Mika 6:1-16

6  Tsweetswee utlwang se Jehofa a se buang,+ lona batho. Nanoga, sekaseka kgetsi ya molao fa pele ga dithaba, mme a dithota di utlwe lentswe la gago.+  Utlwang, lona dithaba, kgetsi ya ga Jehofa ya molao, le lona dilo tse di nnelang ruri, lona metheo ya lefatshe;+ gonne Jehofa o na le kgang ya molao le batho ba gagwe, mme o tla nganga le Iseraele:+  “Ao batho ba me,+ ke lo dirileng? Mme ke lo lapisitse ka tsela efe?+ Supang molato wa me.+  Gonne ke ne ka lo ntsha mo lefatsheng la Egepeto,+ gape ke ne ka lo golola+ mo ntlong ya batlhanka; mme ka romela fa pele ga lona Moshe, Arone le Miriame.+  Gakologelwang+ tsweetswee, tlheng batho ba me, se Balake kgosi ya Moabe a neng a se ikaeletse,+ le kafa Balaame morwa Beore a neng a mo araba ka teng.+ E ne e le go tswa kwa Shitime,+ go ya fela kwa Gilegala,+ ka boikaelelo jwa gore ditiro tse di siameng tsa ga Jehofa di itsiwe.”+  Ke tla lebana+ le Jehofa ka eng? Ke tla ikobela Modimo o o kwa godimo+ ka eng? A ke tla lebana le ene ka ditshupelo tse di fisiwang+ di feletse, ka dinamane tse di nang le ngwaga o le mongwe?  A Jehofa o tla itumelela diphelefu di le dikete, dikete di le masomesome tsa melatswana e e phothoselang ya leokwane?+ A ke tla ntsha leitibolo la me ka ntlha ya go tlhanoga ga me, maungo a sebopelo sa me ka ntlha ya boleo jwa moya wa me?+  O go boleletse se se molemo,+ wena motho wa mo lefatsheng. Mme Jehofa o kopa eng mo go wena fa e se gore o dire tshiamiso+ le go rata bopelonomi+ le go nna boingotlo+ fa o tsamaya le Modimo wa gago?+  Lentswe la ga Jehofa ka bolone le tlhaeletsa kwa motseng,+ mme motho yo o nang le botlhale jo bo mosola o tla boifa leina la gago.+ Utlwang thobane le yo o e laoletseng,+ lona batho. 10  A mo ntlong ya yo o boikepo go sa ntse go na le matlotlo a boikepo,+ le selekanyo se se tlhaelang sa ifa se se atlhotsweng? 11  A ke ka nna phepa mo boitsholong ke na le dikale tsa boikepo le kgetsi ya dilekanyabokete tsa leje tsa tsietso?+ 12  Gonne banna ba gagwe ba ba humileng ba tletse tshiamololo, le banni ba gagwe ba buile maaka,+ mme loleme lwa bone lo a tsietsa mo molomong wa bone.+ 13  “Mme le nna, ruri ke tla dira gore o bobole ka go go itaya; + o tla kgakgabadiwa ka ntlha ya maleo a gago.+ 14  Fa e le wena, o tla ja mme ga o na go kgotsofala, mme o tla nna lolea mo teng ga gago.+ O tla tlosa dilo, mme ga o na go di thotha ka pabalesego; mme le fa e le eng se o tla se thothang ka pabalesego, ke tla se naya tšhaka.+ 15  Fa e le wena, o tla jala peo, mme ga o na go roba. O tla gata maungo a motlhware, mme ga o na go itlotsa ka leokwane; le beine e e monate, mme ga o na go nwa beine.+ 16  Melao ya ga Omeri+ le tiro yotlhe ya ntlo ya ga Ahabe di a bolokwa,+ mme lona lo tsamaya mo dikgakololong tsa bone;+ gore ke bo ke lo dire selo sa go akabalelwa mme banni ba gagwe ke ba dire sengwe sa go lelediwa molodi;+ mme lona lo tla sikara kgobo ya ditšhaba.”+

Dintlha Tse di Kwa Tlase