Lefitiko 2:1-16

2  “‘Jaanong fa go direga gore moya mongwe o isetse Jehofa tshupelo ya dijo tsa ditlhaka,+ a tshupelo ya gagwe e nne bupi jo bo boleta;+ mme a tshele leokwane mo go yone a ba a beye lebano mo go yone.  Mme a e tlise mo go bomorwa Arone, baperesiti, mme moperesiti a tabole mo go yone bupi jo bo boleta jwa yone jwa selekanyo sa seatla sa gagwe le leokwane la yone mmogo le lebano lotlhe la yone; a e kuise mosi jaaka segopotso+ sa yone mo sebesong, jaaka tshupelo e e dirwang ka molelo ya lonko lo lo ritibatsang lo lo yang kwa go Jehofa.  Mme mo go salang ga tshupelo ya dijo tsa ditlhaka ke ga ga Arone le bomorwawe,+ jaaka selo se se boitshepotshepo+ se se tswang mo ditshupelong tsa ga Jehofa tse di dirwang ka molelo.  “‘Mme fa go direga gore o ise tshupelo ya dijo tsa ditlhaka ya sengwe se se besitsweng mo pesetsong e le tshupelo, e nne ya bupi jo bo boleta, dikuku tse di sa bedisiwang tse di bopegileng jaaka maseka+ tse di kolobeditsweng ka leokwane kgotsa dipapetlana tsa senkgwe, tse di sa bedisiwang+ tse di tshasitsweng leokwane.+  “‘Mme fa tshupelo ya gago e le tshupelo ya dijo tsa ditlhaka tse di tswang mo paneng,+ e nne ya bupi jo bo boleta jo bo kolobeditsweng ka leokwane, jo bo sa bedisiwang.  E ngathoganngwe e nne dithathana, mme o tshele leokwane mo go yone.+ Ke tshupelo ya dijo tsa ditlhaka.  “‘Mme fa tshupelo ya gago e le tshupelo ya dijo tsa ditlhaka e e tswang mo pitseng e e boteng e e gadikelang, e dirwe ka bupi jo bo boleta le leokwane.  Mme o tlise tshupelo ya dijo tsa ditlhaka e e neng e dirilwe ka dilo tseno kwa go Jehofa; e isiwe mo moperesiting mme a e atametse fa sebesong.  Mme moperesiti a ntshe sengwe mo tshupelong e e fisiwang e le segopotso+ sa yone mme a se kuise mosi mo sebesong, e le tshupelo e e dirwang ka molelo ya lonko lo lo ritibatsang e e yang kwa go Jehofa.+ 10  Mme mo go salang ga tshupelo ya dijo tsa ditlhaka ke ga ga Arone le bomorwawe, jaaka selo se se boitshepotshepo sa ditshupelo tsa ga Jehofa tse di dirwang ka molelo.+ 11  “‘Go se ka ga nna le tshupelo epe ya dijo tsa ditlhaka e o tla e isetsang Jehofa e e tla dirwang selo se se bedisitsweng,+ ka gonne ga lo a tshwanela go kuisa sebediso le tswina epe ya dinotshe mosi gotlhelele e le tshupelo e e dirwang ka molelo e e yang kwa go Jehofa. 12  “‘Lo tla di isetsa Jehofa e le tshupelo ya mabutswapele,+ mme di se ka tsa tla mo sebesong gore e nne lonko lo lo ritibatsang. 13  “‘Mme o loke tshupelo nngwe le nngwe ya tshupelo ya gago ya dijo tsa ditlhaka ka letswai;+ mme o se ka wa letla gore letswai la kgolagano+ ya Modimo wa gago le tlhokege mo tshupelong ya gago ya dijo tsa ditlhaka. O ise letswai mmogo le tshupelo nngwe le nngwe ya gago. 14  “‘Mme fa o ka isetsa Jehofa tshupelo ya dijo tsa ditlhaka ya maungo a mabutswapele, o ise diako tse ditala tse di besitsweng ka molelo, ditlhaka tsa dijo tse disha tsa ditlhaka, e le tshupelo ya dijo tsa ditlhaka ya maungo+ a gago a mabutswapele. 15  Mme o e tshele leokwane o bo o beye lebano mo go yone. Ke tshupelo ya dijo tsa ditlhaka.+ 16  Mme moperesiti a dire gore segopotso+ sa yone se kue mosi, ke gore, dingwe tsa ditlhaka tsa yone le leokwane, mmogo le lebano lotlhe la yone, jaaka tshupelo e e dirwang ka molelo e e yang kwa go Jehofa.

Dintlha Tse di Kwa Tlase