Lefitiko 17:1-16

17  Mme Jehofa a tswelela go bua le Moshe, a re:  “Bua le Arone le bomorwawe le bomorwa Iseraele botlhe, mme o ba reye o re, ‘Seno ke selo se Jehofa a se laetseng, a re:  “‘“Fa e le motho ope wa ntlo ya Iseraele yo o tlhabang poo kgotsa phelefu e potlana kgotsa podi mo bothibelelong kgotsa yo o e tlhabelang kwa ntle ga bothibelelo  mme a sa e tlise mo kgorong ya mogope wa bokopanelo+ gore a e isetse Jehofa jaaka tshupelo fa pele ga motlaagana wa ga Jehofa, motho yoo o tla kaiwa a le molato wa madi. O tsholotse madi, mme motho yoo a kgaolwe mo bathong ba gagabo,+  gore bomorwa Iseraele ba tlise ditlhabelo tsa bone, tse ba di ntshang mo nageng e e bulegileng,+ ba di tlise kwa go Jehofa kwa kgorong ya mogope wa bokopanelo kwa moperesiting,+ mme ba di ntshetse Jehofa jaaka ditlhabelo tsa kabalano.+  Mme moperesiti a kgatšhe madi mo sebesong+ sa ga Jehofa se se fa kgorong ya mogope wa bokopanelo, mme a dire gore mafura+ a kue mosi jaaka lonko lo lo ritibatsang lo lo yang kwa go Jehofa.+  Ka jalo ba se ka ba tlhola ba ntshetsa madimona a bone a sekadipodi+ a ba akafalang le one+ ditlhabelo tsa bone. Seno e tla nna molao ka bosakhutleng mo go lona, go ya le dikokomana tsa lona.”’  “Mme o ba reye o re, ‘Fa e le motho ope wa ntlo ya Iseraele kgotsa moagi mongwe wa moeng yo o ka tswang a agile e le moeng mo gare ga lona yo o isang tshupelo e e fisiwang+ kgotsa setlhabelo  mme a sa se tlise kwa kgorong ya mogope wa bokopanelo gore a se isetse Jehofa,+ motho yoo a kgaolwe mo bathong ba gagabo.+ 10  “‘Fa e le motho ope wa ntlo ya Iseraele kgotsa moagi mongwe wa moeng yo o agileng e le moeng mo gare ga lona yo o jang madi a mofuta ope,+ ruri sefatlhego sa me se tla galefela moya+ ope o o jang madi, mme ruri ke tla o kgaola mo bathong ba ga one. 11  Gonne moya wa nama o mo mading,+ mme nna ka bonna ke a lo beetse mo sebesong gore lo direle meya ya lona tetlanyo,+ ka gonne madi+ ke one a dirang tetlanyo+ ka moya o o mo go one. 12  Ke gone ka moo ke reileng bomorwa Iseraele ka re: “Moya ope wa lona o se ka wa ja madi le moagi ope wa moeng yo o agileng e le moeng mo gare ga lona+ a se ka a ja madi.”+ 13  “‘Fa e le motho ope wa bomorwa Iseraele kgotsa moagi mongwe wa moeng yo o agileng e le moeng mo gare ga lona yo e reng fa a tsoma a ba a tshwara phologolo ya naga kgotsa nonyane e e ka jewang, foo a a tsholole madi+ a yone a a bipe ka lorole.+ 14  Gonne moya wa nama ya mofuta mongwe le mongwe ke madi a yone ka moya o o mo go one. Ka gone ke ne ka raya bomorwa Iseraele ka re: “Lo se ka lwa ja madi a nama ya mofuta ope fela, ka gonne moya wa nama ya mofuta mongwe le mongwe ke madi a yone.+ Ope yo o a jang o tla kgaolwa.”+ 15  Fa e le moya ope o o jang mmele o o setseng o sule kgotsa sengwe se se gagogantsweng ke sebatana sa naga,+ e ka ne e le motho wa mo lefelong la lona kgotsa moagi wa moeng, foo a a tlhatswe diaparo tsa gagwe a ba a tlhape mo metsing mme a itshekologe go fitlha maitseboa;+ mme o tla itsheka. 16  Mme fa a ka se ka a di tlhatswa mme a se kitla a tlhapa nama ya gagwe, foo a a arabele tlolo ya gagwe.’”+

Dintlha Tse di Kwa Tlase