Lefitiko 3:1-17

3  “‘Mme fa tshupelo ya gagwe e le setlhabelo sa kabalano,+ fa a e isa e tswa mo motlhapeng, e ka ne e le e tonanyana kgotsa e namagadi, a a ise e e itekanetseng sentle+ fa pele ga ga Jehofa.  Mme a beye seatla sa gagwe mo tlhogong+ ya tshupelo ya gagwe, mme e tlhabelwe kwa kgorong ya mogope wa bokopanelo; mme bomorwa Arone, baperesiti, ba kgatšhe madi go dikologa mo sebesong.  Mme a ise sengwe sa setlhabelo sa kabalano e le tshupelo e e dirwang ka molelo e e yang kwa go Jehofa, e leng, mafura+ a a bipileng mala, le mafura otlhe a a mo godimo ga mala,+  le diphilo+ tse pedi le mafura a a mo go tsone, a a tshwanang le a a mo lothekeng. Mme mafura a a mo godimo ga sebete one, o tla a ntsha mmogo le diphilo.  Mme bomorwa Arone+ ba a kuise mosi+ mo sebesong, mo tshupelong e e fisiwang e e mo godimo ga dikgong+ tse di mo molelong, jaaka tshupelo e e dirwang ka molelo ya lonko lo lo ritibatsang+ lo lo yang kwa go Jehofa.  “‘Mme fa tshupelo ya gagwe e le e e tswang mo letsomaneng ya setlhabelo se se yang kwa go Jehofa sa kabalano, e le e tonanyana kgotsa e namagadi, a a ise e e itekanetseng sentle.+  Fa a isa phelefu e potlana jaaka tshupelo ya gagwe, foo a a e ise fa pele ga ga Jehofa.+  Mme a beye seatla sa gagwe mo tlhogong+ ya tshupelo ya gagwe, mme e tlhabelwe+ fa pele ga mogope wa bokopanelo; mme bomorwa Arone ba kgatšhe madi a yone go dikologa mo sebesong.  Mme a ise mafura a yone a a tswang mo setlhabelong sa kabalano jaaka tshupelo e e dirwang ka molelo e e yang kwa go Jehofa.+ O tla ntsha mogatla otlhe o o mafura+ gaufi le lerapo la mokwatla, le mafura a a bipileng mala, le mafura otlhe a a mo godimo ga mala,+ 10  le diphilo tse pedi le mafura a a mo go tsone, a a tshwanang le a a mo lothekeng. Mme mafura+ a a mo godimo ga sebete one, o tla a ntsha mmogo le diphilo. 11  Mme moperesiti a kuise mosi+ mo sebesong jaaka dijo,+ e le tshupelo e e dirwang ka molelo e e yang kwa go Jehofa. 12  “‘Mme fa tshupelo ya gagwe e le podi,+ foo a a e ise fa pele ga ga Jehofa. 13  Mme a beye seatla sa gagwe mo tlhogong+ ya yone, mme e tlhabelwe+ fa pele ga mogope wa bokopanelo; mme bomorwa Arone ba kgatšhe madi a yone go dikologa mo sebesong. 14  Mme go tswa mo go yone a ise jaaka tshupelo ya gagwe, jaaka tshupelo e e dirwang ka molelo e e yang kwa go Jehofa, mafura a a bipileng mala, le mafura otlhe a a mo godimo ga mala,+ 15  le diphilo tse pedi le mafura a a mo go tsone, a a tshwanang le a a mo lothekeng. Mme mafura a a mo sebeteng, o tla a ntsha mmogo le diphilo. 16  Mme moperesiti a a kuise mosi mo sebesong jaaka dijo, tshupelo e e dirwang ka molelo ya lonko lo lo ritibatsang. Mafura otlhe ke a ga Jehofa.+ 17  “‘Ke molao mo dikokomaneng tsa lona ka bosakhutleng, mo mafelong otlhe a lona a bonno: Lo se ka lwa ja mafura ape kgotsa madi+ ape gotlhelele.’”

Dintlha Tse di Kwa Tlase