Moreri 5:1-20

5  Disa dinao+ tsa gago le fa e le leng fela fa o ya kwa ntlong ya Modimo wa boammaaruri; mme a go atamelwe gore go utlwiwe,+ go na le gore go ntshiwe setlhabelo jaaka dimatla di dira,+ gonne ga di lemoge gore di dira se se bosula.+  O se ka wa itlhaganela ka ga molomo wa gago; mme fa e le pelo+ ya gago yone, a e se ka ya potlakela go tlisa lefoko fa pele ga Modimo+ wa boammaaruri. Gonne Modimo wa boammaaruri o kwa magodimong+ mme wena o mo lefatsheng. Ke gone ka moo mafoko a gago a tshwanetseng go nna mannye.+  Gonne toro e tla ka ntlha ya bontsi jwa tiro,+ le lentswe la sematla ka ntlha ya bontsi jwa mafoko.+  Le fa e le leng fela fa o direla Modimo maikano, o se ka wa okaoka go a diragatsa,+ gonne dimatla+ ga di kgatlhe. Se o se ikanelang, se diragatse.+  Go botoka gore o se ka wa ikana+ go na le gore o ikane o bo o sa diragatse.+  O se ka wa letlelela molomo wa gago go leofisa+ nama ya gago, le gone o se ka wa bua fa pele ga moengele+ wa re e ne e le phoso.+ Ke ka ntlha yang fa Modimo wa boammaaruri a tshwanetse go galefa ka ntlha ya lentswe la gago a bo a tshwanelwa ke go senya tiro ya diatla tsa gago?+  Gonne go na le ditoro+ ka ntlha ya bontsi jwa tiro, e bile go na le dilo tsa lefela le mafoko a mantsi. Mme boifa Modimo wa boammaaruri ka boene.+  Fa o bona go gatelelwa gope fela ga mohumanegi le go tlosiwa ga katlholo+ le tshiamo ka tsela e e sa siamang mo kgaolong e e laolang, o se ka wa gakgamadiwa ke tiragalo eo,+ gonne ene yo o kwa godimo go feta yo o kwa godimo+ o lebeletse,+ mme go na le ba ba kwa godimo ga bone.  Gape, poelo ya lefatshe e mo gare ga bone botlhe;+ kgosi e diretswe+ malebana le tshimo. 10  Morati wa selefera ga a kitla a kgotsofadiwa ke selefera, le fa e le morati ope wa khumo ga a kitla a kgotsofadiwa ke madi+ a lotseno. Seno le sone ke lefela.+ 11  Fa dilo tse di molemo di nna dintsi, ba ba di jang ruri ba nna bantsi.+ Mme mong wa tsone yo mogolo o solegelwa molemo ka tsela efe, fa e se go di leba fela ka matlho?+ 12  Boroko+ jwa yo o direlang bo monate, go sa kgathalesege gore a o ja mo gonnye kgotsa mo gontsi; mme letlotlo la yo o humileng ga le mo letle go robala. 13  Go na le masetlapelo a a masisi a ke a boneng kafa tlase ga letsatsi: dikhumo tse di beelwang mong wa tsone yo mogolo di felela ka masetlapelo+ mo go ene. 14  Mme dikhumo tseo di nyeletse+ ka ntlha ya tiro ya masetlapelo, e bile o fetogile rraagwe ngwana go se na sepe gotlhelele mo seatleng+ sa gagwe. 15  Fela jaaka motho a dule mo sebopelong sa ga mmaagwe, o tla tsamaya gape a sa ikatega,+ fela jaaka a tlile; e bile motho ga a ka ke a tsamaya a tshotse+ sepe gotlhelele ka ntlha ya tiro ya gagwe ya bonatla, se a ka tsamayang a se tshotse ka seatla. 16  Seno le sone ke masetlapelo a a masisi: fela jaaka motho a tlile, o tla tsamaya fela jalo; mme go na le poelo efe mo go yo o nnang a dira ka natla a direla phefo?+ 17  E bile o jela mo lefifing malatsi otlhe a gagwe, ka matshwenyego+ a magolo fela thata, ka go bobola le ka se se bakang tšhakgalo. 18  Bona! Selo se se di gaisang tsotlhe se ke se boneng, se sentle, ke gore motho a je a nwe a bo a bone molemo wa tiro yotlhe ya gagwe ya bonatla+ e a e dirang ka natla kafa tlase ga letsatsi ka palo ya malatsi a botshelo jwa gagwe a Modimo wa boammaaruri o a mo neileng, gonne seo ke kabelo ya gagwe. 19  Gape mongwe le mongwe yo Modimo wa boammaaruri a mo neileng dikhumo le dithoto,+ o bile gape o mo nonotshitse gore a di je+ a bo a tsamaye a tshotse kabelo ya gagwe a bo a ipele mo tirong ya gagwe ya bonatla.+ Seno ke mpho ya Modimo.+ 20  Gonne ga a kitla a gakologelwa malatsi a botshelo jwa gagwe gantsi, ka gonne Modimo wa boammaaruri o dira gore a tshwarege ka go ipela ga pelo+ ya gagwe.

Dintlha Tse di Kwa Tlase