Joshua 21:1-45

21  Ditlhogo tsa borra Balefi jaanong tsa atamela moperesiti Eliasare+ le Joshua+ morwa Nune le ditlhogo tsa borra ditso tsa bomorwa Iseraele,  mme tsa bua le bone kwa Shilo+ mo lefatsheng la Kanana, tsa re: “Jehofa o laetse ka Moshe gore re newe metse e re tla nnang mo go yone, mmogo le mafulo a yone a diruiwa tsa rona.”+  Ka jalo bomorwa Iseraele ba naya Balefi+ metse eno le mafulo a yone go tswa mo bosweng jwa bone+ ka taelo ya ga Jehofa.  Foo ga tswa karolo e e abilweng ka bola ya malapa a Bakohathe,+ mme metse e le lesome le boraro ya nna ya bomorwa moperesiti Arone, ya Balefi, e e abilweng ka bola, go tswa mo lotsong lwa Juda+ le go tswa mo lotsong lwa Basimeone+ le go tswa mo lotsong lwa ga Benjamine.+  Mme go ne go na le metse e le lesome ya bomorwa Kohathe+ ba ba neng ba setse e e neng e abilwe ka bola go tswa mo malapeng a lotso lwa ga Eferaime+ le go tswa mo lotsong lwa ga Dana+ le go tswa mo sephatlong sa lotso lwa ga Manase.+  Gape go ne go na le metse e le lesome le boraro ya bomorwa Gereshone+ e e neng e abilwe ka bola go tswa mo malapeng a lotso lwa ga Isakare+ le go tswa mo lotsong lwa ga Ashera+ le go tswa mo lotsong lwa ga Nafetali+ le go tswa mo sephatlong sa lotso lwa ga Manase kwa Bashana.+  Bomorwa Merari+ ba ne ba na le metse e le lesome le bobedi ka malapa a bone go tswa mo lotsong lwa ga Rubene+ le go tswa mo lotsong lwa ga Gada+ le go tswa mo lotsong lwa ga Sebulone.+  Ka jalo bomorwa Iseraele ba naya Balefi metse eno le mafulo a yone+ ka bola,+ fela jaaka Jehofa a ne a laetse ka Moshe.+  Ba naya metse eno jalo e e neng e bidiwa ka leina+ go tswa mo lotsong lwa bomorwa Juda le go tswa mo lotsong lwa bomorwa Simeone, 10  mme ya nna ya bomorwa Arone go tswa mo malapeng a Bakohathe ba bomorwa Lefi, ka gonne karolo ya ntlha e e abilweng ka bola e ne ya nna ya bone.+ 11  Ka gone ba ba naya Kiriathe-areba+ (Areba yo o bolelwang yono e le rraagwe Anake),+ ke go re, Heberone,+ mo kgaolong e e dithaba ya Juda,+ le mafulo a yone go e dikologa yotlhe; 12  mme ba naya Kalebe morwa Jefune tshimo ya motse le metsana ya one go nna thuo ya gagwe.+ 13  Mme ba naya bomorwa moperesiti Arone motse wa botshabelo+ wa mmolai,+ e leng, Heberone,+ le mafulo a yone, le Libena+ le mafulo a yone, 14  le Jatire+ le mafulo a yone, le Eshetemoa+ le mafulo a yone,  15  le Holone+ le mafulo a yone, le Debira+ le mafulo a yone, 16  le Aine+ le mafulo a yone, le Juta+ le mafulo a yone, Bethe-shemeshe+ le mafulo a yone; metse e le robongwe go tswa mo ditsong tseno tse pedi. 17  Mme go tswa mo lotsong lwa ga Benjamine, Gibeone+ le mafulo a yone, Geba+ le mafulo a yone, 18  Anathothe+ le mafulo a yone, le Alemone+ le mafulo a yone; metse e le menè. 19  Metse yotlhe ya bomorwa Arone,+ e bong baperesiti, e ne e le metse e le lesome le boraro le mafulo a yone.+ 20  Mme malapa a bomorwa Kohathe, Balefi ba ba neng ba setse ba bomorwa Kohathe, ba nna le metse e e neng e abilwe ka bola jwa bone go tswa mo lotsong lwa ga Eferaime.