Moreri 4:1-16

4  Ke ne ka boa gore ke tle ke bone ditiro tsotlhe tsa kgatelelo+ tse di dirwang kafa tlase ga letsatsi, mme bona! dikeledi tsa ba ba gatelelwang,+ mme ba ne ba se na mogomotsi;+ mme mo letlhakoreng la bagateledi ba bone go ne go na le maatla, mo ba neng ba se na mogomotsi.  Mme ke ne ka akgola baswi ba ba neng ba setse ba sule go na le batshedi ba ba neng ba sa ntse ba tshela.+  Ka jalo yo a iseng a nne gone,+ yo a iseng a bone tiro ya masetlapelo e e dirwang kafa tlase ga letsatsi+ o botoka mo go bone ba le babedi.  Mme ke bone tiro yotlhe ya bonatla le bothakga jotlhe jwa tiro,+ gore bo raya go gaisana ga mongwe le yo mongwe;+ seno le sone ke lefela le go kgaratlhela phefo.  Sematla se phutha diatla+ tsa sone mme se ja nama+ ya sone.  Boikhutso jo bo tletseng seatla bo botoka go na le tiro ya bonatla e e tletseng seatla gabedi le go kgaratlhela phefo.+  Nna ka bonna ke ne ka retologa gore ke tle ke bone lefela kafa tlase ga letsatsi:  Go na le a le mongwe fela, mme e seng wa bobedi;+ e bile ga a na morwa kgotsa morwarraagwe,+ mme tiro ya gagwe yotlhe ya bonatla ga e na bokhutlo. Gape, matlho a gagwe ga a kgotsofadiwe ke dikhumo:+ “Mme ke mang yo ke mo direlang ka natla e bile ke dira gore moya wa me o tlhaelwe ke dilo tse di molemo?”+ Seno le sone ke lefela, e bile ke tiro ya masetlapelo.+  Ba babedi ba botoka go na le a le mongwe,+ ka gonne ba na le maduo a a molemo a tiro ya bone ya bonatla.+ 10  Gonne fa a le mongwe wa bone a ka wa, yo mongwe o ka kgona go tsosa molekane wa gagwe.+ Mme go tla nna jang fa yo o esi fela a wa mme go se na yo mongwe go mo emisa?+ 11  Mo godimo ga moo, fa ba babedi ba robala mmogo, ruri ba tla thuthafala; mme a le mongwe fela a ka thuthafala+ jang? 12  Mme fa mongwe a ka fekeetsa yo mongwe a le nosi, ba le babedi ba ka kgona go emelana le ene.+ E bile mogala o o menaganeng seraro ga o ka ke wa kgaoganngwa sebedi ka bonako. 13  Ngwana yo o tlhokang mme a le botlhale+ o botoka go na le kgosi e e tsofetseng mme e le sematla,+ e e iseng e itse mo go lekaneng gore e ka tlhola e tlhagisiwa.+ 14  Gonne o dule mo ntlong ya kgolegelo gore a nne kgosi,+ le mororo mo bogosing jwa yono a ne a tsetswe e le mohumanegi.+ 15  Ke bone botlhe ba ba tshelang ba ba tsamayatsamayang kafa tlase ga letsatsi, gore go tsamaya jang ka ngwana, yo e leng wa bobedi, yo o emang mo boemong jwa yo mongwe.+ 16  Batho botlhe ga ba na bokhutlo, botlhe ba a neng a nna gone pele ga bone;+ e bile batho ga ba kitla ba mo ipelela+ morago ga moo, gonne seno le sone ke lefela le go kgaratlhela phefo.+

Dintlha Tse di Kwa Tlase