme fa e le Juda yotlhe yone, e ne ya tlisa sa bosome+ sa dijo tsa ditlhaka+ le sa beine e ntšha+ le sa leokwane+ kwa mabolokelong.+ 13  Go tswa foo ka baya moperesiti Shelemia le Sadoke mokwalolodi le Pedaia wa Balefi gore ba tlhokomele mabolokelo; mme ba ne ba laola Hanane morwa Sakure morwa Matania,+ gonne ba ne ba tsewa ba ikanyega;+ mme e ne e le boikarabelo jwa bone go abela+ bomorwarraabone. 14  Tsweetswee nkgakologelwa,+ wena Modimo wa me, mabapi le seno, mme o se ka wa phimola+ ditiro tsa me tsa bopelonomi jwa lorato tse ke di dirileng mabapi le ntlo+ ya Modimo wa me le go tlhokomelwa ga yone. 15  Mo metlheng eo ke ne ka bona mo Juda batho ba gata digatisetso tsa beine ka sabata+ gape ba tlisa mekoa ya dijo tsa ditlhaka ba di pega+ mo dieseleng,+ le beine, morara le difeige+ le mokgweleo wa mofuta mongwe le mongwe, ba di tlisa mo Jerusalema ka letsatsi la sabata;+ mme ke ne ka naya bosupi kgatlhanong le bone mo letsatsing le ba neng ba rekisa mefago ka lone. 16  Mme Bature+ ba ne ba nna mo motseng, ba tlisa ditlhapi le dithoto tse di rekisiwang+ tsa mofuta mongwe le mongwe le go rekisa ka sabata ba rekisetsa bomorwa Juda le mo Jerusalema. 17  Ka jalo ka simolola go bona batlotlegi+ ba Juda molato ka ba raya ka re: “Ke eng selo seno se se bosula se lo se dirang, le e leng go itshepolola letsatsi la sabata? 18  A borraalonamogologolwane ga ba a dira jaana,+ mo Modimo wa rona a neng a re tlisetsa masetlapelo+ ano otlhe, le mo motseng ono? Mme lona lo oketsa bogale jo bo tukang kgatlhanong le Iseraele ka go itshepolola sabata.”+ 19  Mme ga diragala gore, fela fa dikgoro tsa Jerusalema di sena go fifalelwa pele ga sabata, ka yone nako eo ka ntsha lefoko mme dikgoro tsa tswalwa.+ Ka tswelela ka re ba se ka ba di bula go fitlha morago ga sabata; mme ka tlhoma bangwe ba batlhokomedi ba me kwa dikgorong gore go se ka ga tsena morwalo ope ka letsatsi la sabata.+ 20  Ka gone bagwebi le barekisi ba dithoto tsa mofuta mongwe le mongwe tse di rekisiwang ba lala kwa ntle ga Jerusalema gangwe le lekgetlo la bobedi. 21  Go tswa foo ka naya bosupi+ kgatlhanong le bone ka ba raya ka re: “Ke ka ntlha yang fa lo lala fa pele ga lobota? Fa lo ka go dira gape, ke tla lo baya seatla.”+ Go simolola ka nako eo go ya pele ga ba a ka ba tla ka sabata. 22  Mme ka raya Balefi+ ka re ba iitshekise+ ka metlha ba bo ba tsene, ba nne ba lebeletse dikgoro+ gore ba itshepise+ letsatsi la sabata. Seno le sone, se gakologelwe+ ka ntlha ya me, tlhe Modimo wa me, mme o nkutlwele botlhoko go ya ka letlotlo la bopelonomi jwa gago jwa lorato.+ 23  Gape, mo metlheng eo ka bona Bajuda ba ba neng ba neile basadi ba Baashedoda,+ ba Baamona le ba Bamoabe+ bonno.+ 24  Mme fa e le bomorwaabone, sephatlo sa bone se ne se bua Seashedoda, mme go ne go se na bape ba bone ba ba itseng go bua Sejuda,+ fa e se diteme tsa ditšhaba tse di farologaneng. 25  Mme ka simolola go ba bona molato le go ba hutsa+ le go itaya banna bangwe ba bone+ le go kumola moriri wa bone le go dira gore ba ikane ka Modimo+ ke re: “Lo se ka lwa naya bomorwaabone bomorwadialona, gape lo se ka lwa amogela bomorwadiabone bape go nna ba bomorwaalona kgotsa ba lona.+ 26  A Solomone kgosi ya Iseraele ga a leofa+ ka ntlha ya bano? Mme mo gare ga ditšhaba tse dintsi go ne go se na kgosi e e tshwanang le ene;+ mme o ne a ratiwa ke Modimo wa gagwe,+ mo Modimo a neng a mo dira kgosi ya Iseraele yotlhe. Le ene basadi ba sele ba ne ba mo dira gore a leofe.+ 27  Mme a ga se sengwe se se iseng se ko se utlwiwe gore lo dire bosula jo bogolo jono jotlhe ka go dira ka go tlhoka boikanyegi mo Modimong wa rona ka go naya basadi ba sele bonno?”+ 28  Mme mongwe wa bomorwa Joiada+ morwa Eliashibe+ moperesiti yo mogolo e ne e le mogwe wa ga Sanabalate+ wa Mohorona.+ Ka jalo ke ne ka mo leleka fa go nna.+ 29  Ba gakologelwe, tlhe Modimo wa me, ka ntlha ya go leswafala+ ga boperesiti le kgolagano+ ya boperesiti le ya Balefi.+ 30  Mme ka ba itshekisa+ mo go sengwe le sengwe se sele mme ka abela baperesiti le Balefi ditiro, mongwe le mongwe tiro ya gagwe,+ 31  le eleng go tlisiwa ga dikgong+ ka dinako tse di tlhomilweng le maungo a mabutswapele. A ko o nkgakologelwe,+ tlhe Modimo wa me, ka tsela e e molemo.+

Dintlha Tse di Kwa Tlase