+ 21  Ka jalo ba ba naya motse wa botshabelo+ wa mmolai,+ e leng, Shekema,+ le mafulo a yone+ mo kgaolong e e dithaba ya Eferaime, le Gesere+ le mafulo a yone, 22  le Kibesaime+ le mafulo a yone, le Bethe-horona+ le mafulo a yone; metse e le menè. 23  Mme go tswa mo lotsong lwa ga Dana, Eleteke le mafulo a yone, Gibethone+ le mafulo a yone, 24  Aijalona+ le mafulo a yone, Gathe-rimone+ le mafulo a yone; metse e le menè. 25  Mme go tswa mo sephatlong sa lotso lwa ga Manase, Taanake+ le mafulo a yone, le Gathe-rimone le mafulo a yone; metse e le mebedi. 26  Metse yotlhe mmogo le mafulo a yone e malapa a bomorwa Kohathe ba ba neng ba setse ba neng ba na le yone e ne e le lesome. 27  Mme bomorwa Gereshone,+ ba malapa a Balefi, ba ne ba na le motse wa botshabelo wa mmolai go tswa mo sephatlong sa lotso lwa ga Manase,+ e leng, Golane,+ kwa Bashana, le mafulo a yone, le Beeshetera+ le mafulo a yone; metse e le mebedi. 28  Mme go tswa mo lotsong lwa ga Isakare,+ Kishione+ le mafulo a yone, Daberathe+ le mafulo a yone, 29  Jaremuthe+ le mafulo a yone, Ene-ganime+ le mafulo a yone; metse e le menè. 30  Mme go tswa mo lotsong lwa ga Ashera,+ Mishale+ le mafulo a yone, Abedona+ le mafulo a yone, 31  Helekathe+ le mafulo a yone, le Rehobe+ le mafulo a yone; metse e le menè. 32  Mme go tswa mo lotsong lwa ga Nafetali,+ motse wa botshabelo+ wa mmolai,+ e leng, Kedeshe+ kwa Galalea, le mafulo a yone, le Hamothe-dore+ le mafulo a yone, le Karatane le mafulo a yone; metse e le meraro. 33  Metse yotlhe ya Bagereshone ka malapa a bone e ne e le metse e le lesome le boraro le mafulo a yone. 34  Mme malapa a bomorwa Merari,+ Balefi ba ba neng ba setse, ba ne ba na le Jokeneame le mafulo a yone go tswa mo lotsong lwa ga Sebulone,+ Kareta+ le mafulo a yone, 35  Dimena+ le mafulo a yone, Nahalale+ le mafulo a yone; metse e le menè. 36  Mme go tswa mo lotsong lwa ga Rubene,+ Besere+ le mafulo a yone, le Jahase+ le mafulo a yone, 37  Kedemothe+ le mafulo a yone, le Mefaathe+ le mafulo a yone; metse e le menè. 38  Mme go tswa mo lotsong lwa ga Gada,+ motse wa botshabelo wa mmolai, e leng, Ramothe kwa Gileade,+ le mafulo a yone, le Mahanaime+ le mafulo a yone, 39  Heshebone+ le mafulo a yone, Jasere+ le mafulo a yone; metse yotlhe e le menè. 40  Metse yotlhe e e neng ya nna ya bomorwa Merari+ ka malapa a bone, ba ba neng ba setse go tswa mo malapeng a Balefi, e ne e le metse e le lesome le bobedi e le kabelo ya bone. 41  Metse yotlhe ya Balefi mo gare ga thuo ya bomorwa Iseraele e ne e le metse+ e le masome a manè le borobedi mmogo le mafulo a yone.+ 42  Mongwe le mongwe wa metse eno o ne wa nna motse le mafulo a one go o dikologa otlhe—ga nna jalo ka metse eno yotlhe.+ 43  Ka jalo Jehofa a naya Iseraele lefatshe lotlhe le a neng a ikanetse gore o tla le naya borraabonemogologolwane,+ ba le rua+ ba bo ba nna mo go lone. 44  Mo godimo ga moo, Jehofa a ba naya boikhutso+ mo tikologong yotlhe, kafa go sotlhe se a neng a se ikanela+ borraabonemogololwane, mme ga se ka ga ema le fa a le mongwe wa baba ba bone fa pele ga bone.+ Jehofa o ne a tsenya baba botlhe ba bone mo seatleng sa bone.+ 45  Ga go na tsholofetso epe e e neng ya se ka ya diragadiwa mo tsholofetsong yotlhe e e molemo e Jehofa a neng a e solofeditse ntlo ya Iseraele; e ne ya diragadiwa yotlhe fela.+

Dintlha Tse di Kwa Tlase