Joshua 15:1-63

15  Karolo e e abilweng ka bola+ ya lotso lwa bomorwa Juda ka malapa a bone ya fitlha kwa molelwaneng wa Edoma,+ naga ya Tsine,+ go ya Negebe+ kwa ntlheng ya yone e e kwa borwa.  Mme molelwane wa bone o o kwa borwa wa simolola kwa ntlheng ya Lewatle la Letswai,+ go simolola kwa kgogometsong e e lebileng ntlheng ya borwa.  Mme wa tswela kwa borwa kwa botlhatlogong jwa Akarabime+ mme wa fetela kwa Tsine+ o bo o tlhatloga go tswa kwa borwa go ya Kadeshe-barenea+ mme wa kgabaganyetsa kwa Heserone o bo o tlhatlogela kwa Adara o bo o dikologa go ya Kareka.  Mme wa fetela kwa Asemone+ o bo o tswela kwa mokgatšheng o o phothoselang wa Egepeto;+ mme molelwane wa felela kwa lewatleng. Ono e ne ya nna molelwane wa bone o o kwa borwa.  Mme molelwane o o kwa botlhaba e ne e le Lewatle la Letswai go fitlha kwa Joredane e felelang gone, mme molelwane o o kwa sekhutlong se se kwa bokone o ne o le kwa kgogometsong ya lewatle, kwa Joredane e felelang gone.+  Mme molelwane wa tlhatlogela kwa Bethe-hogola+ wa kgabaganya kwa bokone jwa Bethe-araba,+ mme molelwane wa tlhatlogela kwa lejeng la ga Bohane+ morwa Rubene.  Mme molelwane wa tlhatlogela kwa Debira kwa lebaleng le le kwa tlase la Akore+ o bo o retologela kwa bokone kwa Gilegala,+ o o fa pele ga botlhatlogo jwa Adumime, o o kwa borwa jwa mokgatšha o o phothoselang; mme molelwane wa kgabaganyetsa kwa metsing a Ene-shemeshe,+ mme wa felela mo Ene-rogele.+  Mme molelwane wa tlhatlogela kwa mokgatšheng wa morwa Hinoma+ go ya kwa mokgokoloseng wa Mojebuse+ kwa borwa, ke go re, Jerusalema;+ mme molelwane wa tlhatlogela kwa godimo ga thaba e e lebileng mokgatšha wa Hinoma go ya kwa bophirima, o o kwa ntlheng ya lebala le le kwa tlase la Refaime+ go ela kwa bokone.  Mme molelwane wa tshwaiwa go simolola kwa godimo ga thaba go fitlha kwa motsweding wa metsi a Nefetoa,+ mme wa tswela kwa metseng ya Thaba ya Eferone; mme molelwane o ne o tshwailwe go ya Baala,+ ke go re, Kiriathe-jearime.+ 10  Mme molelwane wa dikologa go tswa Baala kwa bophirima go ya kwa Thabeng ya Seire o bo o kgabaganyetsa kwa mokgokoloseng wa Thaba ya Jearime kwa bokone, ke go re, Kesalone; mme wa fologela kwa Bethe-shemeshe+ o bo o kgabaganyetsa kwa Temena.+ 11  Mme molelwane wa tswela kwa mokgokoloseng wa Ekerone+ o ya kwa bokone, mme molelwane wa tshwaiwa go ya Shikerone o bo o kgabaganyetsa kwa Thabeng ya Baala o bo o tswela kwa Jabeneele; mme molelwane wa felela kwa lewatleng. 12  Mme molelwane wa bophirima o ne o le kwa Lewatleng le Legolo+ le losi lwa lone. Ono e ne e le molelwane mo tikologong yotlhe fela, wa bomorwa Juda ka malapa a bone. 13  Mme a naya Kalebe+ morwa Jefune kabelo mo gare ga bomorwa Juda ka taelo ya ga Jehofa mo go Joshua, e leng, Kiriathe-areba (Areba yo o bolelwang yono e le rraagwe Anake), ke go re, Heberone.+ 14  Ka jalo Kalebe a leleka bomorwa Anake+ ba bararo koo, e bong, Sheshai+ le Ahimane le Talemai,+ ba ba tsetsweng ke Anake.+ 15  Foo a tlhatloga go tswa koo a ya kwa banning ba Debire.+ (Jaanong leina la ga Debire pele ga moo e ne e le Kiriathe-sefere.)+ 16  Mme Kalebe a re: “Le fa e le mang yo o kgemethang Kiriathe-sefere a ba a e thopa, ke tla mo naya Akesa+ morwadiake go nna mosadi.” 17  Foo Otheniele+ morwa Kenase,+ morwarraagwe Kalebe, a e thopha. Ka jalo a mo naya Akesa+ morwadie go nna mosadi. 