Joshua 11:1-23

11  Mme ga diragala gore fela fa Jabine kgosi ya Hasore a utlwa ka gone, a roma kwa go Jobabe kgosi ya Madona+ le kwa kgosing ya Shimerone le kwa kgosing ya Akeshafe,+  le kwa dikgosing tse di neng di le kwa bokone mo kgaolong e e dithaba le kwa mabaleng a a sekaka kwa borwa jwa Kinerethe+ le kwa Shefela+ le mo mekolokong ya dithaba tsa Dora+ go ya kwa bophirima,  Bakanana+ kwa botlhaba le kwa bophirima, le Baamore+ le Bahite+ le Baperise+ le Bajebuse+ mo kgaolong e e dithaba le Bahife+ fa mohapheng wa Heremone+ mo lefatsheng la Misepa.+  Ka jalo ba tswa, bone mmogo le mathibelelo otlhe a bone, setšhaba se se ntseng jaaka moshawa o o fa losing lwa lewatle ka bontsi,+ le dipitse di le dintsi+ thata le dikara tsa ntwa.  Foo dikgosi tseno tsotlhe tsa kopana mmogo ka nako e di e beelaneng mme tsa tla tsa thibelela mmogo fa metsing a Merome gore di tlhabane le Iseraele.+  Foo Jehofa a raya Joshua a re: “O se ka wa boifa ka ntlha ya bone,+ gonne ka moso mo e ka nnang ka nako eno ke tla bo ke ba tlogelela Iseraele botlhe ba bolailwe. O tla kgaola mesifa ya maoto a dipitse tsa bone,+ mme o tla fisa dikara tsa bone mo molelong.”+  Mme Joshua mmogo le batho botlhe ba ntwa ba ba tsogologela ka tshoganyetso fa metsing a Merome mme ba ba wela godimo.  Foo Jehofa a ba tsenya mo seatleng sa Iseraele,+ mme ba ba kgemetha le go ba latelela go ya go fitlha kwa Sidona+ o o nang le batho ba bantsi le kwa Miserefothe-maime+ le lebala la mokgatšha wa Misepa+ go ya kwa botlhaba; ba nna ba ba kgemetha go fitlha ba sa letla gore go sale mofalodi ope wa bone.+  Morago ga moo Joshua a ba dira fela jaaka Jehofa a ne a mmoleletse: a kgaola dipitse tsa bone mesifa ya maoto,+ mme a fisa dikara tsa bone mo molelong.+ 10  Go feta moo, Joshua a retologa ka nako eo+ a thopa Hasore;+ mme a kgemetha kgosi ya teng ka tšhaka,+ ka gonne pele ga moo Hasore e ne e le tlhogo ya magosi ano otlhe. 11  Mme ba kgemetha moya mongwe le mongwe o o neng o le mo go yone ka bogale jwa tšhaka, ba e senya.+ Go ne go sa tlogelwa selo sepe gotlhelele se se hemang,+ mme a fisa Hasore mo molelong. 12  Mme Joshua a thopa metse yotlhe ya dikgosi tseno le dikgosi tsotlhe tsa yone mme a di kgemetha ka bogale jwa tšhaka.+ A di senya,+ fela jaaka Moshe motlhanka wa ga Jehofa a ne a laetse.+ 13  Ke metse e e neng e eme mo dithotaneng tsa yone fela e Iseraele e neng ya se ka ya e fisa, kwantle ga gore Joshua o ne a fisa Hasore e le nosi. 14  Mme bomorwa Iseraele ba ikgapela thopo+ yotlhe ya metse eno le diruiwa . E ne e le batho botlhe fela ba ba neng ba ba kgemetha ka bogale jwa tšhaka go fitlha ba ba nyeleditse.+ Ba ne ba se ka ba letla ope yo o hemang go sala.+ 15  Fela jaaka Jehofa a ne a laetse Moshe motlhanka wa gagwe, Moshe o ne a laela Joshua+ jalo, mme Joshua a dira jalo. O ne a se ka a tlosa le fa e le lefoko mo go otlhe a Jehofa a neng a a laetse Moshe.+ 16  Mme Joshua a tsaya lefatshe leno lotlhe, kgaolo e e dithaba le Negebe+ yotlhe le lefatshe lotlhe la Goshene+ le Shefela+ le Areba+ le kgaolo e e dithaba ya Iseraele le Shefela+ wa yone, 17  go tswa kwa Thabeng ya Halake,+ e e tlhatlogelang kwa Seire,+ le go ya go fitlha kwa Baale-gade+ mo lebaleng la mokgatšha wa Lebanona fa mohapheng wa Thaba ya Heremone,+ mme a thopa dikgosi tsotlhe tsa yone a di kgemetha a di bolaya.+ 18  Joshua o ne a lwa le dikgosi tseno tsotlhe malatsi a le mantsi. 19  Go ne go se na motse ope o o neng wa dira kagiso le bomorwa Iseraele fa e se Bahife+ ba ba nnang kwa Gibeone.+ E mengwe yotlhe ba ne ba e tsaya ka ntwa.+ 20  Gonne go ne ga itshupa e le tsela ya ga Jehofa go letla dipelo tsa bone gore di nne logwadi+ gore ba bolotse ntwa kgatlhanong le Iseraele, gore a tle a ba neelele tshenyego, gore ba se ka ba akanyediwa+ ka tsela e e molemo, mme gore a ba nyeletse, fela jaaka Jehofa a ne a laetse Moshe.+ 21  Go feta moo, ka yone nako eo Joshua a tswa a ya go fedisa Baanake+ mo kgaolong e e dithaba, mo Heberone, mo Debira, mo Anabe+ le mo kgaolong yotlhe e e dithaba ya Juda le mo kgaolong yotlhe e e dithaba ya Iseraele.+ Joshua a ba senya+ mmogo le metse ya bone. 22  Ga go na Baanake bape ba ba neng ba tlogelwa mo lefatsheng la bomorwa Iseraele. Ba ne ba sala+ fela kwa Gasa,+ kwa Gathe+ le kwa Ashedoda.+ 23  Ka jalo Joshua a tsaya lefatshe lotlhe, kafa go sotlhe se Jehofa a neng a se solofeditse Moshe,+ foo Joshua a le neela Iseraele go nna boswa ka dikabelo tsa bone, kafa ditsong tsa bone.+ Mme lefatshe le ne la se ka la nna le matshwenyego a ntwa.+

Dintlha Tse di Kwa Tlase