Joshua 5:1-15

5  Mme ga diragala gore fela fa dikgosi tsotlhe tsa Baamore,+ tse di neng di le ka fa letlhakoreng le lengwe la Joredane go ela kwa bophirima, le dikgosi tsotlhe tsa Bakanana,+ tse di neng di le fa lewatleng, di utlwa gore Jehofa o ne a kgadisitse metsi a Joredane fa pele ga bomorwa Iseraele go fitlha ba kgabagantse, foo dipelo tsa bone tsa simolola go nyera,+ ga bo go sa tlhole go na le bopelokgale bope mo go bone ka ntlha ya bomorwa Iseraele.+  Ka yone nako eo Jehofa a raya Joshua a re: “Itirele dithipa tsa legweka mme o rupise+ bomorwa Iseraele gape, lekgetlo la bobedi.”  Ka jalo Joshua a itirela dithipa tsa legweka mme a rupisa bomorwa Iseraele kwa Gibeathe-haralothe.+  Lebaka la go bo Joshua a ne a rupisa ke le: batho botlhe ba ba neng ba dule kwa Egepeto, batho ba banna, banna botlhe ba ntwa, ba ne ba swetse+ mo nageng mo tseleng fa ba ne ba tswa kwa Egepeto.  Gonne batho botlhe ba ba neng ba tswa ba ne ba rupisitswe, mme batho botlhe ba ba tsholetsweng mo nageng mo tseleng fa ba ne ba tswa kwa Egepeto ba ne ba sa ba rupisa.  Gonne bomorwa Iseraele ba ne ba tsamaile dingwaga di le masome a manè+ mo nageng, go fitlha setšhaba sotlhe sa banna ba ntwa se se duleng kwa Egepeto seo se se kileng sa reetsa lentswe la ga Jehofa se fela, ba Jehofa a neng a ba ikanela gore ga a kitla le ka motlha a dira gore ba bone lefatshe+ le Jehofa a neng a le ikanetse borraabonemogologolwane gore o tla le re naya,+ lefatshe le le elang mashi le tswina ya dinotshe.+  Mme a emisa bomorwaabone mo boemong jwa bone.+ Joshua a rupisa bano, ka gonne ba ne ba sa rupisiwa, gonne ba ne ba sa ba rupisa mo tseleng.  Mme ga diragala gore fa ba feditse go rupisa setšhaba sotlhe, ba nna ba ntse mo lefelong la bone mo bothibelelong go fitlha ba fola.+  Foo Jehofa a raya Joshua a re: “Gompieno ke pitikolotse kgobo ya Egepeto ke e ntshitse mo go lona.”+ Ka jalo leina la lefelo leo le ne la bidiwa Gilegala+ go fitlha mo letsatsing leno. 10  Mme bomorwa Iseraele ba tswelela ba thibelela mo Gilegala, mme ba tshwara tlolaganyo mo letsatsing la bolesome le bonè la kgwedi,+ go le maitseboa, mo mabaleng a a sekaka a Jeriko. 11  Ba simolola go ja nngwe ya kungo ya lefatshe letsatsi morago ga tlolaganyo, dikuku tse di sa bedisiwang+ le dijo tse di besitsweng tsa ditlhaka, mo go lone letsatsi leno. 12  Foo mana a nyelela mo letsatsing le le latelang fa ba ne ba jele mangwe a maungo a lefatshe, mme mana a se ka a tlhola a tlela bomorwa Iseraele,+ mme ba simolola go ja mangwe a maugo a lefatshe la Kanana mo ngwageng oo.+ 13  Mme ga diragala ya re Joshua a le fa Jeriko a tsholetsa matlho a leba, mme bona, ga bo go le monna+ foo a eme fa pele ga gagwe tšhaka ya gagwe e somotswe e le mo seatleng sa gagwe.+ Ka jalo Joshua a tsamaela kwa go ene mme a mo raya a re: “A o wa rona kgotsa wa baba ba rona?” 14  Foo a re: “Nnyaa, mme nna—jaanong ke tlile ke le kgosana ya lesomo la ga Jehofa.”+ Foo Joshua a wela fa fatshe ka sefatlhego a obama+ mme a mo raya a re: “Morena wa me o raya motlhanka wa gagwe a reng?” 15  Foo kgosana ya lesomo la ga Jehofa ya raya Joshua ya re: “Somola bompaatšhane ba gago mo dinaong tsa gago, ka gonne lefelo le o emeng mo go lone le boitshepo.” Joshua a akofa a dira jalo.+

Dintlha Tse di Kwa Tlase