18  Mme ga diragala gore fa mosadi a ne a ya gae, a nna a mo tlhotlheletsa gore a kope tshimo mo go rraagwe. Foo a opa diatla a le mo godimo ga esele. Foo Kalebe a mo raya re: “O batlang?”+ 19  Ka jalo mosadi a re: “A ko o nneye tshegofatso, gonne o nneile sebata sa lefatshe se se kwa borwa, mme o tshwanetse go nnaya Gulothe-maime.” Ka jalo a mo naya Gulothe Yo o Kwa Godimo le Gulothe Yo o Kwa Tlase.+ 20  Jono e ne e le boswa+ jwa lotso lwa bomorwa Juda+ ka malapa a bone. 21  Mme metse e e neng e le kwa ntlheng ya lotso lwa bomorwa Juda go ela kwa molelwaneng wa Edoma+ kwa borwa e ne e le Kabeseele+ le Edere le Jagure, 22  le Kina le Dimona le Adada, 23  le Kedeshe le Hasore le Ithenane, 24  Siife le Teleme+ le Bealothe, 25  le Hasore-hadata le Keriothe-heserone, ke go re, Hasore, 26  Amame le Shema le Molada,+ 27  le Hasare-gada le Heshemone le Bethe-pelete,+ 28  le Hasare-shuale+ le Beere-sheba+ le Bisiothia, 29  Baala+ le Ime le Eseme,+ 30  le Eletolade le Kesila le Horema,+ 31  le Sikelage+ le Mademana le Sanesana, 32  le Lebaothe le Shilehime le Aine+ le Rimone;+ metse yotlhe e le masome a mabedi le borobongwe, mmogo le metsana ya teng. 33  Kwa Shefela+ go ne go na le Eshataole+ le Sora+ le Ashena, 34  le Sanoa+ le Ene-ganime, Tapua le Ename, 35  Jaremuthe+ le Adulama,+ Sokho+ le Aseka,+ 36  le Shaaraime+ le Adithaime le Gedera le Gederothaime; metse e le lesome le bonè le metsana ya teng. 37  Senane le Hadasha le Migedale-gade, 38  le Dileane le Misepa le Joketheele, 39  Lakishe+ le Bosekathe+ le Egelone,+ 40  le Kabone le Lahemame le Kitilisha, 41  le Gederothe, Bethe-dagone le Naama le Makeda;+ metse e le lesome le borataro le metsana ya teng. 42  Libena+ le Ethere+ le Ashane, 43  le Ifeta le Ashena le Nesibe, 44  le Keila+ le Akesibe+ le Mareshahe;+ metse e le robongwe le metsana ya teng. 45  Ekerone+ le metse e e kafa tlase ga gagwe le metsana ya teng. 46  Go tswa Ekerone go ya bophirima gotlhe mo go leng fa thoko ga Ashedoda le metsana ya teng. 47  Ashedoda,+ metse e e kafa tlase ga gagwe le metsana ya teng; Gasa,+ metse e e kafa tlase ga gagwe le metsana ya teng, go fitlha kwa mokgatšheng o o phothoselang wa Egepeto, le Lewatle le Legolo le kgaolo e e gaufi le lone.+ 48  Mme mo kgaolong e e dithaba Shamire le Jatire+ le Sokho, 49  le Danna le Kiriathe-sanna, ke go re, Debira, 50  le Anabe le Eshetemo+ le Anime, 51  le Goshene+ le Holone le Gilo;+ metse e le lesome le bongwe le metsana ya teng. 52  Areba le Duma le Eshane, 53  le Janime le Bethe-tapua le Afekha, 54  le Humeta le Kiriathe-areba, ke go re, Heberone,+ le Siore; metse e le robongwe le metsana ya teng. 55  Maone,+ Karemele le Siife+ le Juta, 56  le Jesereele le Jokedeame le Sanoa, 57  Kaine, Gibea le Temena;+ metse e le lesome le metsana ya teng. 58  Halehule, Bethe-sure le Gedore, 59  le Maarathe le Bethe-anothe le Eletekone; metse e le merataro le metsana ya teng. 60  Kiriathe-baale,+ ke go re, Kiriathe-jearime,+ le Raba; metse e le mebedi le metsana ya teng. 61  Mo nageng ya Bethe-araba,+ Midine le Sekaka, 62  le Nibeshane le Motse wa Letswai le Ene-gedi;+ metse e le merataro le metsana ya teng. 63  Mme Bajebuse+ ba ba neng ba nna kwa Jerusalema,+ bomorwa Juda ba ne ba sa kgone go ba leleka;+ mme Bajebuse ba tswelela ba nna le bomorwa Juda kwa Jerusalema go tla go fitlha mo letsatsing leno.

Dintlha Tse di Kwa Tlase