Lefitiko 23:1-44

23  Mme Jehofa a tswelela go bua le Moshe, a re:  “Bua le bomorwa Iseraele, o ba reye o re, ‘Meletlo ya dipaka+ ya ga Jehofa e lo tshwanetseng go e bolela+ ke dikopano tse di boitshepo. Eno ke meletlo ya me ya dipaka:  “‘Tiro e ka nna ya dirwa malatsi a le marataro, mme letsatsi la bosupa ke sabata wa boikhutso jo bo feletseng,+ kopano e e boitshepo. Lo se ka lwa dira tiro ya mofuta ope. Ke sabata wa ga Jehofa mo mafelong otlhe a lo nnang mo go one.+  “‘Eno ke meletlo ya dipaka+ ya ga Jehofa, dikopano tse di boitshepo,+ e lo tshwanetseng go e bolela ka dinako tsa yone tse di tlhomilweng:+  Mo kgweding ya ntlha, mo letsatsing la bolesome le bonè la kgwedi,+ fa gare ga maitseboa a mabedi ke tlolaganyo+ ya ga Jehofa.  “‘Mme letsatsi la bolesome le botlhano la kgwedi eno ke moletlo wa dikuku tse di sa bedisiwang wa ga Jehofa.+ Lo je dikuku tse di sa bedisiwang+ malatsi a le supa.  Mo letsatsing la ntlha lo tla tshwara kopano e e boitshepo.+ Lo se ka lwa dira tiro ya mofuta ope ya bonatla.  Mme malatsi a le supa lo isetse Jehofa tshupelo e e dirwang ka molelo. Mo letsatsing la bosupa go tla nna le kopano e e boitshepo. Lo se ka lwa dira tiro ya mofuta ope ya bonatla.’”  Mme Jehofa a tswelela go bua le Moshe, a re: 10  “Bua le bomorwa Iseraele, mme o ba reye o re, ‘Fa kgabagare lo tsena mo lefatsheng le ke le lo nayang, mme lo robile thobo ya lone, lo tlise ngata ya mabutswapele+ a thobo ya lona kwa moperesiting. 11  Mme a fokisetse ngata kwa le kwa+ fa pele ga ga Jehofa gore a lo bonele kamogelo. Moperesiti a e fokisetse kwa le kwa letsatsi fela morago ga sabata. 12  Mme mo letsatsing la fa lo fokisediwa ngata kwa le kwa lo ise phelefu e potlana e e itekanetseng sentle tshupelo, e e mo ngwageng wa yone wa ntlha, e le tshupelo e e fisiwang e e yang kwa go Jehofa; 13  mme jaaka tshupelo ya yone ya dijo tsa ditlhaka, nngwesomeng tse pedi tsa ifa ya bupi jo bo boleta jo bo kolobeditsweng ka leokwane, e le tshupelo e e dirwang ka molelo e e yang kwa go Jehofa, lonko lo lo ritibatsang; le nngwennèng ya hine ya beine e le tshupelo ya yone ya senō. 14  Mme lo se ka lwa ja senkgwe sepe le fa e le dijo tsa ditlhaka tse di besitsweng le fa e le dijo tsa ditlhaka tse disha go fitlha mo go lone letsatsi leno,+ go fitlha lo tlisa tshupelo ya Modimo wa lona. Ke molao ka bosakhutleng mo dikokomaneng tsa lona mo mafelong otlhe a lo nnang mo go one. 15  “‘Mme lo ipalele bosabata ba le supa+ go simolola ka letsatsi morago ga sabata, go simolola ka letsatsi la go tlisa ga lona ngata ya tshupelo e e fokwang. Ba itshupe ba feletse. 16  Go ya letsatsing la morago ga sabata wa bosupa, lo bale malatsi a le masome a matlhano,+ mme lo isetse Jehofa tshupelo e ntšha ya dijo tsa ditlhaka.+ 17  Lo tlise dinkgwe di le pedi+ go tswa kwa mafelong a lona a bonno e le tshupelo e e fokwang. E nne tsa nngwesomeng tse pedi tsa ifa ya bupi jo bo boleta. Di besiwe di bedisitswe,+ jaaka maungo a mabutswapele a a yang kwa go Jehofa.+ 18  Mme mmogo le dilofo tseno tsa senkgwe, lo ise dikwanyana di le supa tse ditonanyana tse di itekanetseng sentle,+ nngwe le nngwe e le mo ngwageng wa yone wa ntlha, le powana e le nngwe le diphelefu di le pedi. Di nne tshupelo e e fisiwang e e yang kwa go Jehofa mmogo le tshupelo ya tsone ya dijo tsa ditlhaka le ditshupelo tsa tsone tsa senō jaaka tshupelo e e dirwang ka molelo, ya lonko lo lo ritibatsang lo lo yang kwa go Jehofa. 19  Mme lo ise potsane+ e le nngwe e le tshupelo ya boleo le dikwanyana di le pedi tse ditonanyana, nngwe le nngwe e na le ngwaga o le mongwe, e le setlhabelo sa kabalano.+ 20  Mme moperesiti a di fokisetse kwa le kwa+ mmogo le dinkgwe tsa maungo a mabutswapele, jaaka tshupelo e e fokwang fa pele ga ga Jehofa, mmogo le dikwanyana tse pedi tse ditonanyana. Di tshwanetse gore e nne dilo tse di boitshepo mo go Jehofa tsa moperesiti.+ 21  Mme lo bolele phatlalatsa+ mo go lone letsatsi leno; go tla nna le kopano ya lona e e boitshepo. Lo se ka lwa dira tiro ya mofuta ope ya bonatla. Ke molao ka bosakhutleng mo dikokomaneng tsa lona mo mafelong otlhe a lona a bonno. 