Joshua 13:1-33

13  Jaanong Joshua o ne a tsofetse, a na le dingwaga di le dintsi thata.+ Ka jalo Jehofa a mo raya a re: “O tsofetse e bile o na le dingwaga di le dintsi thata, mme go sa ntse go setse lefatshe le legolo thata gore le ruiwe.+  Leno ke lefatshe le le sa ntseng le setse:+ dikgaolo tsotlhe tsa Bafilisitia+ le la Bageshure+ botlhe  (go simolola kwa Nile e kgaoganang teng fa pele ga Egepeto go fitlha kwa molelwaneng wa Ekerone go ya bokone,+ le ne le tle le tsewe e le la Bakanana);+ barena ba kgolagano ba le batlhano+ ba Bafilisitia, Bagasa+ le Baashedoda,+ Baashekelona,+ Bagathe+ le Baekerone;+ le Baafime.+  Lefatshe lotlhe la Bakanana go ya kwa borwa; le Meara, ya Basidona,+ go fitlha kwa Afeka, go fitlha kwa molelwaneng wa Baamore;  le lefatshe la Bagebale+ le Lebanona yotlhe go ela kwa botlhabatsatsi, go tswa Baale-gade+ fa mohapheng wa Thaba ya Heremone go fitlha kwa botsenong jwa Hamathe;+  banni botlhe ba kgaolo e e dithaba, go tswa Lebanona+ go ya Miserefothe-maime,+ Basidona+ botlhe; nna ka bonna ke tla ba gapela thuo fa pele ga bomorwa Iseraele.+ Fela o dire gore e wele mo go Iseraele go nna boswa, fela jaaka ke go laetse.+  Mme jaanong kgaoganyetsa ditso di le robongwe, le sephatlo sa lotso lwa ga Manase+ lefatshe leno go nna boswa.”  Barubene le Bagada mmogo le sephatlo se sengwe sa lotso ba tsaya boswa jwa bone jo Moshe a neng a bo ba naya ka kwa letlhakoreng le lengwe la Joredane go ela kwa botlhaba, fela jaaka Moshe motlhanka wa ga Jehofa a ne a ba neile,+  go tswa Aroere,+ o o fa lotshitshing lwa mokgatšha o o phothoselang wa Arenone,+ le motse o o fa gare ga mokgatšha o o phothoselang, le naga yotlhe e e kwa godimo e e sebatla ya Medeba+ go ya go fitlha kwa Dibone;+ 10  le metse yotlhe ya ga Sihone kgosi ya Baamore, yo o neng a busa kwa Heshebone, go fitlha kwa molelwaneng wa bomorwa Amona;+ 11  le Gileade le karolo ya naga ya Bageshure+ le Bamaakathe le Thaba yotlhe ya Heremone+ le Bashana+ yotlhe go ya go fitlha kwa Saleka;+ 12  puso yotlhe ya segosi ya ga Oge+ kwa Bashana, yo o neng a busa kwa Ashetarothe le kwa Ederei+—ke ene yo o neng a sala mo go se e neng e le mo go setseng ga Barefaime+—mme Moshe a ba kgemetha a ba a ba gapela thuo.+ 13  Mme bomorwa Iseraele ba ne ba se ka ba gapela+ Bageshure thuo le Bamaakathe, mme Geshure+ le Maakathe ba ntse ba nna mo gare ga Iseraele go fitlha mo letsatsing leno. 14  E ne e le lotso lwa ga Lefi fela lo a neng a se ka a lo naya boswa.+ Ditshupelo tse di dirwang ka molelo+ tse di yang kwa go Jehofa Modimo wa Iseraele ke tsone boswa jwa bone,+ fela jaaka a ba solofeditse.