Joshua 20:1-9

20  Foo Jehofa a bua le Joshua, a re:  “Bua le bomorwa Iseraele, o re, ‘Itireleng metse ya botshabelo+ e ke neng ka bua le lona ka yone ka Moshe,  gore mmolai+ yo o itayang moya gore o bo o swe e se ka boomo a sa itse a tshabele gone; mme e nne e lo tshabelang mmusolosi wa madi+ kwa go yone.  Mme a tshabele+ kwa go mongwe wa metse eno mme a eme kwa botsenong jwa kgoro+ ya motse mme a bue mafoko a gagwe banna ba bagolwane ba motse oo ba utlwa;+ mme ba mo amogelele kwa go bone mo motseng ba mo neye lefelo mme a nne le bone.  Mme fa go direga gore mmusolosi wa madi a mo lelekise, foo ba se ka ba tsenya mmolai yono mo seatleng sa gagwe;+ gonne o ne a itaya mongwe ka ene a sa itse gore a bo a swe, e bile o ne a ntse a sa mo tlhoa.+  Mme a nne mo motseng oo go fitlha a ema fa pele ga phuthego go atlholwa,+ go fitlha moperesiti yo mogolo a swa+ yo o gone mo malatsing ao. Ke gone mmolai a ka boang,+ mme a tsene mo motseng wa gagabo le mo ntlong ya gagwe, mo motseng o a neng a tshabile mo go one.’”  Ka jalo ba naya Kedeshe+ maemo a a boitshepo kwa Galalea mo kgaolong e e dithaba ya ga Nafetali, le Shekeme+ mo kgaolong e e dithaba ya Eferaime, le Kiriathe-areba,+ ke go re, Heberone mo kgaolong e e dithaba ya Juda.  Mme mo kgaolong ya Joredane, kwa Jeriko, go ela kwa botlhaba ba a naya Besere+ mo nageng e e kwa godimo e e sebatla go tswa mo lotsong lwa ga Rubene,+ le Ramothe+ kwa Gileade go tswa mo lotsong lwa ga Gada, le Golane+ kwa Bashana go tswa mo lotsong lwa ga Manase.  Eno ya nna metse e e tlhometsweng bomorwa Iseraele botlhe le moagi wa moeng yo o agileng e le moeng mo gare ga bone, gore ope fela yo o itayang moya e se ka boomo+ a tshabele kwa go yone, gore a se ka a bolawa ka seatla sa mmusolosi wa madi go fitlha a ema fa pele ga phuthego.+

Dintlha Tse di Kwa Tlase