22  “‘Mme fa lo roba thobo ya lefatshe la lona, lo se ka lwa roba dintlha tsa tshimo ya lona gotlhelele fa lo roba, gape lo se ka lwa sela mo go ronopiwang ga thobo ya lona.+ Lo go tlogelele yo o bogisiwang+ le moagi wa moeng.+ Ke nna Jehofa Modimo wa lona.’” 23  Mme Jehofa a tswelela go bua le Moshe, a re: 24  “Bua le bomorwa Iseraele, o re, ‘Mo kgweding ya bosupa,+ mo letsatsing la ntlha la kgwedi, lo tshwanetse go nna le boikhutso jo bo feletseng, segopotso ka go gelebetega ga terompeta,+ kopano e e boitshepo+ 25  Lo se ka lwa dira tiro ya mofuta ope ya bonatla, mme lo isetse Jehofa tshupelo e e dirwang ka molelo.’” 26  Mme Jehofa a bua gape le Moshe, a re: 27  “Le fa go ntse jalo, letsatsi la bolesome la kgwedi eno ya bosupa ke letsatsi la tetlanyo.+ Lo nne le kopano e e boitshepo, mme lo bogise meya ya lona+ lo bo lo isetse Jehofa tshupelo+ e e dirwang ka molelo. 28  Lo se ka lwa dira tiro ya mofuta ope mo go lone letsatsi leno, ka gonne ke letsatsi la tetlanyo go lo direla tetlanyo+ fa pele ga ga Jehofa Modimo wa lona; 29  ka gonne moya mongwe le mongwe o o se kitlang o bogisiwa mo go lone letsatsi leno o tla kgaolwa mo bathong+ ba one. 30  Fa e le moya ope o o tla dirang tiro ya mofuta ope mo go lone letsatsi leno, ke tla senya moya oo mo bathong ba gaone.+ 31  Lo se ka lwa dira tiro ya mofuta ope.+ Ke molao ka bosakhutleng mo dikokomaneng tsa lona mo mafelong otlhe a lo nnang mo go one. 32  Ke sabata wa boikhutso jo bo feletseng mo go lona,+ mme lo bogise+ meya ya lona mo letsatsing la borobongwe la kgwedi mo maitseboeng. Lo boloke sabata ya lona go tswa maitseboeng go ya maitseboeng.” 33  Mme Jehofa a tswelela go bua le Moshe, a re: 34  “Bua le bomorwa Iseraele, o re, ‘Mo letsatsing la bolesome le botlhano la kgwedi eno ya bosupa ke moletlo wa diobo wa malatsi a le supa wa ga Jehofa.+ 35  Mo letsatsing la ntlha ke kopano e e boitshepo. Lo se ka lwa dira tiro ya mofuta ope ya bonatla. 36  Malatsi a le supa, lo isetse Jehofa tshupelo e e dirwang ka molelo. Mo letsatsing la borobedi lo nne le kopano e e boitshepo,+ mme lo isetse Jehofa tshupelo e e dirwang ka molelo. Ke kopano e e masisi. Lo se ka lwa dira tiro ya mofuta ope ya bonatla. 37  “‘Eno ke meletlo ya dipaka+ ya ga Jehofa e lo tshwanetseng go e bolela phatlalatsa jaaka dikopano tse di boitshepo,+ gore lo isetse Jehofa tshupelo+ e e dirwang ka molelo:+ tshupelo e e fisiwang+ le tshupelo ya setlhabelo ya dijo tsa ditlhaka+ le ditshupelo tsa senō kafa thulaganyong ya letsatsi le letsatsi, 38  kwantle ga bosabata ba ga Jehofa+ le kwantle ga dimpho+ tsa lona le kwantle ga ditshupelo tsotlhe tsa lona tsa maikano+ le kwantle ga ditshupelo+ tsotlhe tsa lona tse di dirwang ka go rata, tse lo tshwanetseng go di naya Jehofa. 39  Le fa go ntse jalo, mo letsatsing la bolesome le botlhano la kgwedi ya bosupa, fa lo phuthile kungo ya lefatshe, lo keteke moletlo+ wa ga Jehofa malatsi a le supa.+ Mo letsatsing la ntlha ke boikhutso jo bo feletseng le mo letsatsing la borobedi ke boikhutso jo bo feletseng.+ 40  Mme mo letsatsing la ntlha lo itseele leungo la ditlhare tse dintlentle, makakaba a magolo a ditlhare tsa mokolane+ le dikala tse dikgolo tsa ditlhare tse di tletseng dikala le madibonoka a mokgatšha o o phothoselang, mme lo ipele+ fa pele ga ga Jehofa Modimo wa lona malatsi a le supa. 41  Mme lo o keteke jaaka moletlo wa ga Jehofa malatsi a le supa mo ngwageng.+ Jaaka molao ka bosakhutleng mo nakong ya dikokomana tsa lona, lo o keteke mo kgweding ya bosupa. 42  Lo nne mo diobong malatsi a le supa.+ Batho botlhe ba mo Iseraele ba nne mo diobong,+ 43  gore dikokomana tsa lona di tle di itse+ gore ke ne ka dira gore bomorwa Iseraele ba nne mo diobong fa ke ne ke ba ntsha mo lefatsheng la Egepeto.+ Ke nna Jehofa Modimo wa lona.’” 44  Ka jalo Moshe a bua le bomorwa Iseraele ka meletlo ya dipaka+ ya ga Jehofa.

Dintlha Tse di Kwa Tlase