+ 15  Foo Moshe a naya lotso lwa bomorwa Rubene mpho ka malapa a bone, 16  mme karolo ya naga ya nna ya bone go simolola kwa Aroere,+ o o fa lotshitshing lwa mokgatšha o o phothoselang wa Arenone, le motse o o fa gare wa mokgatšha o o phothoselang, le naga yotlhe e e kwa godimo e e sebatla fa Medeba;+ 17  Heshebone+ le metse+ yotlhe ya yone e e mo nageng e e kwa godimo e e sebatla, Dibone+ le Bamothe-baale+ le Bethe-baale-meone,+ 18  le Jahase+ le Kedemothe+ le Mefaathe,+ 19  le Kiriathaime+ le Sibema+ le Serethe-shahare mo thabeng ya lebala le le kwa tlase, 20  le Bethe-peore le mekgokolosa ya Pisega+ le Bethe-jeshimothe,+ 21  le metse yotlhe ya naga e e kwa godimo+ e e sebatla le puso yotlhe ya segosi ya ga Sihone kgosi ya Baamore, yo o neng a busa kwa Heshebone,+ yo Moshe a neng a mmolaya,+ mmogo le dikgosana tsa Midiana, Efi le Rekeme le Sure le Hure le Reba,+ dikgosana tsa ga Sihone, tse di neng di nna mo lefatsheng leo. 22  Mme Balaame morwa Beore,+ yo o dirang tiro ya boitseanape,+ ke ene yo bomorwa Iseraele ba neng ba mmolaya ka tšhaka mmogo le ba ba bolailweng setlhogo ba bone. 23  Mme molelwane wa bomorwa Rubene ya nna Joredane; mme seno jaaka karolo ya naga, ya bo e le boswa jwa bomorwa Rubene+ ka malapa a bone, le metse le metsana ya teng. 24  Go feta moo, Moshe a naya lotso lwa Gada mpho, bomorwa Gada ka malapa a bone,+ 25  mme karolo ya bone ya naga ya nna Jasere+ le metse yotlhe ya Gileade+ le sephatlo sa lefatshe la bomorwa Amona+ go fitlha kwa Aroere,+ o o fa pele ga Raba;+ 26  mme go tswa kwa Heshebone+ go fitlha kwa Ramatha-misepa le Betonime le go tswa kwa Mahanaime+ go ya kwa molelwaneng wa Debira;+ 27  le mo lebaleng le le kwa tlase la Bethe-harama+ le Bethe-nimera+ le Sukothe+ le Safone, puso yotlhe ya segosi ya ga Sihone kgosi ya Heshebone,+ Joredane e le molelwane go fitlha kwa ntlheng ya lewatle la Kinerethe+ kafa letlhakoreng la Joredane go ela kwa botlhaba. 28  Jono e ne e le boswa jwa bomorwa Gada+ ka malapa a bone, le metse le metsana ya teng. 29  Go feta moo, Moshe a naya sephatlo sa lotso lwa ga Manase mpho, mme ya nna ya sephatlo sa lotso lwa bomorwa Manase ka malapa a bone.+ 30  Mme karolo ya bone ya naga ya simolola kwa Mahanaime,+ Bashana yotlhe, puso yotlhe ya segosi ya ga Oge kgosi ya Bashana,+ le metsana yotlhe ya megope ya ga Jaire+ e e kwa Bashana, metse e le masome a le marataro. 31  Mme sephatlo sa Gileade, le Ashetarothe+ le Ederei,+ metse ya puso ya segosi ya ga Oge kwa Bashana, ya ya mo go bomorwa Makire+ morwa Manase, sephatlo sa bomorwa Makire ka malapa a bone. 32  Eno ke e Moshe a neng a dira gore ba e rue, mo mabaleng a a sekaka a Moabe kafa letlhakoreng la Joredane, kwa Jeriko, go ela kwa botlhaba.+ 33  Mme Moshe o ne a se ka a naya lotso lwa Balefi boswa.+ Jehofa Modimo wa Iseraele ke ene boswa jwa bone, fela jaaka a ba solofeditse.+

Dintlha Tse di Kwa Tlase