Fetela kwa tshedimosetsong

Fetela go diteng

Basupi ba ga Jehofa

Tlhopha puo Setswana

Mika 2:1-13

2  “A bo go latlhega ba ba logang leano la se se utlwisang botlhoko, le ba ba dirang se se bosula, mo malaong+ a bone! Ba bo dira go le lesedi la moso,+ ka gonne go le mo maatleng a seatla sa bone.+  Ba eleditse masimo mme ba a gapile;+ le matlo, mme ba a tsere; gape ba tsieditse monna yo o nonofileng le ba ntlo ya gagwe,+ motho le sa gagwe se a se ruileng boswa.+  “Ka jalo Jehofa o buile jaana, ‘Bona, ke akanya go direla lelapa+ leno masetlapelo+ a lo se kitlang lo ntsha melala ya lona mo go one,+ gore lo se ka lwa tsamaya ka mabela;+ ka gonne e le nako ya masetlapelo.+  Mo letsatsing leo mongwe o tla bua polelo ya seane+ ka ga lona mme ruri o tla lela selelo sa khutsafalo, ee, selelo sa khutsafalo.+ Mongwe o tla re: “Ruri re thopilwe!+ O fetola karolo ya batho ba me.+ A bo a e tlosa mo go nna jang ne! O kgaoganyetsa yo o seng boikanngo masimo a rona.”  Ka jalo ga o na go nna le ope yo o latlhelang mogala, ka bola,+ mo phuthegong ya ga Jehofa.  Lo se ka lwa letla mafoko a tswa.+ Ba ne ba letla mafoko a tswa. Ga ba na go letla mafoko a tswa ka ga dilo tseno. Go tlhabisi-wa ditlhong ga go kitla go tloga.+  “‘Wena ntlo ya ga Jakobe,+ a go buiwa go twe: “A moya wa ga Jehofa ga o a kgotsofala, kgotsa a tseno ke ditiro tsa gagwe?”+ A mafoko a me ga a dire molemo+ mo go yo o tsamayang ka thokgamo?+  “‘Mme maabane batho ba me ba ne ba ema jaaka mmaba tota.+ Lo ntsha mokgabisa o o tlotlometseng mo seaparong fa pele, mo go ba ba fetang ka tshepo, jaaka ba ba boang kwa ntweng.  Lo leleka basadi ba batho ba me mo ntlong e mosadi a nang le boitumelo jo bogolo mo go yone. Lo tsaya bontlentle+ jwa me mo baneng ba gagwe, ka bosakhutleng.+ 10  Nanoga o tsamaye, ka gonne seno ga se lefelo la boikhutso.+ Ka gonne o itshekologile,+ go na le tshenyo; mme tiro ya go senya e botlhoko.+ 11  Fa monna yo o tsamayang fa morago ga phefo le ka maaka a akile:+ “Ke tla lesa mafoko a go wele malebana le beine le malebana le bojalwa jo bo tagang,” le ene ruri o tla nna yo o lesang mafoko go tswa ka ntlha ya batho bano.+ 12  “‘Ruri ke tla phutha Jakobe, lotlhe fela;+ ruri ke tla phutha mmogo ba ba setseng ba Iseraele.+ Ke tla ba baya mo kutlwanong, jaaka letsomane mo lesakeng, jaaka motlhape mo gare ga mafulo a one;+ a tla tlala modumo wa batho.’+ 13  “Yo o phunyeletsang ruri o tla tla fa pele ga bone:+ ruri ba tla phunyeletsa. Mme ba tla ralala mo kgorong, mme ba tla tswa ka yone.+ Mme kgosi ya bone e tla feta fa pele ga bone, Jehofa a le kwa tlhogong ya bone.”+

Dintlha Tse di Kwa Tlase