Joshua 1:1-18

1  Mme ga diragala morago ga loso lwa ga Moshe motlhanka wa ga Jehofa gore Jehofa a reye Joshua+ morwa Nune, modiredi+ wa ga Moshe a re:  “Moshe motlhanka wa me o sule;+ mme jaanong nanoga, kgabaganya Joredane eno, wena le setšhaba seno sotlhe, o tsene mo lefatsheng le ke le ba nayang, e bong bomorwa Iseraele.+  Lefelo lengwe le lengwe le pato ya lonao lwa lona e tla le gatang, ke tla le lo naya, fela jaaka ke solofeditse Moshe.+  Karolo ya lona ya naga+ e tla nna go simolola kwa nageng le Lebanona eno go fitlha kwa nokeng e kgolo, noka ya Euferatese, ke gore, lefatshe lotlhe la Bahite,+ le go fitlha kwa Lewatleng le Legolo go ela kwa bophirimatsatsi.  Ga go na ope yo o tla emang a nonofile fa pele ga gago malatsi otlhe a botshelo jwa gago.+ Ke tla nna le wena+ fela jaaka ke ne ke na le Moshe. Ga nkitla ke go latlha le fa e le go go tlogela gotlhelele.+  O nne pelokgale o bo o nonofe,+ gonne ke wena yo o tla dirang gore batho bano ba rue+ lefatshe le ke neng ka le ikanela borraabonemogologolwane gore ke tla le ba naya.+  “Fela o nne pelokgale o bo o nonofe thata go tlhokomela go dira kafa molaong otlhe o Moshe motlhanka wa me a o go laoletseng.+ O se ka wa o fapoga wa ya kafa mojeng kgotsa kafa molemeng,+ gore o dire ka botlhale gongwe le gongwe kwa o yang gone.+  Buka eno ya molao e se ka ya tloga mo molomong wa gago,+ o e balele kwa tlase motshegare le bosigo, gore o tlhokomele go dira kafa go sotlhe se se kwadilweng mo go yone;+ gonne o tla dira gore tsela ya gago e atlege e bile o tla dira ka botlhale.+  A ga ke a go laela?+ O nne pelokgale o bo o nonofe. O se ka wa garoga pelo kgotsa wa tshoga,+ gonne Jehofa Modimo wa gago o na le wena gongwe le gongwe kwa o yang gone.”+ 10  Mme Joshua a laela badiredi ba batho, a re: 11  “Kgabaganyang fa gare ga bothibelelo lo laele batho lo re, ‘Ipaakanyetseng mefago, ka gonne malatsi a le mararo go tloga jaanong lo tla bo lo kgabaganya Joredane eno gore lo tsene lo rue lefatshe le Jehofa Modimo wa lona a le lo nayang gore lo le rue.’”+ 12  Mme Joshua a raya Barubene le Bagada le sephatlo sa lotso lwa ga Manase a re: 13  “A go gakologelweng lefoko le Moshe motlhanka wa ga Jehofa a le lo laetseng,+ a re, ‘Jehofa Modimo wa lona o lo naya boikhutso e bile o lo neile lefatshe leno. 14  Basadi ba lona, bana ba lona ba bannye le diruiwa tsa lona di tla nna mo lefatsheng le Moshe a le lo neileng kafa letlhakoreng leno la Joredane;+ mme lona banna lo tla kgabaganya lo tlhomagane kafa thulaganyong ya tlhabano+ fa pele ga bomorwarraalona, banna botlhe ba ba diganka ba ba thata,+ mme lo ba thuse. 15  Santlha fa Jehofa a naya bomorwarraalona boikhutso fela jaaka a naya lona mme le bone ba ruile lefatshe le Jehofa Modimo wa lona a le ba nayang,+ lo boele kwa lefatsheng la thuo ya lona mme lo le rue,+ le Moshe motlhanka wa ga Jehofa a le lo neileng kafa letlhakoreng la Joredane go ela kwa botlhabatsatsi.’”+ 16  Ka jalo ba araba Joshua, ba re: “Sotlhe se o se re laetseng re tla se dira, e bile re tla ya gongwe le gongwe kwa o tla re romang gone.+ 17  Jaaka re ne ra reetsa Moshe mo go sengwe le sengwe, re tla go reetsa jalo. Fela e kete Jehofa Modimo wa gago a ka nna le wena+ fela jaaka a ne a na le Moshe.+ 18  Motho ope yo o itshwarang ka go tsuologela taelo ya gago+ mme a sa reetse mafoko a gago mo go sotlhe se o tla se mo laolelang o tla bolawa.+ Fela o nne pelokgale o bo o nonofe.”+

Dintlha Tse di Kwa Tlase