Mika 4:1-13

4  Mme go tla diragala go ela kwa bokhutlong jwa metlha+ gore thaba+ ya ntlo+ ya ga Jehofa e tla tlhomamisiwa thata kwa godimo ga ditlhoa tsa dithaba, mme eleruri e tla tsholelediwa kwa godimo ga dithota;+ mme ditšhaba di tla ologela+ kwa go yone.  Mme ditšhaba di le dintsi di tla ya mme di re: “Tlang,+ a re tlhatlogeleng kwa thabeng ya ga Jehofa le kwa ntlong ya Modimo wa ga Jakobe;+ mme o tla re ruta ditsela tsa gagwe,+ mme re tla tsamaya mo ditselaneng tsa gagwe.”+ Gonne molao o tla tswa mo Siona, le lefoko la ga Jehofa kwa Jerusalema.+  Mme ruri o tla atlhola mo gare ga ditšhaba di le dintsi,+ a ba a tlhamalatsa+ dilo malebana le ditšhaba tse di thata tse di kwa kgakala.+ Mme ba tla thula ditšhaka tsa bone ba di dira magale a megoma le marumo a bone ba a dira dikere tse di pomang.+ Setšhaba ga se kitla se tsholeletsa setšhaba se sengwe tšhaka, le gone ga ba kitla ba tlhola ba ithuta ntwa gape.+  Mme ruri ba tla nna, mongwe le mongwe kafa tlase ga mofine wa gagwe le kafa tlase ga setlhare sa gagwe sa mofeige,+ mme go tla bo go se na ope yo o ba boifisang;+ gonne molomo wa ga Jehofa wa masomosomo o go buile.+  Gonne ditšhaba tsotlhe, di tla tsamaya sengwe le sengwe mo leineng la modimo wa sone;+ mme fa e le rona, re tla tsamaya mo leineng la ga Jehofa Modimo+ wa rona ka bosakhutleng, le ka bosaengkae.+  “Mo letsatsing leo,” go bua Jehofa, “ke tla phutha yo o neng a kwetsepela;+ le yo o neng a phatlaladitswe ke tla mo phutha mmogo,+ le ene yo ke neng ke mo tshwere ka tsela e e bosula.  Mme ruri yo o neng a kwetsepela ke tla mo dira lesalela,+ le yo o neng a tloseditswe kgakala ke tla mo dira setšhaba se se thata;+ mme Jehofa eleruri o tla busa jaaka kgosi mo go bone mo Thabeng ya Siona, go tloga jaanong go ya pele le ka bosakhutleng.+  “Mme fa e le wena, wena tora ya motlhape, thotana ya ga morwadia Siona,+ puso ya ntlha e tla fitlha kwa go wena, ee, ruri e tla tla,+ e leng bogosi jwa ga morwadia Jerusalema.+  “Jaanong ke ka ntlha yang fa o ntse o goela kwa godimo?+ A ga go na kgosi epe mo go wena, kgotsa a mogakolodi wa gago o nyeletse, mo e leng gore ditlhabi tse di tshwanang le tsa mosadi yo o belegang di go tshwere?+ 10  Nna mo ditlhabing tse di botlhoko thata mme o iteke, wena morwadia Siona, jaaka mosadi yo o belegang,+ gonne jaanong o tla tswa mo motseng, mme o tla tshwanelwa ke go aga mo nageng.+ Mme o tla tshwanelwa ke go tla go fitlha mo Babelona.+ O tla gololwa teng.+ Jehofa o tla go rekolola mo seatleng sa baba+ ba gago teng. 11  “Mme jaanong ditšhaba di le dintsi di tla phuthiwa kgatlhanong le wena, tse di reng, ‘A a kgotlelwe, mme e kete matlho a rona a ka leba Siona+ jaaka yo o kwa tlase.’ 12  Mme fa e le bone, ga ba ise ba itse dikakanyo tsa ga Jehofa, mme ga ba ise ba tlhaloganye boikaelelo jwa gagwe;+ ka gonne ruri o tla ba phutha mmogo jaaka dijo tsa ditlhaka tse di sa tswang go rojwa mo moleng wa thobo a di isa kwa seboaneng.+ 13  “Nanoga o phothe, wena morwadia Siona;+ gonne ke tla fetola lonaka lwa gago go nna tshipi, mme ditlhakwana tsa gago ke tla di fetola go nna kgotlho, mme ruri o tla sila ditšhaba+ di le dintsi; o tla naya Jehofa poelo ya bone e e sa siamang+ ka go e tlhaolela kwa thoko, le dikhumo tsa bone o tla di naya Morena wa boammaaruri wa lefatshe lotlhe.”+

Dintlha Tse di Kwa Tlase