Jona 4:1-11

4  Le fa go ntse jalo mo go Jona, go ne go sa itumedise ka gope,+ mme a tuka bogale.  Ka gone a rapela Jehofa mme a re: “Ao tlhe Jehofa, a seno e ne e se se ke tshwenyegang ka sone, fa ke ne ke le mo lefatsheng la me? Ke gone ka moo ke neng ka tshabela kwa Tareshishe;+ gonne ke ne ke itse gore o Modimo yo o pelontle le yo o kutlwelobotlhoko,+ yo o bonya go galefa le yo o nang le bopelonomi jo bogolo jwa lorato,+ le yo o ikwatlhaelang masetlapelo.+  Mme jaanong, tlhe Jehofa, tsweetswee, tsaya moya wa me+ mo go nna, gonne go swa ga me go botoka go na le go tshela ga me.”+  Fa a araba, Jehofa a re: “A go siame go bo o tuka bogale?”+  Go tswa foo Jona a tswa mo motseng mme a nna kwa botlhaba jwa motse; mme kgabagare a itirela loobo koo, gore a tle a nne kafa tlase ga lone mo moriting+ go fitlha a bona se se tla diragalelang motse.+  Ka jalo Jehofa Modimo a tlhoma semela sa segwana, gore se tle mo godimo ga ga Jona, gore se tle se nne moriti mo godimo ga tlhogo ya gagwe, go mo golola mo boemong jwa gagwe jwa masetlapelo.+ Mme Jona a simolola go ipelela semela sa segwana fela thata.  Mme Modimo wa boammaaruri a tlhoma seboko+ fa bo sa letsatsi le le latelang, gore se tlhasele semela sa segwana; mme sa omelela+ ka bonya.  Mme ga diragala ya re, ka bonako fela fa letsatsi le phatsima, Modimo gape a tlhoma phefo ya botlhaba+ e e phaphalatsang, mme letsatsi la nna la itaya mo tlhogong ya ga Jona, gore a bo a idibale;+ a nna a kopa gore moya wa gagwe o swe, mme a bua kgapetsakgapetsa a re: “Go botoka gore ke swe go na le gore ke tshele.”+  Mme Modimo a raya Jona a re: “A go siame go bo o tuka bogale ka ntlha ya semela sa segwana?”+ Fa a araba seo a re: “Go siame go bo ke tuka bogale, go ya losong.” 10  Mme Jehofa a re: “Wena, o ne wa utlwela semela sa segwana botlhoko, se o sa dirang ka natla mo go sone kgotsa wa se dira gore se nne segolo, se se neng sa tlhoga mo bosigong bo le bongwe fela mme sa nyelela jaaka se se tlhogileng mo bosigong bo le bongwe fela. 11  Mme nna, a ga ke a tshwanela go utlwela Ninife botlhoko motse o mogolo,+ o go nang le batho ba ba fetang dikete di le lekgolo le masome a mabedi mo go one ba gotlhelele ba sa itseng pharologanyo fa gare ga seatla sa bone sa moja le sa molema, re sa bale diruiwa tse dintsi?”+

Dintlha Tse di Kwa Tlase